Madharaasi ott release: ஓடிடியில் வெளியாகும் மதராஸி திரைப்படம்; எந்த தளத்தில் எப்போது பார்க்கலாம்?

Madharaasi ott release: சமீபத்தில் திரையரங்குகளில் வெளியாகி ரசிகர்களின் மனம் கவர்ந்த மதராஸி திரைப்படம், தற்போது ஓடிடியில் வெளியாக இருக்கிறது. இது தொடர்பான அதிகாரப்பூர்வ தகவல் வெளியிடப்பட்டுள்ளதால் சிவகார்த்திகேயனின் ரசிகர்கள் மகிழ்ச்சி அடைந்துள்ளனர்.

மேலும் படிக்க: Jailer 2 movie: ஜெயிலர் 2 எப்போது ரிலீஸ்? அப்டேட் கொடுத்த ரஜினி - உற்சாகத்தில் ரசிகர்கள்

சிவகார்த்திகேயன் நடிப்பில், ஏ.ஆர். முருகதாஸ் இயக்கத்தில் உருவான மதராஸி திரைப்படம், கடந்த செப்டம்பர் 5-ஆம் தேதி உலகம் முழுவதும் உள்ள திரையரங்குகளில் வெளியானது. இப்படத்தில் வித்யூத் ஜம்வால், ருக்மிணி வசந்த், பிஜூ மேனன், விக்ராந்த் ஆகியோர் முக்கிய கதாபாத்திரங்களில் நடித்திருந்தனர். இயக்குநர் ஏ.ஆர். முருகதாஸின் முந்தைய படங்களான தர்பார், சிக்கந்தர் உள்ளிட்ட படங்கள் கலவையான விமர்சனங்களை பெற்ற நிலையில், மதராஸி திரைப்படம் அவருக்கு கம்பேக்காக அமைந்தது என பலரும் கூறினார்கள்.

மதராஸி திரைப்படத்தின் கதைச்சுருக்கம்:

தமிழ்நாட்டிற்குள் துப்பாக்கி கலாசாரத்தை கொண்டு வந்து பொதுமக்கள் இடையே வன்முறையை அதிகரித்து, அமைதியை சீர்குலைக்க வேண்டும் என்ற நோக்கத்துடன் ஒரு கும்பல் வருகின்றனர். அவர்களை தடுக்கும் முயற்சியில் என்.ஐ.ஏ அதிகாரியான பிஜூ மேனன் ஈடுபடுகிறார். இந்த நடவடிக்கையின் போது பலத்த காயமடைந்த அவரை, மருத்துவமனையில் அனுமதிக்கின்றனர். மறுபுறம், காதல் தோல்வியில் தற்கொலைக்கு முயற்சி செய்யும் சிவகார்த்திகேயனையும் அதே மருத்துவமனையில் சிகிச்சைக்காக அனுமதிக்கின்றனர். இந்த சூழலில், துப்பாக்கியை பதுக்கி வைத்திருக்கும் தொழிற்சாலையை அழிக்கும் பணியில், சிவகார்த்திகேயனை ஈடுபடுத்தலாம் என்று பிஜூ மேனன் திட்டமிடுகிறார். இந்த திட்டம் வெற்றி பெற்றதா? சிவகார்த்திகேயனின் காதல் என்னவானது? இறுதியில் துப்பாக்கி கலாசாரத்தை தமிழ்நாட்டிற்குள் கொண்டு வர முடிந்ததா? என்ற கேள்விகளுக்கு பரபரப்பான ஆக்‌ஷன் திரைக்கதையுடன் ஏ.ஆர். முருகதாஸ் பதில் கூறுகிறார்.

Brace yourself for a mad ride with yours truly Madharaasi ❤️🔫#MadharaasiOnPrime, Oct 1@SriLakshmiMovie @Siva_Kartikeyan @ARMurugadoss @anirudhofficial @VidyutJammwal #BijuMenon @rukminitweets @actorshabeer @vikranth_offl @SudeepElamon pic.twitter.com/McLGlMBEN4

— prime video IN (@PrimeVideoIN) September 26, 2025

மேலும் படிக்க: திராவிட வெற்றிக் கழகம் என்ற புதிய கட்சியை தொடங்கினாரா நடிகை அபிராமி? வைரலாகும் இன்ஸ்டாகிராம் பதிவு

மதராஸி ஓடிடி வெளியீடு:

இதற்கு முன்னர் வெளியான திரைப்படங்களை விட, இதில் முழுக்க முழுக்க ஆக்‌ஷன் ஹீரோவாக சிவகார்த்திகேயன் காட்சி அளிக்கிறார் என விமர்சகர்கள் இடையே கருத்து முன்வைக்கப்பட்டது. மேலும், வில்லன் வித்யூத் ஜம்வாலுக்கும், சிவகார்த்திகேயனுக்கும் இடையேயான சண்டைக் காட்சிகளில் நம்பகத்தன்மை இருந்தது என்றும் பாராட்டப்பட்டது. அதன்படி, மதராஸி திரைப்படத்திற்கு வசூல் ரீதியாகவும், விமர்சன ரீதியாகவும் வரவேற்பு கிடைத்தது. இதனால், இப்படத்தை ஓடிடியில் காண்பதற்கு சிவகார்த்திகேயன் ரசிகர்கள் மட்டுமின்றி பலரும் ஆர்வமாக இருந்தனர்.

அந்த வகையில், அமேசான் பிரைம் வீடியோ ஓடிடி தளத்தில் அக்டோபர் 1-ஆம் தேதியன்று மதராஸி திரைப்படம் வெளியாகிறது என அதிகாரப்பூர்வமாக அறிவிக்கப்பட்டுள்ளது. திரையரங்கில் வெளியான போது மதராஸி திரைப்படத்திற்கு கிடைத்த அதே வரவேற்பு, ஓடிடி வெளியீட்டின் போதும் கிடைக்குமா என்ற எதிர்பார்ப்பு ஏற்பட்டுள்ளது.

இந்தக் கட்டுரை உங்களுக்குப் பிடித்திருந்தால், அதைப் பகிரவும் மேலும் இதே போன்ற பிற கட்டுரைகளைப் படிக்க Her Zindagi உடன் இணைந்திருங்கள்.

Image Credit: YouTube