பலாப்பழத்தில் சுவையான அல்வா செய்யலாமா? ரெசிபி டிப்ஸ் இங்கே

அல்வா என்றாலே நம்மில் பலருக்கு சட்டென்று நினைவுக்கு வருவது திருநெல்வேலி ஸ்பெஷல் இருட்டு கடை அல்வா. அதற்கு அடுத்தப்படியாக கேரட் அல்வா, கோதுமை அல்வா என அல்வாக்களின் வகைகளை அடுக்கிக்கொண்டே போகலாம். இந்த வரிசையில் இன்றைக்கு குழந்தைகள் முதல் பெரியவர்கள் வரை அனைவரும் விரும்பிச் சாப்பிடக்கூடிய பலாப்பழங்களை வைத்து எப்படி சுவையான மற்றும் ஆரோக்கியமான அல்வா செய்யலாம்? என்பது குறித்த ரெசிபி டிப்ஸ் இங்கே

மேலும் படிக்க: ஆரோக்கியம் நிறைந்த புதினா சாமை வடை செய்முறை!

நாவிற்கு அதீத சுவையைக் கொடுக்கும் பலாப்பழ அல்வா:

தேவையான பொருட்கள்:

• நன்கு கனித்த பலாப்பழ சுளைகள் - 30
• வெல்லம் - 200 கிராம்
• தேங்காய் பால் - 1 கப்
• பச்சரிசி மாவு - 2 தேக்கரண்டி
• முந்திரி - 20
• ஏலக்காய் தூள் - ஒரு சிட்டிகை

மேலும் படிக்க: ஆறு மாத குழந்தைகளுக்குக் கட்டாயம் இந்த உணவுகளைக் கொடுத்திடுங்க;  முழு விபரம் இங்கே

பலாப்பழ அல்வா செய்முறை:

• ஆரோக்கியம் மற்றும் அதிக சுவை நிறைந்த பலாப்பழ அல்வா செய்வதற்கு முதலில் பலா சுளையில் உள்ள கொட்டைகளை நீக்கிக் கொள்ளவும்.
• பலாப்பழ சுளைகளை சிறிய சிறிய துண்டுகளாக்கி வேக வைத்துக் கொள்ளவும். கொஞ்சம் சூடு ஆறியதும் மிக்ஸியில் நன்கு அரைத்துக் கொள்ளவும்.
• இதையடுத்து வெல்லத்தில் தண்ணீர் ஊற்றி பாகு காய்ச்சிக் கொள்ளவும்.

• பின்னர் வேக வைத்த பலாப்பழ சுளைகளுடன் வெல்லப் பாகு சேர்க்கவும்.
• இவை இரண்டையும் ஒரு கடாயில் நெய் ஊற்றி சிறிது சூடானதும் பலாப்பழ கலவையை ஊற்றி கொதிக்க வைக்கவும். நன்கு கொதிக்க ஆரம்பிக்கும் போது இதனுடன் பச்சரிசி மாவு மற்றும் தேங்காய் பால் சேர்த்து கெட்டியாகாமல் நன்கு கிளறிக் கொண்டே இருக்கவும்.
• நன்கு கெட்டியாகும் பதத்திற்கு வரும் போது முந்திரி பருப்பை நெய்யில் வறுத்து தூவிக் கொள்ளவும். இறுதியாக சிறிதளவு ஏலக்காய் தூள் சேர்த்து கிளறிவிட்டால் போதும். சுவையான மற்றும் ஆரோக்கியம் நிறைந்த பலாப்பழ அல்வா ரெடி.