குழந்தைகளுக்கு சிறந்த மாலை நேர சிற்றுண்டியாக முட்டை பணியார ரெசிபி

தேவையான பொருட்கள்:

• தோசை மாவு - 3 கப்
• முட்டை.- 2
• உப்பு - சுவைக்கு ஏற்ப
• பெரிய வெங்காயம் - 2
• தக்காளி -1
• பச்சை மிளகாய் - 2
• மிளகு தூள் - அரை டீஸ்பூன்
• கடலை எண்ணெய் - தேவைக்கு ஏற்ப

மேலும் படிக்க:ஊட்டச்சத்துள்ள கீரை பாஸ்தா செய்வதற்கான சிம்பிள் டிப்ஸ்கள்

முட்டை பணியாரம் ரெசிபி செய்முறை:

• குழந்தைகள் முதல் பெரியவர்கள் வரை அனைவரும் விரும்பிச் சாப்பிடக்கூடிய முட்டை பணியார ரெசிபி செய்வதற்கு முதலில் மேற்கூறியுள்ள அனைத்துப் பொருட்களையும் தயார் நிலையில் எடுத்து வைத்துக்கொள்ளவும்
• ஒரு பாத்திரத்தில் எடுத்து வைத்திருக்கும் தோசை மாவுடன் முட்டையை உடைத்து ஊற்றி நன்கு கலந்துக் கொள்ளவும்.
• இதனுடன் பொடியாக நறுக்கி வைத்துள்ள வெங்காயம், தக்காளியையும் உடன் கலந்துக் கொள்ளவும்.
• பணியாரத்திற்கு கூடுதல் சுவை வேண்டும் என்றால் நினைத்தால் இஞ்சியை பொடி பொடியாக நறுக்கி மாவுடன் கலந்து வைக்கவும். இதோடு கறிவேப்பிலை, கொத்தமல்லி மற்றும் சிறிதளவு மிளகு தூள் போன்றவற்றையும் சேர்த்துக் கொள்ளவும்.
• தற்போது முட்டை பணியாரத்திற்கான மாவு தயார்.
• இதையடுத்து பணியாரக்கல்லை சூடேற்றி விட்டு கலந்து வைத்துள்ள மாவை கொஞ்சம் கொஞ்சமாக ஊற்றிக் கொள்ளவும்.
• சுவையை அதிகரிக்க வேண்டும் என்றால் எண்ணெய்க்குப் பதிலாக நெய் சேர்த்துக் கொள்ளலாம்.

• பணியாரத்தைக் கருகவிடாமல் மிதமான சூட்டில் வைத்து இருபுறமும் வேக வைத்து எடுக்கவும்.
• கார பணியாரம் போன்று இருக்கும் என்பதால் முட்டை பணியாரத்திற்கு உங்களுக்குப் பிடித்த தேங்காய் சட்னி அல்லது கார சட்னி வைத்து பரிமாறலாம்.

மேலும் படிக்க:உடலுக்கு ஆற்றலை வழங்கும் சர்க்கரை வள்ளிக்கிழங்கு பரோட்டா ரெசிபி டிப்ஸ்

• பள்ளி முடித்துவிட்டு.என்ன சாப்பிடலாம்? என அலைமோதும் குழந்தைகளுக்கு நிச்சயம் புரதம் நிறைந்த முட்டையுடன் செய்யக்கூடிய பணியாரம் சிறந்த தேர்வாக அமையும்.
• இனி மாலை நேரத்தில் என்ன ஸ்நாக்ஸ் செய்துக் கொடுக்கலாம்? என்ற யோசனையை விட்டு விட்டு சுவையான இந்த முட்டை பணியாரத்தைச் செய்துக் கொடுக்க மறந்துவிடாதீர்கள்.