Middle Class Tamil Movie: முனீஸ் காந்த், விஜயலட்சுமி நடிப்பில் உருவான மிடில் கிளாஸ் திரைப்படம், ஓடிடியில் வெளியாக இருக்கிறது. இந்த திரைப்படம் அண்மையில் திரையரங்குகளில் வெளியானது குறிப்பிடத்தக்கது.
கடந்த நவம்பர் மாதம் 21-ஆம் தேதி திரையரங்குகளில் வெளியான திரைப்படம் மிடில் கிளாஸ். காமெடி பாணியில் உருவான இந்த திரைப்படத்திற்கு விமர்சன ரீதியாக வரவேற்பு கிடைத்தது. இதைத் தொடர்ந்து, இந்த திரைப்படம் எப்போது ஓடிடியில் வெளியாகும் என்ற எதிர்பார்ப்பு உருவானது. அதன்படி, ஜீ5 ஓடிடி தளத்தில் டிசம்பர் 24-ஆம் தேதி இந்த திரைப்படம் வெளியாக இருக்கிறது.
இந்த திரைப்படத்தில் முதன்மை கதாபாத்திரங்களில் முனீஸ் காந்த் மற்றும் விஜயலட்சுமி ஆகியோர் நடித்தனர். இவர்களை தவிர வேல ராமமூர்த்தி, வடிவேல் முருகன், காளி வெங்கட், குரேஷி, ராதாரவி மற்றும் மாளவிகா அவிநாஷ் ஆகியோர் முக்கிய பாத்திரங்களில் நடித்திருந்தனர். இப்படத்தை கிஷோர் முத்துராமலிங்கம் இயக்கி இருந்தார். இந்த திரைப்படத்திற்கு பிரணவ் முனிராஜ் இசையமைத்திருந்தார்.
மேலும் படிக்க: Revolver Rita OTT Release Date: ஓடிடியில் வெளியாகும் கீர்த்தி சுரேஷின் ரிவால்வர் ரீட்டா திரைப்படம்; எந்த தளத்தில், எப்போது பார்க்கலாம்?
கார்ல் மார்ஸ் (முனீஸ் காந்த்) மற்றும் அன்பரசி (விஜயலட்சுமி) ஆகியோர் தங்கள் குழந்தைகளுடன் வசித்து வருகின்றனர். இவர்கள் சந்திக்கும் பொருளாதார சிக்கல்களை, படத்தின் இயக்குநர் சுவாரஸ்யமாக காண்பித்திருந்தார். குறிப்பாக, சாமானிய நடுத்தர வர்க்க குடும்பத்திற்குள் நிகழும் பொருளாதார மற்றும் உணர்வு போராட்டங்களை உணர்ச்சிப்பூர்வமாகவும், காமெடியாகவும் இப்படத்தில் காட்சிப்படுத்தி இருந்தனர்.
A story that feels like home #MiddleClass ❤️
— ZEE5 Tamil (@ZEE5Tamil) December 20, 2025
Families Favorite Entertainer #MiddleClass Premieres On Dec 24th On ZEE5❤️#Munishkanth @vgyalakshmi @Mohamedkuraish2 #MalavikaaAvinash #Radharavi #Kodangivadivelu @prathyangiraUS @PranavMuniraj @AxessFilm @goodshow_offl… pic.twitter.com/cutSpvTdfd
மேலும் படிக்க: Year Ender 2025: இந்த ஆண்டில் வசூல் சாதனை படைத்த டாப் 5 தமிழ் திரைப்படங்கள் லிஸ்ட் இதோ!
சமீப நாட்களாக குடும்பப்பாங்கான திரைப்படங்கள் பார்வையாளர்களை கவர்கிறது. உதாரணத்திற்கு, குடும்பஸ்தன், டூரிஸ்ட் ஃபேமிலி உள்ளிட்ட திரைப்படங்களுக்கு விமர்சன ரீதியாகவும், வர்த்தக ரீதியாகவும் நல்ல வரவேற்பு அளிக்கப்பட்டது. அந்த வரிசையில், மிடில் கிளாஸ் திரைப்படமும் இடம்பெற்றது. நட்சத்திர நடிகர்களின் திரைப்படங்கள் எதிர்பார்த்த அளவிற்கு மக்களை ஈர்க்காத நிலையில், இது போன்ற எளிய திரைப்படங்கள் பார்வையாளர்களை மகிழ்வித்தன. இதன் மூலம் இந்த ஆண்டில் சிறிய பட்ஜெட் திரைப்படங்கள் நல்ல லாபத்தை ஈட்டின.
