Mirai ott release: கார்த்திக் இயக்கத்தில், தேஜா சஜ்ஜா, மஞ்சு மனோஜ், ஷ்ரேயா சரண் ஆகியோர் நடிப்பில் உருவான மிராய் திரைப்படத்தின் ஓடிடி வெளியீடு குறித்து தற்போது அறிவிக்கப்பட்டுள்ளது.
கடந்த செப்டம்பர் மாதம் 12-ஆம் தேதி உலகம் முழுவதும் உள்ள திரையரங்குகளில் பான் இந்தியன் திரைப்படமாக மிராய் வெளியானது. ஏறத்தாழ ரூ. 60 கோடி பட்ஜெட்டில் உருவாக்கப்பட்ட இந்த திரைப்படம், பாக்ஸ் ஆஃபீஸில் சுமார் ரூ. 140 கோடி வரை வசூலித்ததாக கூறப்படுகிறது. குறிப்பாக, பிரம்மாண்டமாக காட்சிப்படுத்தப்பட்டிருந்த இந்த திரைப்படம், பலரது வரவேற்பை பெற்றது.
கலிங்க போருக்கு பின்னர், தனது சக்திகள் அனைத்தையும் ஒன்பது புத்தகங்களாக மாற்றிய பேரரசர் அசோகர், அவற்றை வெவ்வேறு இடங்களில் மறைத்து வைத்துள்ளார். இவற்றை தீய சக்தி கொண்ட கும்பலிடம் இருந்து காப்பாற்றுவது போன்று இந்து புராணங்களின் அடிப்படையில் மிராய் திரைப்படம் உருவாக்கப்பட்டிருந்தது. இந்தக் கதையை பிரம்மாண்டமாக காட்சிப்படுத்தி, பார்வையாளர்களுக்கு புதிய அனுபவத்தை கொடுக்கும் வகையில் இயக்குநர் கார்த்திக் பணியாற்றி இருந்தார்.
Nine scriptures. Infinite power. One Superyodha to protect the Brahmand. 🪐#Mirai , India’s own superhero, is coming to your home, Streaming from October 10.#MiraiOnJioHotstar@tejasajja123 @HeroManoj1 @Karthik_gatta @RitikaNayak_ @vishwaprasadtg #KrithiPrasad… pic.twitter.com/WIi5rq99m0
— JioHotstar Telugu (@JioHotstarTel_) October 4, 2025
மேலும் படிக்க: OG movie box office collection day 1: 'ஓஜி' திரைப்படத்தின் முதல் நாள் வசூல் இவ்வளவா? பாக்ஸ் ஆஃபீஸில் சாதனை படைக்கும் பவன் கல்யாண்
முன்னதாக, இப்படம் திரையரங்குகளில் வெளியான போது பலரது பாராட்டுகளை பெற்றது. இந்நிலையில், மிராய் திரைப்படத்தின் அதிகாரப்பூர்வ ஓடிடி வெளியீடு குறித்து தெரிய வந்துள்ளது. அதன்படி, வரும் அக்டோபர் 10-ஆம் தேதி ஜியோஹாட்ஸ்டார் தளத்தில் மிராய் திரைப்படம் வெளியாக இருக்கிறது. குறிப்பாக, தெலுங்கு, தமிழ், மலையாளம் மற்றும் கன்னடம் ஆகிய நான்கு மொழிகளில் இப்படம் ஜியோஹாட்ஸ்டார் ஓடிடி தளத்தில் வெளியாக இருக்கிறது.
இதனால், திரையரங்குகளில் இப்படத்தை தவறவிட்டவர்கள் ஓடிடியில் காண்பதற்கு ஆர்வமாக உள்ளனர். மேலும், திரையரங்குகளில் வெளியான போது இப்படத்திற்கு கிடைத்த வரவேற்பு, ஓடிடி வெளியீட்டின் போதும் கிடைக்கும் என்று எதிர்பார்க்கப்படுகிறது.
இந்தக் கட்டுரை உங்களுக்குப் பிடித்திருந்தால், அதைப் பகிரவும் மேலும் இதே போன்ற பிற கட்டுரைகளைப் படிக்க Her Zindagi உடன் இணைந்திருங்கள்.
Image Credit: Twitter
உங்களைப்போலவே, உங்கள் சருமமும், உடலும் வித்தியாசமானது. எங்களின் பதிவுகள் மூலமாகவும், சமூக ஊடக சேனல்கள் மூலமாகவும் பகிரப்படுபவை யாவும் நம்பத்தகுந்ததாகவும், நிபுணர்களால் சரிபார்க்கப்பட்டதாகவும் இருப்பதை உறுதி செய்ய அனைத்து நடவடிக்கைகளையும் எடுக்கிறோம். இருப்பினும், எந்தவொரு வீட்டு வைத்தியம், டிப்ஸ் அல்லது ஃபிட்னஸ் டிப்ஸ் போன்றவற்றை முயல்வதற்கு முன்பு மருத்துவரின் ஆலோசனை அவசியம். ஏதேனும் கருத்து தெரிவிப்பதற்கு அல்லது புகார்களுக்கு எங்களை தொடர்புக்கொள்ளவும். compliant_gro@jagrannewmedia.com