Coolie ott release: ரஜினிகாந்த் மற்றும் லோகேஷ் கனகராஜ் ஆகியோர் கூட்டணியில் ஆகஸ்ட் 14-ஆம் தேதி உலகம் முழுவதும் உள்ள திரையரங்குகளில் பான் இந்தியன் திரைப்படமாக வெளியான கூலி திரைப்படம், விரைவில் ஓடிடி தளத்தில் களமிறங்கலாம் என்று எதிர்பார்க்கப்படுகிறது.
மேலும் படிக்க: Coolie Vs War 2 box office collection: வசூலில் வார் 2-வை முந்தியதா கூலி? பாக்ஸ் ஆஃபீஸ் கலெக்ஷன் முழு விவரம் இதோ!
தமிழ் சினிமாவில் பெரிதும் எதிர்பார்க்கப்பட்ட திரைப்படமாக கூலி திகழ்ந்தது. ஏனெனில், உச்ச நட்சத்திரமான ரஜினிகாந்துடன், கோலிவுட்டின் மோஸ்ட் வான்டட் இயக்குநராக வலம் வரும் லோகேஷ் கனகராஜ் இணைந்ததால், இப்படத்தின் அறிவிப்பு வெளியானது முதல் பெரும் எதிர்பார்ப்பு நிலவியது. அதற்கு ஏற்றார் போல் சன் பிக்சர்ஸ் சார்பில் இந்த திரைப்படம் தயாரிக்கப்பட்டதால் பிரம்மாண்டமாக இருக்கும் என்று ரசிகர்கள் எதிர்பார்த்தனர்.
கலவையான விமர்சனங்களை பெற்ற கூலி:
மேலும் பான் இந்தியன் திரைப்படமாக உருவாக்கப்பட்ட இதில், சத்யராஜ், ஷ்ருதி ஹாசன், நாகார்ஜூனா, உபேந்திரா, ஆமீர் கான், ஷௌபின் ஆகியோர் முக்கிய கதாபாத்திரத்தில் நடித்தனர். அனிருத் இசையில் இப்படத்தின் பாடல்கள் மற்றும் பின்னணி இசையும் நல்ல வரவேற்பை பெற்றது. வின்டேஜ் ரஜினிகாந்தை திரையில் பார்க்கலாம் என்ற ஆவலுடன் ரசிகர்கள் காத்திருந்தனர்.
அதன்படி, கடந்த ஆகஸ்ட் 14-ஆம் தேதி இப்படம் திரையரங்குகளில் வெளியானது. ஆனால், இப்படத்தின் முதல் காட்சியில் இருந்து கலவையான விமர்சனங்களையே பெற்றது. குறிப்பாக, லோகேஷின் டிரேட்மார்க் அம்சங்கள் எதுவும் படத்தில் சரியாக அமையவில்லை என்ற விமர்சனம் எழுந்தது. விமர்சகர்கள் மட்டுமின்றி பார்வையாளர்களின் எதிர்பார்ப்புகளையும் கூலி திரைப்படம் பூர்த்தி செய்யவில்லை என்று கூறப்பட்டது.
கூலி ஓடிடி ரிலீஸ்:
எனினும், ரஜினிகாந்தின் ரசிகர்கள் இப்படத்தை திரையரங்கில் கொண்டாடினர். மேலும், வசூல் ரீதியாக கூலி திரைப்படம் சாதனை படைத்ததாக சன் பிக்சர்ஸ் தயாரிப்பு நிறுவனம் சார்பில் இருந்து அதிகாரப்பூர்வமாக தெரிவிக்கப்பட்டது. இதனால், இப்படத்தின் ஓடிடி ரிலீஸ் எப்போது இருக்கும் என்ற கேள்வி எழுந்தது.
தமிழ் சினிமாவில் பல திரைப்படங்கள் திரையரங்குகளில் வெளியான நான்கு வாரங்களிலும் அல்லது எட்டு வாரங்களிலும் ஓடிடியில் வெளியிடப்பட்டு வருகிறது. அந்த வகையில் பார்க்கும் போது, அமேசான் பிரைம் ஓடிடி தளத்தில் செப்டம்பர் இரண்டாம் வாரத்தில் அல்லது அக்டோபர் முதல் வாரத்தில் கூலி திரைப்படம் வெளியாகலாம் என்று கருதப்படுகிறது.
கலவையான விமர்சனங்களை பெற்ற போதிலும் திரையரங்குகளில் கூலி திரைப்படம் கோடிக்கணக்கில் வசூலித்ததாக கூறப்படுவதால், இப்படத்தை ஓடிடியில் காண்பதற்கு ரசிகர்கள் ஆர்வமாக இருக்கின்றனர்.
இந்தக் கட்டுரை உங்களுக்குப் பிடித்திருந்தால், அதைப் பகிரவும் மேலும் இதே போன்ற பிற கட்டுரைகளைப் படிக்க Her Zindagi உடன் இணைந்திருங்கள்.
Image Credit: Twitter
Take charge of your wellness journey—download the HerZindagi app for daily updates on fitness, beauty, and a healthy lifestyle!
Comments
எல்லா கருத்துகளும் (0)
Join the conversation