Soli mudinjidhu..🤣 Just 3 days to family chaos..🤩
— ZEE5 Tamil (@ZEE5Tamil) December 21, 2025
Families Favorite Entertainer #MiddleClass Premieres On Dec 24th On ZEE5❤️#Munishkanth @vgyalakshmi @Mohamedkuraish2 #MalavikaaAvinash #Radharavi #Kodangivadivelu @prathyangiraUS @PranavMuniraj @AxessFilm @goodshow_offl… pic.twitter.com/cae1HoBJYM
ஓடிடிக்கு வருகை தரும் மிடில் கிளாஸ் திரைப்படம்:
அந்த வகையில், மிடில் கிளாஸ் திரைப்படத்திற்கு பார்வையாளர்கள் மற்றும் விமர்சகர்கள் இடையே நல்ல வரவேற்பு அளிக்கப்பட்டது. இதைத் தொடர்ந்து, இந்த திரைப்படத்தின் ஓடிடி வெளியீடு எப்போது இருக்கும் என்ற எதிர்பார்ப்பு நிலவியது. அந்த வகையில், டிசம்பர் 24-ஆம் தேதி ஜீ5 ஓடிடி தளத்தில் வெளியாகும் இந்த திரைப்படத்தை காண்பதற்கு, ரசிகர்கள் ஆர்வமாக உள்ளனர். எனினும், திரையரங்கில் இப்படத்திற்கு கிடைத்த வரவேற்பு, ஓடிடி வெளியீட்டின் போதும் கிடைக்குமா என்ற கேள்வி எழுந்துள்ளது.
இது போன்று சிறிய பட்ஜெட்டில் உருவாகும் திரைப்படங்களில் கதையம்சம் மாறுபட்ட வகையில் ரசிக்கும் படி இருக்கும் என்ற நம்பிக்கை தற்போது கோலிவுட் ரசிகர்கள் இடையே நிலவுகிறது. இதனால், சிறிய பட்ஜெட் திரைப்படங்கள் உருவாக்குவதில் பலர் ஆர்வம் காண்பிக்கின்றனர். மேலும், இப்படங்களை ஓடிடியில் பல மொழிகளை கடந்த ரசிகர்கள் காணலாம் என்பதால், இத்தகைய படங்களுக்கு இந்திய அளவில் கவனம் கிடைக்கிறது. இது ஒரு ஆரோக்கியமான வளர்ச்சியாக காணப்படுகிறது.
இந்தக் கட்டுரை உங்களுக்குப் பிடித்திருந்தால், அதைப் பகிரவும் மேலும் இதே போன்ற பிற கட்டுரைகளைப் படிக்க Her Zindagi உடன் இணைந்திருங்கள்.
Image Credit: Twitter
உங்களைப்போலவே, உங்கள் சருமமும், உடலும் வித்தியாசமானது. எங்களின் பதிவுகள் மூலமாகவும், சமூக ஊடக சேனல்கள் மூலமாகவும் பகிரப்படுபவை யாவும் நம்பத்தகுந்ததாகவும், நிபுணர்களால் சரிபார்க்கப்பட்டதாகவும் இருப்பதை உறுதி செய்ய அனைத்து நடவடிக்கைகளையும் எடுக்கிறோம். இருப்பினும், எந்தவொரு வீட்டு வைத்தியம், டிப்ஸ் அல்லது ஃபிட்னஸ் டிப்ஸ் போன்றவற்றை முயல்வதற்கு முன்பு மருத்துவரின் ஆலோசனை அவசியம். ஏதேனும் கருத்து தெரிவிப்பதற்கு அல்லது புகார்களுக்கு எங்களை தொடர்புக்கொள்ளவும். compliant_gro@jagrannewmedia.com