குங்குமப்பூ சாதம் : 5 நிமிடத்தில் தயாரிக்க கூடிய சூப்பரான மதிய உணவு

குங்குமப்பூ பால் குடித்தால் அழகு மெருகேறும் என்பார்கள். அதே குங்குமப்பூ வைத்து சாதம் செய்தால் சுவை அட்டகாசமாக இருக்கும். குங்குமப்பூ சாதத்தை குக் வித் கோமாளி நிகழ்ச்சியில் விவசாயி நந்தகுமார் செய்திருந்தார்.
image

குங்குமப்பூ சாதம் செய்முறை பெர்சியாவில் கண்டுபிடிக்கப்பட்டதாக கூறப்படுகிறது. குக் வித் கோமாளியில் விவசாயி நந்தகுமார் குங்குமப்பூ சாதத்தை சிக்கன் ஹண்டியுடன் பரிமாறி நடுவர்களின் பாராட்டை பெற்று செஃப் ஆப் தி வீக் விருதையும் தட்டிச் சென்றார். இதன் செய்முறை பார்ப்பதற்கு எளிதாக இருந்தது. இதை நாம் செய்து பார்த்தால் தக்காளி சாதம், புதினா சாதம், எலுமிச்சை சாதம், புளியோதரை போன்ற கலவை சாதங்களுடன் சேர்த்துவிடுவோம். பள்ளி செல்லும் குழந்தைகளுக்கு, அலுவலகம் செல்லும் துணைக்கு மதிய நேர உணவாக காலையில் எளிதாகவும் விரைவாகவும் செய்யக்கூடியதாக குங்குமப்பூ சாதம் இருக்கும். குங்குமப்பூ சாதத்தை ஏழு - பத்து பொருட்களை கொண்டு சமைத்துவிடலாம். குங்குமப்பூ விலை அதிகமானதே. இந்த சாதம் செய்வதற்கு குங்குமப்பூ கொஞ்சமே தேவைப்படும். முடிந்தவரை குங்குமப்பூ சாதத்தை பாஸ்மதி அரிசியில் செய்து சாப்பிடவும். வாருங்கள் இதன் செய்முறையை பார்ப்போம்.

persian saffron rice

குங்குமப்பூ சாதம் செய்ய தேவையானவை

  • குங்குமப்பூ
  • பாஸ்மதி அரிசி
  • தண்ணீர்
  • பிரிஞ்சி இலை
  • பட்டை
  • ஏலக்காய்
  • கிராம்பு
  • சீரகம்
  • முந்திரி பருப்பு
  • கொத்தமல்லி

குங்குமப்பூ சாதம் செய்முறை

  • ஒன்றரை கப் பாஸ்மதி அரிசி எடுத்து மூன்று முறை தண்ணீரில் நன்கு கழுவவும். அதன் பிறகு மீண்டும் தண்ணீர் ஊற்றி 20 நிமிடங்களுக்கு பாஸ்மதி அரிசியை ஊறவிடுங்கள்.
  • இப்போது அரை டம்ளர் குளிர்ந்த நீரில் குங்குமப்பூ 3 கிராம் போட்டு பத்து நிமிடங்களுக்கு ஊறவிடுங்கள்.
  • குக்கரில் இரண்டு ஸ்பூன் வெண்ணெய் போட்டு மிதமான சூட்டில் உருக்கவும். வெண்ணெய் உருகியதும் அதில் ஒரு பிரிஞ்சி இலை, இரண்டு ஏலக்காய், கொஞ்சம் கிராம்பு, பட்டை, ஒரு ஸ்பூன் சீரகம் போட்டு வறுக்கவும்.
  • அடுத்ததாக கொஞ்சம் முந்திரி பருப்பு சேர்க்கவும். முந்திரியின் நிறம் மாறியதும் ஊறவைத்த பாஸ்மதி அரியின் தண்ணீரை வடிகட்டி போடவும்.
  • தேவையான அளவு உப்பு போடுங்கள். இதன் பிறகு குங்குமப்பூ தண்ணீரை அப்படியே ஊற்றவும்.
  • பாஸ்மதி அரிசி எடுத்த அளவிற்கு ஏற்ப தண்ணீர் ஊற்றி மேலே கொத்தமல்லி தூவி விட்டு ஒரு முறை கலந்துவிட்டு குக்கரை மூடிவிடுங்கள்.
  • அடுப்பு மிதமான சூட்டில் இருக்கட்டும். 10-12 நிமிடங்களுக்கு சாதம் வேகவிட்டு எடுத்தால் சுவையான மதிய உணவு குங்குமப்பூ சாதம் ரெடி.

மேலும் படிங்ககுஸ் குஸ் ரெசிபி : 10 நிமிடத்தில் செய்யக் கூடிய எளிதான காலை உணவு

இதுபோன்ற கட்டுரைகளுக்கு ஹெர் ஜிந்தகியுடன் தொடர்ந்து இணைந்திருங்கள்.

HzLogo

Take charge of your wellness journey—download the HerZindagi app for daily updates on fitness, beauty, and a healthy lifestyle!

GET APP