ரெம்ப நேரம் இல்ல. 5 நிமிசம் தான்..கேப்பை மாவில் சுவையான சாக்லேட் கேக்

கேப்பை மாவு சாக்லேட் கேக்:

தேவையான பொருட்கள்:

• கேப்பை மாவு ( ராகி ) - 2 கப்
• வெல்லம் - சுவைக்கு ஏற்ப
• கோ கோ பவுடர் - 2 டீஸ்பூன்
• தயிர் - சிறிதளவு
• பேக்கிங் பவுடர் - சிறிதளவு
• எண்ணெய் - சிறிதளவு

செய்முறை:

• ராகி மாவில் சாக்லேட் கேக் செய்வதற்கு முதலில் ஒரு பாத்திரத்தில் கேப்பை மாவு, கோ கோ பவுடர், பேக்கிங் பவுடர் போன்றவற்றை சேர்த்து நன்கு கலந்துக் கொள்ள வேண்டும்.
• இதனுடன் சிறிதளவு தயிர் சேர்த்து நன்கு கலந்து விட்ட பின்னதாக கொஞ்சமாக எண்ணெய் விட்டு கிளறவும்.
• கொஞ்சம் கெட்டியான பதத்திற்கு வந்தவுடன் பேக் செய்யும் பாத்திரம் அல்லது சிறிய பவுலில் மாற்றி மைக்ரோவேனில் ஒரு 2 நிமிடங்களுக்கு வைத்து எடுக்கவும்.

மேலும் படிக்க :ஆரோக்கியமான முருங்கை இலை துவையல் ரெசிபி டிப்ஸ் இதோ

• இறுதியாக அதற்கு மேல் (மெல்டட் டார்க் சாக்லேட்) டார்க் சாக்லேட் சிரப் ஊற்ற வேண்டும். சுவைக்காக பாதாம் மற்றும் முந்திரி போன்றவற்றை உடைத்து மேல் தூவினால் போதும். ஆரோக்கியம் நிறைந்த சாக்லேட் கேக் ரெடி.
• ஒருவேளை மைக்ரோஓவன் இல்லையென்றால் குக்கரில் கேக் செய்வது போன்று செய்துவிடவும். எப்போது போன்றில்லாமல் கொஞ்சம் வித்தியாசமான சுவையைக் கொடுக்கும்.

ராகி சாக்லேட்டின் நன்மைகள்:

பொதுவாக கேப்பை மாவில் கால்சியம், இரும்பு மற்றும் நார்ச்சத்து போன்ற அத்தியாவசிய ஊட்டச்சத்துக்கள் உள்ளதால் உடல் செரிமானம் சீராகிறது. தேவையான ஆற்றலையும் நமக்கு வழங்குகிறது. தயிரில் உள்ள ஊட்டச்சத்துக்கள் உடலுக்கு ஆற்றலைக் கொடுப்பதோடு கேக் வறண்டு விடாமல் இருக்கவும் உதவுகிறது. மற்ற கேக்குகளைப் போன்றில்லாமல் குழந்தைகள் இதை சாப்பிடும் போது உடலின் ஆற்றல் வலுப்பெறக்கூடும்.

Image credit - Freepik