உடலை ஆற்றலுடன் வைத்திருக்கும் மாப்பிள்ளை சம்பா இட்லி; சுலபமாக செய்யும் முறை

மாப்பிள்ளை சம்பா இட்லி:

குழந்தைகள் முதல் பெரியவர்கள் வரை அனைவரும் விரும்பி சாப்பிடும் காலை உணவுகளில் முக்கியமானது இட்லி. வழக்கமான இட்லிகளைச் சாப்பிட்டு சளிப்பாகி விட வேண்டும். சிறுதானியங்களைக் கொண்டு செய்யப்படும் இட்லியை ஒருமுறை சாப்பிட்டுப் பாருங்கள்.

செய்முறை :

• வழக்கமாக செய்யும் இட்லிக்கு மாவு அரைப்பது போன்று உளுந்து மற்றும் வெந்தயத்தை 2 மணி நேரத்திற்காவது ஊற வைக்கவும்.
• மாப்பிள்ளை அரிசியை நன்கு ஊற வைக்க வேண்டும் என்றால் அதிக நேரம் தேவை. ஒரு 5 மணி நேரமாவது மாப்பிள்ளை சம்பா அரிசி மற்றும் பச்சரிசி இரண்டையும் தண்ணீர் ஊற்றி ஊற வைக்க வேண்டும்.
• முதலில் ஊற வைத்துள்ள வெந்தயம் மற்றும் உளுந்தை நைஸாக அரைத்துக் கொள்ளவும்.

• பின்னர் ஊற வைத்துள்ள அரிசியை கொர கொரப்பாக அரைத்துக் கொள்ள வேண்டும். என்ன தான் 5 மணி நேரத்திற்கு மேலாக ஊற வைத்தாலும் அரைப்பதற்கு நேரம் எடுக்கும். எனவே கொஞ்சம் கொஞ்சமாக இடைவெளி விட்டு அரைப்பது நல்லது.
• அரிசி மற்றும் உளுந்து மாவு இரண்டையும் உப்பு சேர்த்து கலந்துக் கொள்ளவும். மாவு புளித்தன்மைக்கு வந்ததும் இட்லி பாத்திரத்தில் இட்லியை ஊற்றி வேக வைத்து எடுத்தால் போதும். சுவையான மற்றும் ஆற்றல் நிறைந்த மாப்பிள்ளை சம்பா இட்லி ரெடி.

மேலும் படிக்க:உணவில் சுவையை கூட்ட சிட்ரிக் அமிலத்தை எப்படி சேர்க்கலாம் என்பதை பார்க்கலாம்

மாப்பிள்ளை சம்பா அரிசியின் நன்மைகள்:

மாப்பிள்ளை சம்பா அரிசியில் உள்ள சிவப்பு நிறத்தில் லைகோபீன் என்ற சத்துக்கள் அதிகளவில் உள்ளது. மேலும் புரதம், நார்ச்சத்து, இரும்புச்சத்து, துத்தநாக சத்துகளும் அதிகளவில் உள்ளதால் உடலுக்குத் தேவையான ஆற்றலை பெற உதவுவதோடு நாள் முழுவதும் புத்துணர்ச்சியாக இருக்க உதவுகிறது.