கேரள ஸ்பெஷல் பலாப்பழ பாயாசம் ரெசிபி செய்முறை!

திருமணம், பிறந்த நாள், போன்ற வீட்டில் நடக்கும் அனைத்து சுப நிகழ்ச்சிகளுக்கான விருந்துகளில் கட்டாயம் பாயாசம் இடம் பெற்றிருக்கும். குழந்தைகள் முதல் பெரியவர்கள் வரை அனைவரும் விரும்பிச் சாப்பிடுவார்கள். ஜவ்வரிசி பாயாசம், துவரம் பருப்பு பாயாசம், பால் பாயாசம் என விதவிதமான பாயாச ரெசிபிகள் உள்ளது. இந்த வரிசையில் இன்றைக்கு கேரள மாநிலத்தில் மிகவும் பிரபலமான பலாப்பழ பாயாசம் எப்படி செய்யலாம்? என்பது குறித்த ரெசிபி டிப்ஸ் உங்களுக்காக.

கேரள ஸ்பெஷல் பலாப்பழ பாயாசம்:

மேலும் படிக்க: பல நோய்களை விரட்டி அடிக்க உதவும் முருங்கைக்காய் புரோட்டா!

தேவையான பொருட்கள்:

• பலா சுளை - 30
• வெல்லம் - 200 கிராம்
• தேங்காய் பால் - 3 கப்
• ஏலக்காய் பொடி - சுவைக்க ஏற்ப 
• முந்திரி - தேவையான அளவு
• நெய் - 50 கிராம்

செய்முறை:

• பலாப்பழத்தைக் கொண்டு ருசியான பாயாசம் செய்வதற்கு முதலில், பலா சுளையில் உள்ள கொட்டைகளை நீக்கி விட்டு தனியாக எடுத்து வைக்க வேண்டும். பின்னர் இந்த பலா சுளையை சிறு சிறு துண்டுகளாக நறுக்கிக் கொள்ளவும்.
• இதையடுத்து ஒரு பாத்திரத்தில் சிறிதளவு தண்ணீர் ஊற்றி சிறிது சிறிதாக நறுக்கி வைத்துள்ள பலா சுளையை நன்கு வேக வைத்துக் கொள்ளவும்.
• வேக வைத்த பலா சுளையின் சூடு ஆறியதும் மிக்ஸியில் போட்டு அரைத்துக் கொள்ளவும். இதையடுத்து ஒரு பாத்திரத்தில் வெல்லத்தைக் காய்ச்சி வடிகட்டி தயார் நிலையில் வைத்துக்  கொள்ளவும்
• பின்னர் ஒரு கடாயில் வெல்லப்பாகை ஊற்றி கொதிக்க வைக்கவும். இதனுடன் அரைத்து வைத்துள்ள பலா சுளையையும் உடன் சேர்த்துக் கொள்ள வேண்டும். சிறிது கொதித்தவுடன் தேங்காய் பால் சேர்ககவும்.
• இவை அனைத்தையும் நன்கு கொதித்து வந்தவுடன், முந்திரி, பிஸ்தா, பாதாம் போன்றவற்றை நெய்யில் வறுத்து சேர்த்துக் கொண்டால் போதும் சுவையான பலாப்பழ பாயாசம் ரெடி.
• மேற்கூறிய முறைகளில் மிகவும் சிம்பிளாக செய்யக்கூடிய இந்த பலாப்பழ பாயாசத்தை ட்ரை பண்ணுங்கள். நிச்சயம் வழக்கமான பாயாசத்திற்கு மாற்றாகவும், உடலுக்கு ஆரோக்கியம் அளிக்கும் ரெசிபிகளில் ஒன்றாகவும் நிச்சயம் இருக்கும்.

பலாப்பழத்தில் உள்ள ஊட்டச்சத்துக்கள்:

பலாப்பழத்தில் வைட்டமின் ஏ, வைட்டமின் சி, வைட்டமின் ஏ, பொட்டாசியம், மெக்னீசியம், நார்ச்சத்துக்கள் போன்ற பல்வேறு உடலுக்கு ஆற்றலை அளிக்கும் வகையிலான அத்தியாவசிய ஊட்டச்சத்துக்கள் அடங்கியுள்ளது. எனவே பலாப்பழ சீசன்களில் தவறாமல் இந்த பழத்தைச் சாப்பிட முயற்சி செய்யுங்கள். மலச்சிக்கல் பிரச்சனை, இரத்த சோகை, இதய சம்பந்தப்பட்ட பிரச்சனைகளுக்குத் தீர்வாக அமைகிறது. மேலும் உடலின் நோய் எதிர்ப்பு சக்தியையும் அதிகரிக்கும் தன்மைகளையும் பலாப்பழம் கொண்டுள்ளது.

மேலும் படிக்க: குழந்தைகளின் ஸ்நாக்ஸ்க்கு மாம்பழ லட்டு செய்துக் கொடுங்க!

Image source - Google