ஆரோக்கியம், சுவை நிறைந்த பாதாம் அல்வா; ஒரு முறை இப்படி செய்துப் பாருங்கள் !

காலாண்டுத் தேர்வு விடுமுறைக்கு இன்னும் ஒரு வாரங்கள் தான் உள்ளது. சுற்றுலா செல்வது, உறவினர்களின் வீட்டுக்குச் செல்வது போன்றவற்றை ஒரு சிலர் மேற்கொள்வார்கள். என்ன தான் வெளியில் கூட்டிச் சென்றாலும் வீட்டில் இருக்கும் போது அவர்களுக்குப் பிடித்தமான நொறுக்குத் தீனிகள் செய்துக் கொடுக்க வேண்டும் என நினைப்பார்கள். முறுக்கு, அதிரசம், குலோப் ஜாமூன் போன்றவற்றைச் செய்தாலும் ஒருமுறையாவது பாதாம் அல்வாவை வீட்டில் முயற்சி செய்துப் பாருங்கள். சுவையோடு குழந்தைகளுக்கு ஆரோக்கியத்தையும் கொடுக்கும். இதோ அதற்கான எளிய செய்முறை விளக்கம் உங்களுக்காக.

மேலும் படிக்க: ஆறு மாத குழந்தைகளுக்குக் கட்டாயம் இந்த உணவுகளைக் கொடுத்திடுங்க;  முழு விபரம் இங்கே

ஆரோக்கியம் நிறைந்த பாதாம் அல்வா:

தேவையான பொருட்கள்:

• பாதாம் பருப்பு - ஒரு கப்
• கேரட் துருவல் - 1 கப்
• பால் - ஒரு கப்
• நெய் - சிறிதளவு
• ஏலக்காய் பொடி - 1 டீஸ்பூன்
• முந்திரி - 15

பாதாம் அல்வா செய்முறை:

• குழந்தைகளுக்கு ஆரோக்கியமான பாதாம் அல்வா செய்வதற்கு முதலில், பாதாம் பருப்பை ஒரு மணி நேரம் ஊற வைக்கவும்.
• பின்னர் பாதாம் பருப்பின் தோலை உரித்து மிக்ஸியில் நைஸாக அரைத்துக் கொள்ளவும். உடன் பால் சேர்த்துக் கொள்வது நல்லது.
• இதையடுத்து ஒரு கடாயை சூடேற்றி பால் மற்றும் கேரட் துருவலைச் சேர்த்து சிறிது நேரம் வேக வைக்கவும். 5 நிமிடங்களுக்குப் பிறகு ஆறியவுடன் மிக்ஸி ஜாரில் போட்டு நன்கு அரைத்துக் கொள்ளவும்.

மேலும் படிக்க: 10 நிமிடங்களில் சுவையான சிப்பி காளான் வறுவல் செய்யலாமா? எளிய செய்முறை இங்கே!

• பின்னர் ஒரு கடாயில் அரைத்த பாதாம் விழுது மற்றும் கேரட் துருவல் இரண்டையும் சேர்த்து அடிபிடிக்காமல் கிளறி விடவும். சில நிமிடங்களுக்குப் பிறகு இதனுடன் சர்க்கரை சேர்த்துக் கொள்வது நல்லது.
• மிதமான சூட்டில் வைத்து இதை கிளறிக் கொண்டே இருக்கும். 5 நிமிடங்களுக்குப் பின்னதாக ஏலக்காய் தூள் மற்றும் முந்திரி பருப்புகளைச் சேர்த்தால் போதும் சுவையான பாதாம் அல்வா ரெடி.
• ஒருவேளை உங்களுக்கு கூடுதல் சுவை வேண்டும் என்று நினைத்தால் கொஞ்சம் தேங்காய் துருவலைச் சேர்த்துக் கொள்வது நல்லது.
• இவ்வாறு ஒருமுறையாவது குழந்தைகளுக்குச் செய்துக் கொடுக்கும் போது, நிச்சயம் இதன் சுவை அவர்களை மீண்டும் மீண்டும் கேட்கத் தூண்டும் என்பதில் எவ்வித மாற்றமும் இல்லை.

மேலும் படிக்க: மழைக்கு இதமாக ஒரு கப் சூப் குடிக்க ஆசையா? இந்த சூப்களை ட்ரை பண்ணுங்க

பாதாமில் உள்ள நன்மைகள்:

குழந்தைகளின் உணவு முறையில் அதிகளவு பாதாம் சேர்த்துக் கொள்ளும் போது அவர்களின் உடல் வளர்ச்சிக்குப் பேருதவியாக இருக்கும். இதில் உள்ள வைட்டமின் பி 12, மெக்னீசியம் போன்ற ஊட்டச்சத்துக்கள் மூளை வளர்ச்சிக்குப் பேருதவியாக உள்ளது. இதோடு செரிமான சீராவதோடு எலும்புகள் மற்றும் பற்கள் வலுப்பெறுகிறது. உடலின் நோய் எதிர்ப்பு சக்தியும் அதிகரிக்கும்.

Image credit - Freepik