Weight Loss Smoothie : இந்த ஓட்ஸ் ஸ்மூத்தி, உங்கள் எடை இழப்பை எளிதாக்கும்!

உடல் பருமனால் பல்வேறு உடல் நல பிரச்சனைகள் ஏற்படலாம். இந்நிலையில் உடல் ஆரோக்கியத்தை பராமரிக்கவும், எடையை குறைக்கவும் உங்களுடைய எடை இழப்பு டயட்டில் ஆரோக்கியமான உணவுகளை சேர்த்துக் கொள்ளுங்கள். இந்த ஸ்மூத்தி உங்கள் உடல் எடை மற்றும் PCOS இன் அறிகுறிகளை குறைக்க உதவும்.

இந்த ஸ்மூத்தி ரெசிபியை டாக்டர் ஷீகா ஷர்மா அவர்களிடம் இருந்து தெரிந்து கொள்வோம். 

இந்த பதிவும் உதவலாம்: பூண்டை வறுத்து இந்த மாதிரி தொக்கு செஞ்சு பாருங்க, வேற லெவல் டேஸ்ட்!

• இதில் சேர்க்கப்பட்டுள்ள ஓட்ஸ் இரத்த சர்க்கரையின் அளவை கட்டுப்படுத்தவும், இதய ஆரோக்கியத்தை மேம்படுத்தவும் உதவும். கடினமான கார்போஹைட்ரேட்கள் மற்றும் புரதத்தின் சிறந்தமான ஓட்ஸ் எடை இழப்புக்கு நல்லது. 

• மேலும் ஊட்டச்சத்துக்கள் நிறைந்த பாதாம் நல்ல கொலஸ்ட்ராலின் அளவை அதிகரித்து உடலை வலுப்படுத்துகின்றன. 

• தேங்காய் பாலில் உள்ள ஆரோக்கியமான கொழுப்புகள் கொலஸ்ட்ராலின் அளவை குறைத்து உடல் எடையை குறைக்க உதவுகின்றன. இது நோய் எதிர்ப்பு சக்தியையும் வலுப்படுத்தும். 

• வைட்டமின்கள் மற்றும் தாதுக்கள் நிறைந்த பேரிச்சம்பழங்கள் செரிமானத்திற்கு நன்மை தருகின்றன. இது இனிப்பு மீதான விருப்பத்தை கட்டுப்படுத்தும். 

• பட்டையில் அழற்சி எதிர்ப்பு மற்றும் ஆன்டி ஆக்ஸிடன்ட்கள் நிறைந்துள்ளன. இது இன்சுலின் உணர்திறனை அதிகரிக்கவும் செரிமானத்தை மேம்படுத்தவும் உதவுகிறது. இதன் மூலம் உடல் எடையை சுலபமாக குறைக்கலாம். 

வெயிட் லாஸ் ஸ்மூத்தி செய்ய தேவையான பொருட்கள் மற்றும் அதன் செய்முறையை இப்போது பார்க்கலாம்… 

தேவையான பொருட்கள் 

• ஓட்ஸ்- 3 டேபிள் ஸ்பூன்

• பாதாம் 10

• தேங்காய் பால் 200 மில்லி 

• பேரீச்சம் பழம் 2-3

• இலவங்கப்பட்டை பொடி - 1 சிட்டிகை 

செய்முறை 

• பாதாம் பருப்புகளை இரவு முழுவதும் ஊற வைத்து மறுநாள் காலையில் தோல் உரித்து வைக்கவும். 

• அடுத்ததாக ஓட்ஸை குறைந்தது அரை மணி நேரமாவது ஊற வைத்து, வடித்து தயாராக வைக்கவும். இவ்வாறு ஓட்ஸை ஊற வைத்த பின் ஸ்மூத்தி செய்ய பயன்படுத்தும் பொழுது செரிமான பிரச்சனைகள் ஏற்படாது. 

• பின்னர் தேங்காயை அரைத்து ஃபிரஷ்ஷாக பால் எடுத்து தயாராக வைக்கவும். 

• இப்போது ஒரு மிக்ஸர் ஜாரில் ஊற வைத்த ஓட்ஸ், தோலுரித்து தயாராக வைத்துள்ள பாதாம் பருப்புகள், பேரிச்சம்பழம், இலவங்கப்பட்டை பொடி மற்றும் தேங்காய் பால் சேர்த்து நன்கு அரைத்துக் கொள்ளவும். 

• தயாராக உள்ள இந்த ஸ்மூத்தியை உங்கள் காலை உணவுடன் எடுத்துக் கொள்ளலாம். 

இந்த பதிவும் உதவலாம்: சாம்பார் பாதி குருமா பாதி, இனி இட்லி தோசைக்கு இது தான் பெஸ்ட் காம்பினேஷன்! 

இந்த தகவல் உங்களுக்கு நிச்சயம் பயனுள்ளதாக இருந்திருக்குமென நம்புகிறோம். இந்த பதிவு பிறருக்கும் பயன்பெற இதனை பகிரலாமே. மேலும் ஹெர்ஷிந்தகி தமிழ் பக்கத்தில் இணைவதன் மூலமாக தொடர்ந்து பயனுள்ள பதிவை காணலாம். 

image source:freepik