"பத்ம பூஷன் அஜித்குமார்" தமிழகத்தின் பெருமைக்கு விருதளித்த குடியரசு தலைவர் திரெளபதி முர்மு

ஸ்ரீ பத்ம பூஷன் அஜித் குமார்

பத்ம விபூஷன் விருதுகளை தொடர்ந்து பத்ம பூஷன் விருதுகள் அறிவிக்கப்பட்டன. அஜித்திற்கு விருது வழங்கும் போது பிரபல தமிழ் நடிகர் மற்றும் ரேஸர் என குறிப்பிடப்பட்டு இருந்தது. தனது பெயர் அறிவிக்கப்பட்டதும் அஜித் எழுந்து நின்று அனைவரையும் கை கூப்பி வணங்கி முன்னே சென்று பிரதமர் மோடியையும் வணங்கினார். இதையடுத்து குடியரசு தலைவர் திரெளபதி முர்மு அஜித்தின் உடையில் பத்ம பூஷன் விருதினை அணிவித்து அதற்கான சான்றையும் கொடுத்தார்.

அப்போது அஜித் குடியரசு தலைவரிடம் நன்றி தெரிவித்தார். அஜித் விருது பெற்ற போது அவருடைய மனைவி ஷாலினி, மகள் அனுஷ்கா, மகன் ஆத்விக், அண்ணன் அனில் குமார், உறவினரும் நடிகருமான ரிச்சர்ட், அஜித்தின் தனி மேலாளர் சுரேஷ் சந்திரா எழுந்து நின்று கை தட்டினார். அஜித் கருப்பு நிற கோட் சூட் அணிந்திருந்தார். முன்னதாக நந்தமூரி பாலகிருஷ்ணா பாரம்பரிய ஆந்திர உடை அணிந்து பத்ம விருதினை பெற்றுக் கொண்டார். விளையாட்டு துறையில் இந்தியாவிற்கு பெருமை தேடித் தந்த தமிழக கிரிக்கெட் வீரர் அஷ்வின் பத்ம ஸ்ரீ விருதை பெற்றுக்கொண்டார்.

இதுபோன்ற கட்டுரைகளுக்கு ஹெர் ஜிந்தகியுடன் தொடர்ந்து இணைந்திருங்கள்.