பல நோய்களை விரட்டி அடிக்க உதவும் முருங்கைக்காய் புரோட்டா!

ஒவ்வொரு வீடுகளிலும் பள்ளிக்குச் செல்லும் குழந்தைகள் மற்றும் அலுவலகத்திற்குச் செல்லும் பெரியவர்கள் நிச்சயம் இருப்பார்கள். இவர்களுக்காக என்ன சமைக்கலாம் என்று யோசித்தே சில நேரங்களில் தலையே வலித்துவிடும். பெரும்பாலும் பலரது வீடுகளில் தயிர், எலுமிச்சை, புளி சாதம், சாம்பார், ஏதாவது பொரியல் ஒன்று நிச்சயம் இடம் பெற்றிருக்கும். இதைத் தொடர்ச்ச்சியாக செய்துக் கொடுக்காமல் நமக்கும் சளிப்பாகிவிடும். சாப்பிடும் குழந்தைகளுக்கும் இந்த சாப்பாடுகளைப் பார்த்தாலே வெறுமையாகிவிடும். 

இந்த சூழலை மாற்ற நினைப்பதோடு, உங்களது குழந்தைகளுக்கு ஆரோக்கியம் மற்றும் சுவையை வழங்கும் ஏதாவது ஒரு ரெசிபியை செய்து தர வேண்டும் என்று நினைத்தால் கோதுமை மாவைப் பயன்படுத்தி புரோட்டா செய்துக் கொடுக்கலாம். அதுவும் கொஞ்சம் உடலுக்கு ஆற்றலை அளிக்கும் வகையில் முருங்கைக்காய் பயன்படுத்தி செய்துக் கொடுத்துப் பாருங்கள். நிச்சயம் இன்னொரு முறை வேண்டும் என்று தான் கூறுவார்கள். இதோ அதற்கான ரெசிபி டிப்ஸ் உங்களுக்காக.

மேலும் படிக்க: குழந்தைகளுக்கு ஹெல்த்தியான கோதுமை நூடுல்ஸ்!

முருங்கைக்காய் புரோட்டா:

வட இந்தியாவின் உணவு வகைகளில் மிகவும் பிரதான ஒன்று கோதுமை மாவைப் பயன்படுத்தி செய்யக்கூடிய சப்பாத்தி மற்றும் புரோட்டா. கீரை, உருளைக்கிழங்கு போன்றவற்றை வைத்து எல்லாம் பராத்தா செய்வார்கள். இந்த வரிசையில் இன்றைக்கு முருங்கைக்காய் பரோட்டா ரெசிபி.

தேவையான பொருட்கள்

• முருங்கைக்காய் - 4
• கோதுமை மாவு - 2 கப்
• சீரகம் - 1 ஸ்பூன்
• கொத்தமல்லி- சிறிதளவு
• மஞ்சள் பொடி - 1 ஸ்பூன்
• உப்பு - தேவையான அளவு

செய்முறை:

• முருங்கைக்காய் புரோட்டா செய்வதற்கு முதலில் முருங்கைக்காயை மசிக்கும் அளவிற்கு நன்கு வேக வைக்க வேண்டும். பின்னர் சூடு ஆறியதும் இந்த சாற்றை நன்றாக பிசைத்து எடுத்துக் கொள்ள வேண்டும்.
• பின்னர் ஒரு பாத்திரத்தில் கோதுமை மாவு, உப்பு, மஞ்சள், மிளகாய் தூள், மல்லித்தூள், பெருங்காயம், எள்ளு, கொத்தமல்லி போன்ற அனைத்தையும் சேர்த்து நன்கு பிசைந்துக் கொள்ள வேண்டும்.
• இதையடுத்து அதனுடன் முருங்கைக்காறு சாறையும் சேர்த்துக் கொள்ள வேண்டும். இதனுடன் கொஞ்சம் கொஞ்சமாக தண்ணீர் சேர்த்து சப்பாத்தி மாவு பதத்திற்குப் பிசைந்துக் கொள்ளவும்.
• இந்த மாவை சுமார் 20 நிமிடங்களுக்கு அப்படியே விட்டு விடவும். பின்னர் சப்பாத்தியை போல் உருட்டி எடுத்துக் கொண்டு, தோசை கல்லில் லேசாக எண்ணெய் ஊற்றி சுட்டு எடுத்தால் போதும். உடலுக்கு ஆற்றல் அளிக்கும் முருங்கைக்காய் பரோட்டா ரெடி.

மேலும் படிக்க: குழந்தைகளின் ஸ்நாக்ஸ்க்கு மாம்பழ லட்டு செய்துக் கொடுங்க!

இந்த ரெசிபிக்கு பட்டாணி குருமா, சிக்கன் மசாலா போன்றவற்றை வைத்து சாப்பிடலாம். நிச்சயம் உங்களது குழந்தைகள் விரும்பி சாப்பிடுவார்கள் என்பதில் எவ்வித மாற்றுக்கருத்தும் இல்லை.

Image source- Google