மதுரை மட்டன் சால்னா செய்வது எப்படி ? பரோட்டா பிரியர்களின் அமிர்தம்

மட்டன் சால்னா செய்ய தேவையானவை

• மட்டன்
• கடலெண்ணெய்
• சின்ன வெங்காயம்
• பச்சை மிளகாய்
• கல்பாசி
• பிரிஞ்சி இலை
• பட்டை
• கிராம்பு
• ஏலக்காய்
• அன்னாசி பூ
• இஞ்சி
• பூண்டு
• தக்காளி
• புதினா
• கொத்தமல்லி
• மஞ்சள் தூள்
• சீரகத் தூள்
• சோம்பு
• மல்லித் தூள்
• மிளகாய் தூள்
• உப்பு
• தண்ணீர்
• தேங்காய் துருவல்
• வேர்க்கடலை
• பொட்டுக்கடலை
• சாதிக்காய்

குறிப்பு : கரி அடுப்பில் சமைத்தால் மட்டன் சால்னாவின் சுவை கூடுதலாக இருக்கும்.

மட்டன் சால்னா செய்முறை

• கடாயில் 50 மில்லி கடலெண்ணெய் ஊற்றி 100 கிராம் அளவிற்கு சின்ன வெங்காயங்களை போட்டு வதக்கவும். வெங்காயம் வதங்கும் போதே இரண்டு பச்சை மிளகாய் சேர்க்கவும்.
• அடுத்ததாக கல்பாசி இரண்டு கிராம், பிரிஞ்சி இலை இரண்டு, இடித்து நுனிக்கிய பட்டை, கிராம்பு, ஏலக்காய், அன்னாசி பூ மொத்தமாக ஐந்து கிராம் சேர்க்கவும்.
• சின்ன வெங்காயம் பொன்னிறத்திற்கு மாறும் போது 20 கிராம் இஞ்சி, 60 கிராம் பூண்டு இடித்து போடவும்.
• இஞ்சி பூண்டு வதங்கி பச்சை வாடை குறைந்தவுடன் இரண்டு நாட்டு தக்காளி நறுக்கி சேர்க்கவும்.
• அரை கை அளவிற்கு புதினாவும், கால் கை அளவிற்கு மல்லியும் போட்டு கலந்துவிடவும்.
• மட்டன் சால்னாவில் 200 கிராம் எலும்பு, 200 கிராம் கறி போட போகிறோம். இதனால் மட்டன் சால்னாவின் சுவை அதிகமாக இருக்கும்.
• இப்போது மஞ்சள் தூள் கால் ஸ்பூன், சீரக தூள் நான்கு ஸ்பூன், சோம்பு அரை டீஸ்பூன் போட்டு கறியுடன் பிரட்டி விடவும்.
• அடுத்ததாக மல்லித் தூள் இரண்டு ஸ்பூன், மிளகாய் தூள் ஒரு ஸ்பூன், குழம்பு தூள் இரண்டு ஸ்பூன், உப்பு தேவையான அளவு போட்டு ஒரு லிட்டர் தண்ணீர் ஊற்றுங்கள்.
• தீயை குறைத்து 20 நிமிடங்களுக்கு கறியை வேக விடவும். இதன் பிறகு அரை மூடி துருவிய தேங்காய், பத்து கிராம் பொட்டுக்கடலை, பத்து கிராம் நிலக்கடலை போட்டு அரைத்து கொதிக்கும் சால்னாவில் ஊற்றவும்.
• மீண்டும் பத்து நிமிடங்களுக்கு கொதிக்கவிட்டு இறுதியாக ஒரு ஜாதிக்காய், கொஞ்சம் கொத்தமல்லி போட்டு அடுப்பில் இருந்து இறக்கிவிடுங்கள்.
• அட்டகாசமான மதுரை மட்டன் சால்னா ரெடி.

மேலும் படிங்கரமலான் ஸ்பெஷல் : மெய்மறக்கும் சுவையில் ஐதராபாத் மட்டன் ஹலீம்

இதுபோன்ற கட்டுரைகளுக்கு ஹெர் ஜிந்தகியுடன் தொடர்ந்து இணைந்திருங்கள்.