சர்தார் 2 முதல் எம்புரான் வசூல் வரை; இந்த வார சினிமா அப்டேட்ஸ்

சர்தார் 2

பி.எஸ்.மித்ரன் இயக்கத்தில் கார்த்தி நடித்து வெற்றி பெற்ற சர்தார் படத்தின் இரண்டாம் பாகம் இந்தாண்டு வெளியாகவுள்ளது. சாம் சி.எஸ் இப்படத்திற்கு இசையமைத்துள்ளார். எஸ்.ஜே.சூர்யா வில்லன் கதாபாத்திரத்தில் நடித்துள்ளார். இரும்புத்திரை படம் கடன் மோசடி, சர்தார் முதல் பாகம் தண்ணீர் பாட்டில்களால் ஏற்படும் நோய் குறித்து பேசிய நிலையில் இரண்டாம் பாகம் சமூகத்தின் முக்கியமான பிரச்னைகளில் ஒன்றை மையப்படுத்தி இருக்கும் என நடிகர் கார்த்தி கூறியுள்ளார்.

வீர தீர சூரன் வசூல்

முதல் நாளில் நீதிமன்ற தடையினால் ஏற்பட்ட பின்னடைவில் இருந்து விக்ரமின் வீர தீர சூரன் திரைப்படம் மீண்டுள்ளது. முதல் நாள் வசூலினை விட நான்காவது நாள் வசூல் அதிகமாகவுள்ளது. வீர தீர சூரனின் அடுத்த இரண்டு பாகங்கள் காளி - திலீப்பின் வாழ்க்கை மற்றும் வெங்கட் பற்றி எடுக்கப்படும் என விக்ரம் தெரிவித்துள்ளார்.

வசூல் மழையில் எம்புரான்

பிருத்விராஜ் இயக்கத்தில் மோகன்லான் நடித்து வெளியாகிவுள்ள எம்புரான் திரைப்படம் உலகளவில் 200 கோடி ரூபாய் வசூலித்துள்ளது. கடும் விமர்சனங்களால் சில காட்சிகள் நீக்கப்பட்டு இருக்கிறது. மலையாள திரையுலகில் 250 கோடி ரூபாய்க்கு மேல் வசூலித்த முதல் படமாக எம்புரான் மாறவுள்ளது.

குட் பேட் அக்லி - பால் டப்பா

ஆதிக் ரவிச்சந்திரன் இயக்கத்தில் அஜித் நடித்துள்ள குட் பேட் அக்லி திரைப்படத்தின் இரண்டாவது பாடல் வெளியாகியுள்ளது. காட் பிளஸ் யு மாமே பாடலை அனிருத் பாடியுள்ளார். இதில் பால் டப்பாவின் வரிகள் அஜித் ரசிகர்களிடையே கவனம் ஈர்த்துள்ளது. அஜித்தின் நடனத்தை விஜய் ரசிகர்கள் கிண்டல் அடித்து வருகின்றனர்.

மாரீசன்

வைகைப் புயல் வடிவேலு, பகத் பாசில் மீண்டும் இணைந்து நடித்துள்ள படம் மாரீசன். மலையாள இயக்குநர் சுதீஷ் சங்கர் இப்படத்தை இயக்கியுள்ளார். யுவன் சங்கர் ராஜா இசையமைத்துள்ள இப்படம் ஜூலை மாதம் வெளியாகவுள்ளது.

இதுபோன்ற கட்டுரைகளுக்கு ஹெர் ஜிந்தகியுடன் தொடர்ந்து இணைந்திருங்கள்.

மேலும் படிங்கஸ்ரீலீலா நடித்த ராபின்ஹுட் திரைப்படம் எப்படி இருக்கு ? அதி தா சர்ப்ரைஸா