Dude ott release date: ஓடிடியில் வெளியாகும் பிரதீப் ரங்கநாதனின் ட்யூட் திரைப்படம்; எந்த தளத்தில், எப்போது பார்க்கலாம்?

Dude ott release date: அறிமுக இயக்குநர் கீர்த்தீஸ்வரன் இயக்கத்தில், பிரதீப் ரங்கநாதன், மமிதா பைஜூ, சரத்குமார் உள்ளிட்டோர் நடிப்பில் உருவான ட்யூட் (Dude) திரைப்படம், ஓடிடியில் வெளியாக இருக்கிறது.

மேலும் படிக்க: Actress Anupama Parameswaran: நடிகை அனுபமா பரமேஸ்வரனின் மார்பிங் புகைப்படங்களை வெளியிட்டு அவதூறு; தமிழகத்தைச் சேர்ந்த 20 வயது பெண் கைது

வசூல் சாதனை படைத்த ட்யூட் திரைப்படம்:

தீபாவளி பண்டிகையை முன்னிட்டு கடந்த அக்டோபர் மாதம் 17-ஆம் தேதி திரையரங்குகளில் வெளியான திரைப்படம் ட்யூட். முன்னதாக பிரதீப் ரங்கநாதனின் லவ் டுடே, டிராகன் ஆகிய படங்கள் சுமார் ரூ. 100 கோடிக்கும் அதிகமாக வசூலித்து சாதனை படைத்ததாக தயாரிப்பு நிறுவனங்கள் தரப்பில் இருந்து தெரிவிக்கப்பட்டன.

இதனால், அவரது ட்யூட் திரைப்படத்திற்கு கணிசமான அளவு எதிர்பார்ப்பு இருந்தது. மேலும், பிரேமலு திரைப்படத்தின் வெற்றிக்கு பின்னர் மமிதா பைஜூவிற்கு வரவேற்பு அதிகரித்ததால், அவரும் இப்படத்தில் இணைந்தது ட்யூட் திரைப்படத்தின் மீதான எதிர்பார்ப்புகளை மேலும் அதிகரித்தது. இப்படத்தை சுமார் ரூ. 35 கோடி செலவில் மைத்ரி மூவி மேக்கர்ஸ் நிறுவனம் தயாரித்தது.

மேலும் படிக்க: Jana Nayagan first single release: ஜனநாயகன் திரைப்படத்தின் முதல் பாடல் ரிலீஸ் தேதி அறிவிப்பு; உற்சாகத்தில் விஜய் ரசிகர்கள்

தீபாவளி பண்டிகையை முன்னிட்டு இப்படம் வெளியானது முதல் பல்வேறு தரப்பினரிடம் இருந்து பாராட்டுகளை பெற்றது. குறிப்பாக, சாதியம் மற்றும் ஆணவப் படுகொலைக்கு எதிரான கருத்துகளும் இப்படத்தில் இருந்ததாகக் கூறி சில அரசியல் கட்சி தலைவர்களுக்கும் தங்கள் பாராட்டுகளை பதிவு செய்தனர்.

ட்யூட் ஓடிடி வெளியீடு:

இந்த சூழலில், ட்யூட் திரைப்படம் ரூ. 100 கோடி வசூலித்ததாக தயாரிப்பு நிறுவனம் சார்பில் அறிவிக்கப்பட்டது. அதன்படி, பிரதீப் ரங்கநாதனின் ஹாட்ரிக் ஹிட்டாக இப்படம் அமைந்தது. இதனால் ட்யூட் திரைப்படத்தின் ஓடிடி வெளியீடு எப்போது என பலரும் எதிர்பார்த்தனர்.

Orey oru Dude, oraayiram problems, zero solutions 🤭😭 pic.twitter.com/ShfAo36IJz

— Netflix India South (@Netflix_INSouth) November 10, 2025

அந்த வகையில், நவம்பர் 14-ஆம் தேதி நெட்ஃப்ளிக்ஸ் ஓடிடி தளத்தில் ட்யூட் திரைப்படம் வெளியாகிறது. தமிழ் மட்டுமின்றி இந்தி, தெலுங்கு, கன்னடம் மற்றும் மலையாளம் ஆகிய மொழிகளிலும் இப்படம் வெளியாக இருக்கிறது. திரையரங்கில் வெளியான போது ட்யூட் திரைப்படத்திற்கு கிடைத்த வரவேற்பு, ஓடிடி வெளியீட்டின் போதும் கிடைக்குமா என்ற கேள்வி சினிமா ரசிகர்கள் இடையே எழுந்துள்ளது.

இந்தக் கட்டுரை உங்களுக்குப் பிடித்திருந்தால், அதைப் பகிரவும் மேலும் இதே போன்ற பிற கட்டுரைகளைப் படிக்க Her Zindagi உடன் இணைந்திருங்கள்.

Image Credit: Twitter