தீபாவளி பலகாரங்கள் செய்ய ரெடியா? சுவையான பாலக் முறுக்கு செய்துப் பாருங்கள்!

தீபாவளிக்கு புத்தாடைகள், பட்டாசுகள் வாங்குவதற்கு எந்தளவிற்கு ஆர்வம் காட்டுவோமோ? அந்தளவிற்கு பலகாரங்கள் என்ன செய்யலாம்? என்ற தேடல் நிச்சயம் அனைத்துத் தாய்மார்களிடம் இருக்கும். முறுக்கு, அதிசரம், குலோப் ஜாமூன், வடை, பஜ்ஜி போன்ற பலகாரங்கள் தவறாமல் ஒவ்வொருவருடைய வீடுகளிலும் இருக்கும். இதையே கொஞ்சம் வித்தியாசமான சுவை மற்றும் ஆரோக்கியத்துடன் செய்து சாப்பிட வேண்டும் என்று நினைத்தால் அதற்கு சிறந்த தேர்வாக பாலக் முறுக்கு நிச்சயம் இடம் பெற்றிருக்கும். எப்படி வீட்டிலேயே சுலபமாக செய்யலாம்? என்னென்ன பொருள்கள் அதற்குத் தேவை? என்பது குறித்த எளிய சமையல் குறிப்புகள் உங்களுக்காக.

மேலும் படிக்க: தீபாவளி பலகாரம்: வாயில் பட்டவுடன் கரையும் மைசூர்பாகு செய்யலாம் வாங்க!

பாலக் முறுக்கு செய்யத் தேவையான பொருட்கள்:

• பாலக் கீரை - ஒரு கட்டு
• பச்சை மிளகாய் - 4
• புதினா - ஒரு கைப்பிடி
• பச்சரிசி - அரை கப்
• உளுந்து - அரை கப்
• பொரிகடலை - 50 கிராம்
• வெண்ணெய் - சிறிதளவு
• பெருங்காயத்தூள் - அரை டீஸ்பூன்
• உப்பு - சுவைக்கு ஏற்ப

பாலக் முறுக்கு செய்முறை:

• பாலக் முறுக்கு செய்வதற்கு முதலில் பாலக் கீரையை நன்கு சுத்தம் செய்து வைத்துக் கொள்ளவும்.
• பச்சரியையும் கழுவி காய வைத்துக் கொள்ளவும். இந்த நேரத்தில் ஒரு கடாயில் உளுந்தம்பருப்பை வறுத்தெடுக்கவும்.
• மிக்ஸி ஜாரில் வறுத்த உளுந்தம்பருப்பு மற்றும் பொரிகடலையை சேர்த்து நைஸாக அரைத்துக் கொள்ள வேண்டும்.
• இதையடுத்து ஊற வைத்த பச்சரிசி மாவையும் மிக்ஸியில் நைஸாக அரைத்துக் கொள்ளவும்.

மேலும் படிக்க: குழந்தைகள் விரும்பி சாப்பிடும் பிஸ்கட்டை வைத்து அல்வா செய்யலாமா? ரெசிபி டிப்ஸ் இங்கே!

• பின்னர் அரைத்த உளுந்தமாவு மற்றும் பச்சரிசி போன்றவற்றை ஒன்றாக கலந்துக் கொள்ளவும்.
• இதை ஒரு பெரிய பாத்திரத்திற்கு மாற்றி இதனுடன் தேவையான உப்பு, சீரகம், பெருங்காயத்தூள் மற்றும் வெண்ணெய் சேர்த்துக் கொள்ளவும். கொஞ்சம் கொஞ்சமாக தண்ணீர் ஊற்றி முறுக்கு மாவு பதத்திற்கு பிசைந்துக் கொள்ளவும்.
• இதையடுத்து பாலக்கீரை, பச்சை மிளகாய், புதினா இலைகளை மிக்ஸியில் நைஸாக அரைத்துக் கொண்டு இந்த விழுதை பிசைந்த மாவுடன் கலந்துக் கொள்ளவும்.

மேலும் படிக்க: ஆரோக்கியம் நிறைந்த வாழைத்தண்டு பஜ்ஜி; சுலபமான முறையில் செய்யும் முறை இதோ!

• இப்போது பாலக் முறுக்கு செய்வதற்கான மாவு ரெடி. ஒரு கடாயில் எண்ணெய் ஊற்றி சூடானதும் முறுக்கு நாழில் போட்டு பிழிந்து எடுத்தால் போதும். சுவையான மற்றும் மொறு மொறுப்பான பாலக் முறுக்கு ரெடி.
• மேற்கூறிய முறைகளில் தீபாவளிக்கு உங்களது இல்லங்களில் முறுக்கு பிழிந்துக் கொடுக்கவும். நிச்சயம் சுவையுடன் உங்களுக்கு ஆரோக்கியத்தையும் சேர்த்துக் கொடுக்க உதவியாக இருக்கும்.

இதுபோன்ற கட்டுரைகளுக்கு Herzindagi வுடன் இணைந்திருங்கள்.