ஆரோக்கியமான முருங்கை இலை துவையல் ரெசிபி டிப்ஸ் இதோ

கிராமப்புறங்கள் மற்றும் நகர்ப்புறத்தில் உள்ள சில இடங்களில் மிகவும் எளிமையாகவும் விலையில்லாமல் கிடைக்கும் முருங்கை கீரையை வைத்து இதுவரை பொரியல் செய்திருப்பீர்கள். ஒருமுறையாவது முருங்கை இலை துவையல் செய்துப் பாருங்கள். நிச்சயம் சுவையோடு ஆரோக்கியத்தையும் எளிதில் பெறலாம்.

முருங்கை இலை துவையல்:

• முருங்கை இலையைக் கொண்டு துவையல் செய்வதற்கு முதலில் ஒரு கடாயில் எண்ணெய் ஊற்றி சூடேற்ற வேண்டும்.
• அதனுடன் உளுந்து, பூண்டு, பச்சை மிளகாய், மிளகாய் வத்தல், சின்ன வெங்காயம் போன்றவற்றைச் சேர்த்து சில நிமிடங்கள் வதக்கிக் கொள்ள வேண்டும்.
• பின்னர் இஞ்சி, புளி, கொத்தமல்லி இலை, தேங்காய் துருவல் மற்றும் முருங்கை இலையைச் சேர்த்து ஒரு 5 நிமிடங்களுக்கு வதக்கவும்.
• இறுதியாக ஒரு மிக்ஸி ஜாரில் போட்டு அரைத்தால் போதும். சுவையான மற்றும் ஆரோக்கியம் நிறைந்த முருங்கை இலை துவையல் கீரை ரெடி.

முருங்கையின் அற்புத நன்மைகள்:

“முருங்கையை நட்டவன் வெறுங்கையோடு போக மாட்டான்” என்பதற்கு ஏற்ப முருங்கை யைத் தினமும் உணவு முறையில் சேர்த்துக் கொள்ளும் போது வயதான காலத்திலும் யாருடைய துணையின்றி இருக்க முடியுமாம். அந்தளவிற்கு நார்ச்சத்துக்கள், இரும்புச்சத்துக்கள் போன்ற பல்வேறு அத்தியாவசிய ஊட்டச்சத்துக்கள் உள்ளது. வாரத்திற்கு ஒருமுறையாவது உணவு முறையில் சேர்த்துக் கொள்ளும் போது மூளையின் ஆரோக்கியம் அதிகரிக்கும். மேலும் இரத்த சர்க்கரை அளவைக் குறைப்பதோடு புற்றுநோய் எதிர்ப்பு பண்புகளைக் கொண்டிருக்கிறது.