பிறந்த குழந்தைகளைப் பாதுகாப்பாக வளர்க்க கட்டாயம் செய்ய வேண்டியவை

தாய்ப்பால் கொடுத்தல்:

சுகப்பிரசவம் அல்லது சிசேரின் என எதுவாக இருந்தாலும் வலியைப் பொருட்படுத்தாமல் கட்டாயம் தாய்ப்பால் கொடுக்க வேண்டும். அதிலும் முதலில் வரக்கூடிய சீம்பால் குழந்தைகளுக்கு நோய் எதிர்ப்பு சக்தியைக் கொடுக்கும். எனவே தவறாமல் கொடுத்துவிட வேண்டும்.

ஒருவேளை உங்களிடம் பால் இல்லை என்றாலும் குழந்தைகள் சோர்வாகி தூங்குவார்கள். எனவே இவற்றை அறிந்துக் கொள்ள பாலை கையால் அல்லது பால் பம்பின் மூலம் எடுத்து கொடுக்கவும். சங்கு அல்லது பால் பாட்டிலில் கொடுக்க முயற்சி செய்யவும். இரண்டு மணி நேரத்திற்கு ஒருமுறை குழந்தைகளுக்கு போதுமான அளவு பால் கிடைத்துவிட்டால் மார்பகத்தில் கொடுக்க ஆரம்பிக்கவும். ஆரம்பத்தில் 5 லிருந்து 10 எம்எல் அளவிற்குத் தான் பால் தேவைப்படும். நாள் செல்ல செல்ல அதிகம் எடுத்துக் கொள்வார்கள்.

குழந்தைகளுக்கு மசாஜ்:

காலையில் எழுந்தவுடன் குழந்தைகளுக்கு மசாஜ் செய்யுங்கள். புதிதாக பிறந்த குழந்தைக்கு தேங்காய் எண்ணெய் அல்லது மசாஜ் ஆயில் கொண்டு கை, கால் மற்றும் உடல் முழுவதும் தேய்க்கும் போது உறுப்புகள் வலுப்பெறும். மேலும் குழந்தையின் நோய் எதிர்ப்பு சக்தி அதிகரிக்கும்.

குழந்தைகளைக் குளிக்க வைத்தல்:

குழந்தைகளைக் குளிக்க வைப்பது அவசியம் தான். ஒருவேளை உங்களது குழந்தைகள் உடல் எடை குறைவாக பிறந்திருக்கிறது என்றால் சூடான நீரைக் கொண்டு சில நாட்களுக்குத் துடைத்தெடுத்தால் போதும். அது ஒன்று செய்யாது. அதற்கு மாற்றாக வீட்டில் உள்ள முதியவர்கள் சொல்கிறார்கள் என்பதற்காக அலுப்படுத்தி குளிக்க வைப்பதைத் தவிர்க்க வேண்டும்.

குழந்தைகளை சரியாக கையாளுதல்:

புதிய தாய்மார்கள் குழந்தைகளைத் தூக்குவதற்கு அச்சம் கொள்வார்கள். முதலில் அதை தவிர்ப்பது நல்லது. ஏனென்றால் உங்களின் பயம் மற்றவர்களுக்கு சாதகமாக அமைந்துவிடும். இஷ்டத்திற்கு குழந்தைகளைத் தூக்கி அவர்களுக்கு கழுத்து வலியை ஏற்படுத்திவிடுவார்கள். எனவே தலையில் அதாவது கழுத்திற்குப் பின்னால் ஒரு கையும், ஒரு கையை இடுப்பைச் சுற்றி நன்கு பிடித்துக் கொள்ள வேண்டும்.

இறுதியாக குழந்தைகள் ஏன் அழுகிறார்கள்? என்பதை புரிந்துக் கொள்ள வேண்டும். அன்பும், பாசத்தையும் அளவில்லாது கொடுப்பதன் மூலம் குழந்தை மற்றும் அம்மாக்களின் பிணைப்பு அதிகரிக்கும்.

Image credit: Freepik