Baby Potato Fry : மனதை கொள்ளையடிக்கும் பேபி உருளைக்கிழங்கு கறிவேப்பக்

1. பேபி உருளைக்கிழங்கு
2. கறிவேப்பிலை
3. கடலெண்ணெய்
4. பச்சை மிளகாய்
5. வெங்காயம்
6. தக்காளி
7. இஞ்சி - பூண்டு விழுது
8. மஞ்சள் தூள்
9. தனியா தூள்
10. மிளகாய் தூள்
11. புளி
12. உப்பு
13. வெல்லம்
14. பெருங்காயம்

கறிவேப்பக் செய்முறை

• முதலாவதாக அரை கிலோ பேபி உருளைக்கிழங்கை தண்ணீரில் போட்டு 5-6 நிமிடங்களுக்கு வேக வைத்து தோலை உறித்து விடவும்
• அடுத்ததாக 50 கிராம் கறிவேப்பிலையை எண்ணெய்யில் அப்பளம் போல பொறித்து எடுக்கவும்
• அதன் பிறகு கறிவேப்பிலையை மிக்ஸியில் போட்டு கொஞ்சம் தண்ணீர் ஊற்றிப் பேஸ்ட் போல் அரைத்து விடவும்
• தற்போது ஒரு கடாயில் 50மிலி கடலெண்ணெய் ஊற்றி அது சூடான பிறகு கடுகு போடவும்
• கடுகு பொறிந்தவுடன் கடாயில் நான்கு பச்சை மிளகாய்களை கீறி போடவும்
• பின்னர் மூன்று மீடியம் சைஸ் வெங்காயம் சேர்த்து வதக்கவும்
• வெங்காயம் தங்க பழுப்பு நிறத்திற்கு மாறியவுடன் இஞ்சி-பூண்டு விழுது இரண்டு ஸ்பூன் சேர்க்கவும்
• தற்போது இரண்டு மீடியம் சைஸ் தக்காளியை சிறிதாக வெட்டிக் கடாயில் போட்டு நன்றாக வதக்கவும்
• அடுத்ததாக அரை ஸ்பூன் மஞ்சள் தூள், ஒரு ஸ்பூன் தனியா தூள், ஒரு ஸ்பூன் மிளகாய் தூள் சேர்த்து 20 விநாடிகளுக்கு கிண்டிய பிறகு அரை லிட்டர் தண்ணீர் சேர்க்கவும்
• தக்காளி மற்றும் மசாலா தூள்களின் பச்சை வாடை போன பிறகு புளி தண்ணீர் சேர்க்க வேண்டும்
• இதற்கு 50 கிராம் புளியை 100 மிலி தண்ணீரில் ஊற்றி அதிலிருந்து 50மிலி புளி தண்ணீரை எடுத்துக் கடாயில் ஊற்றவும்
• இதையடுத்து தேவையான அளவு உப்பு, ஒன்றரை ஸ்பூன் வெல்லம் சேர்த்திடுங்கள்
• ஐந்து நிமிடம் கழித்து கடாயில் அரைத்து வைத்திருக்கும் கறிவேப்பிலை பேஸ்ட்டை போடவும்
• மிக்ஸியில் ஒட்டிக் கொண்டிருக்கும் கறிவேப்பிலை பேஸ்ட்டை எடுக்க கால் டம்ளர் தண்ணீட் பயன்படுத்துங்கள்
• தற்போது கடாயில் வேக வைத்த பேபி உருளைக்கிழங்கை போட்டு கொஞ்சம் பெருங்காயம் சேர்க்கவும்

தீயை குறைத்து வைத்துக் கொஞ்சம் நேரம் வறுத்தால் சுவையான பேபி உருளைக்கிழங்கு கறிவேப்பக் ரெடி.