Actor Vijay Diet Plan : தளபதி விஜய் ஜிம்முக்கு செல்வாரா? அவரின் டயட் சீக்ரெட் என்ன தெரியுமா?

தமிழ் சினிமாவில் இளமையான நடிகர் என வர்ணிக்கப்படுகிறார் நடிகர் விஜய். அவருக்கே காலேஜ் செல்லும் வயதில் மகன் இருந்தாலும், விஜய்யுக்கு இப்பவும் ஸ்டூடண்ட் ரோல் கொடுத்தாலும் கச்சிதமாக பொருந்தும். அதற்கு காரணம் அவர் இன்றும் தன்னை இளமையாக வைத்து கொள்வது. வெறும் வார்த்தைக்கு மட்டுமில்லை தன்னை ஃபிட்டாக வைத்து கொள்வதில் விஜய் அதிக கவனம் எடுத்து கொள்கிறார் என்கின்றனர் பிரபல ஜிம் ட்ரெயினர்கள்.

தமிழ் சினிமா உச்ச நட்சத்திரங்கள் பலருக்கும் ஜிம் ட்ரெயினராக இருக்கும் சிலர், விஜய் ஃபிட்னஸ், டயட், வொர்க்கவுட் குறித்து பல தகவல்களை பகிர்ந்துள்ளனர். அதுக் குறித்து இந்த பதிவில் விரிவாக பார்ப்போம்.

இந்த பதிவும் உதவலாம்:நீதா அம்பானி குடிக்கும் டீயின் விலை இத்தனை லட்சமா!

டயட்

நடிகர் விஜய்யின் காலை டயட் பிளான் மிகவும் சிம்பிளானது. சாதாரணமாக நம் வீடுகளில் சமைக்கும் உணவுகள் இட்லி, பொங்கல், பூரி, இடியாப்பம், ஆப்பம் போன்ற எளிமையான உணவுகளை எடுத்து கொள்கிறார். ஆனால் அதில் அளவை ஃபாலோ செய்கிறார். இட்லி என்றால் 2, பூரி என்றால் 2, ஆப்பம் 2 என உணவை அளவாக மட்டுமே எடுத்து கொள்வார் என கூறப்படுகிறது.

ஜங் ஃபுட்ஸ்

விஜய்யுக்கு நொறுக்கு தீனி, ஜங்க் ஃபுட் சாப்பிடும் பழக்கம் அறவே கிடையாதாம். அதற்கு பதில் நட்ஸ், பழங்கள், ஃப்ரூட் சாலட் போன்றவற்றை எடுத்து கொள்வார்.

மதிய உணவு

பிரவுன் அரிசி, சிக்கன், அதிகம் எண்ணெய் சேர்க்காத உணவுகள் ஆகியவற்றை எடுத்து கொள்கிறார். அதே போல் விஜய்யுக்கு மிகவும் பிடித்த உணவு என்றால் அது தோசை மற்றும் மட்டன்.

இரவு உணவு

இரவு டின்னர் 7 மணிக்குள் முடித்து விடுவாராம். சப்பாத்தி அல்லது சாலட் போன்றவை அவரின் டின்னராக உள்ளது. 9 மணிக்குள் தூங்கும் பழக்கமும் கொண்டிருக்கிறார்.

வொர்க்கவுட்

ஜிம்முக்கு சென்று கடினமாக வொர்க்கவுட் செய்வது, உடற்பயிற்சி எடுத்து கொள்வது போன்ற எந்த பழக்கமும் அவருக்கு இல்லை. தினமும் வாக்கிங் செய்வது மட்டுமே அவரின் சிம்பிள் வொர்க்கவுட். அதே சமயம், மாஸ்டர் படத்தில் வரும் க்ளைமாக்ஸ் சீனுக்காக ஜிம்முக்கு சென்று செம்ம ஃபிட்டாக பாடியை ரெடி செய்தாராம்.

இந்த பதிவும் உதவலாம்:ஸ்ருதி ஹாசன் உடல் எடையை குறைத்தது இப்படி தானா?

ஆரோக்கியமான எளிய உணவு, அளவான உணவு இவை தான் விஜய்யின் ஃபிட்டனஸ் சீக்ரெட் என கூறப்படுகிறது.

இந்த தகவல் உங்களுக்கு நிச்சயம் பயனுள்ளதாக இருந்திருக்குமென நம்புகிறோம். இந்த பதிவு பிறருக்கும் பயன்பெற இதனை பகிரலாமே. மேலும் லைக் செய்யவும். ஹெர்ஷிந்தகி தமிழ் பக்கத்தில் இணைவதன் மூலமாக தொடர்ந்து பயனுள்ள பதிவை காணலாம்.

Images Credit: google