காயல்பட்டினம் ஸ்பெஷல் மிளகு சிக்கன் செய்யலாமா? இதோ எளிய செய்முறை விளக்கம் இங்கே!

சிக்கன் பிடிக்காதவர்கள் யாரும் இருக்க முடியாது.  குழந்தைகள் முதல் பெரியவர்கள் வரை அவரவர்களுக்குப் பிடித்தார் போன்று சிக்கன்65, கிரில் சிக்கன், சிக்கன் மசாலா, பள்ளிப்பாளையம் சிக்கன் என விதவிதமான ரெசிபிகளை செய்தும் அல்லது வாங்கியும் சாப்பிடுவார்கள். இந்த வரிசையில் தூத்துக்குடி மாவட்டம் காயல்பட்டினம் ஸ்பெஷல் மிளகு சிக்கன் எப்படி செய்யலாம்? என்பது குறித்து இன்றைய சமையல் குறிப்பு கட்டுரையில் தெரிந்துக் கொள்ளலாம்.

காயல்பட்டின ஸ்பெஷல் மிளகு சிக்கன்:

• காயல்பட்டினம் சிக்கன் மசாலா செய்வதற்கு முதலில் பட்டை, கிராம்பு, மிளகு, சீரகம், ஏலக்காய், மல்லி போன்றவற்றை கடாயில் லேசாக சூடாக்கி நைஸாக அரைத்துக் கொள்ளவும்.
• இதையடுத்து கழுவி வைத்துள்ள சிக்கனை ஒரு பாத்திரத்திற்கு மாற்றிக் கொள்ளவும்.

• பின்னர் மஞ்சள் தூள், உப்பு, இஞ்சி பூண்டு விழுது, தயிர், பச்சை மிளகாய் மற்றும் அரைத்து வைத்துள்ள மசாலாவையும் சேர்த்து நன்கு பிசைந்துக் கொள்ளவும். அரைத்து வைத்த மசாலாவில் கொஞ்சமாக எடுத்து வைக்கவும்.
• இதையடுத்து ஒரு கடாயில் நெய் அல்லது எண்ணெய் ஊற்றி வெங்காயம், இஞ்சி பூண்டு விழுது, சிறிது கறிவேப்பிலை, தயிர் மற்றும் பட்டை, கிராம்பு, ஏலக்காய் போட்டு வதக்க வேண்டும்.
• வெங்காயம் கொஞ்சம் பொன்னிறமாக வதங்கியதும் அரைத்த மசாலாவை சேர்க்க வேண்டும்.
• எண்ணெய் பிரிந்து வரும் நேரத்திலா ஊற.வைத்த சிக்கனையும் சேர்த்து வேகவைத்தால் போதும். சுவையான காயல்பட்டினம் சிக்கன் ரெடி. இறுதியாக பாதாம் மற்றும் முந்திரி சேர்த்தால் போதும் சுவை வேற லெவலில் இருக்கும்.