தித்திக்கும் கேரளா ஸ்டைல் பலாப்பழ எரிசேரி செய்முறை

பலாப்பழ எரிசேரி செய்முறை

• பலாப்பழ எரிசேரி செய்வதற்கு 350-400 கிராம் பலாப்பழம் எடுத்துக் கொள்ளுங்கள். பிஞ்சான பலாப்பழம் பயன்படுத்த வேண்டாம்.
• பலாப்பழத்தை காய்கறி வெட்டுவது போல் வெட்டவும். பலாப்பழ கொட்டைகளை எடுத்து வெயிலில் காய வையுங்கள். சாம்பாரில் பயன்படுத்தலாம்.
• இந்த பலாப்பழத்தில் ஒரு சிட்டிகை மஞ்சள் தூள், தேவையான அளவு உப்பு போட்டு ஒரு டம்ளர் தண்ணீர் ஊற்றி மிதமான சூட்டில் 8-10 நிமிடங்களுக்கு கொதிக்க விடுங்கள்.
• இதனிடையே மசாலா தயாரிக்கலாம். 4 பச்சை மிளகாய், அரை மூடி துருவிய தேங்காய் மற்றும் கொஞ்சம் கறிவேப்பிலை, 5 பல் பூண்டு போட்டு அம்மிக்கல்-ல் அரைக்கவும்.
• மிக்ஸியில் பயன்படுத்தாமல் மசாலா தயாரிக்க முயற்சிக்கவும்.
• பலாப்பழம் வெந்துவிட்டதா என பார்த்து அதனுடன் இந்த அரைத்து வைத்திருக்கும் மசாலாவை முழுமையாக சேருங்கள்.
• 100 எம்.எல் தண்ணீர் சேர்த்து அனைத்தையும் நன்கு கலந்துவிட்டு மீண்டும் 5 நிமிடங்களுக்கு கொதிக்க விடவும்.
• தாளிப்பதற்கு ஒரு கடாயில் இரண்டு ஸ்பூன் தேங்காய் எண்ணெய் ஊற்றி ஒரு டீஸ்பூன் கடுகு உளுத்தம் பருப்பு போடுங்கள்.
• கடுகு வெடித்தவுடம் ஒரு பெரிய வெங்காயத்தை நறுக்கி சேர்த்து வதக்கவும். இதோடு 4 காய்ந்த மிளகாய் போடுங்கள்.
• இறுதியாக அடுப்பை ஆஃப் செய்துவிட்டு கால் மூடி தேங்காய் துருவல் சேர்க்கவும். சூட்டிலேயே தேங்காய் வறுபட்டுவிடும்.
• இதை பலாப்பழத்துடன் கலந்துவிட்டால் சுவையான பலாப்பழ எரிசேரி ரெடி.
• பல விதமான எரிசேரி உள்ளன. சிலர் பலாப்பழ கொட்டையை பயன்படுத்தி எரிசேரி செய்கின்றனர். வெள்ளை காராமணியை வேகவைத்து எரிசேரியில் சேர்க்கின்றனர். நீங்களும் காராமணி சேர்க்க நினைத்தால் மசாலா போடும் முன்பாக சேர்க்கவும்.

இதுபோன்ற கட்டுரைகளுக்கு ஹெர் ஜிந்தகியுடன் தொடர்ந்து இணைந்திருங்கள்.