shivaratri special : சிவராத்திரி ரெசிபி.. பூரண கொழுக்கட்டை !

சிவப்பெருமான் வழிப்பாட்டில் முக்கிய நாளாக உள்ளது மகா சிவராத்திரி. உலக உயிர்களை காப்பதற்காக ஆலகால விஷத்தை உண்ட சிவ பெருமானை தேவர்கள் அனைவரும் பூஜை செய்து போற்றி வணங்கிய நாளே மகா சிவராத்திரி என ஆன்மீகத்தில் சொல்லப்படுகின்றன. அதுமட்டுமில்லை சிவராத்திரி வழிபாடு, பூஜை, விரதம் பற்றி பல நம்பிக்கைகள் இன்றளவும் நடைமுறையில் உள்ளன. பக்தர்கள் பலரும் இந்த வழிபாட்டை தவறாமல் முறையாக கடைப்பிடிக்கின்றனர். மகா சிவராத்திரி இரவு தூங்காமல் கண் விழிப்பது மிக மிக நல்லது என கூறப்படுகிறது.

அதே போல் அன்றைய தினம், பெண்கள் ஒருபொழுது இருந்தால் வீட்டிற்கு நல்லது என்ற நம்பிக்கையும் கடைப்பிடிக்கப்படுகிறது. ஆண்கள் அன்றைய தினம் அசைவம் சாப்பிடாமல் மாலை நேரம் கோயிலுக்கு சென்று பிராத்தனை செய்ய வேண்டும் எனவும் கூறப்படுகிறது. இதுப்போக சிவபெருமானுக்கு பிடித்த உணவுகளை சமைத்து வீட்டில் பூஜை அறையில் படைக்கலாம். அதிலும் மிக மிக முக்கியமானது பூரண கொழுக்கட்டை. மகா சிவராத்திரி அன்று இந்த நெய்வேத்தியத்தை கட்டாயம் வீடுகளில் செய்ய தவறக்கூடாது. இப்போது இந்த பதிவில் பூரண கொழுக்கட்டை செய்முறை பற்றி பார்ப்போம்.

தேவையான பொருட்கள்

• வெல்லம் - 1 கப்

• தேங்காய் - 2 கப்

• நெய் - தேவையான அளவு

• ஏலக்காய் பொடி - சிறிதளவு

• கொழுக்கட்டை மாவு - 1 கப்

• உப்பு - 1 சிட்டிகை

செய்முறை

• முதலில் அடுப்பில் கடாயை வைத்து சிறிதளவு நெய் சேர்த்து அதனுடன் தேங்காய் துருவல், வெல்லம், ஏலக்காய் பொடி சேர்த்து நன்கு கலந்து கொள்ளவும்.

• இந்த பூரணத்தை ஒரு பாத்திரத்தில் தனியாக எடுத்து கொள்ளவும்.

• அடுத்து, கொழுக்கட்டை மாவுடன் 1 கப் வெந்நீர், உப்பு சேர்த்து சரியான பக்குவத்தில் பிசையவும்.

• பின்பு, மாவை வட்டமாக தட்டி அதனுள் தயார் செய்து வைத்த பூரணத்தை வைத்து கொழுக்கட்டை வடிவில் பிடிக்கவும்.

• இப்போது இதை இட்லி பாத்திரத்தில் வைத்து 15 நிமிடம் வேக வைக்கவும்.

• சூப்பரான மகா சிவராத்திரி ஸ்பெஷல் பூரண கொழுக்கட்டை தயார்.

இந்த பதிவும் உதவலாம்:முருக பெருமானுக்கு உகந்த பிரசாதங்கள்

இந்த தகவல் உங்களுக்கு நிச்சயம் பயனுள்ளதாக இருந்திருக்குமென நம்புகிறோம். இந்த பதிவு பிறருக்கும் பயன்பெற இதனை பகிரலாமே. மேலும் லைக் செய்யவும். ஹெர்ஷிந்தகி தமிழ் பக்கத்தில் இணைவதன் மூலமாக தொடர்ந்து பயனுள்ள பதிவை காணலாம்.

Images Credit: freepik