காலையில் புத்துணர்ச்சியுடன் இருக்க சிறுதானிய காய்கறி தோசையை ட்ரை பண்ணுங்க

ஊட்டச்சத்துள்ள சிறுதானிய காய்கறி தோசை:

தேவையான பொருட்கள்:

• பீட்ரூட் துருவல் - 1 கப்
• கேரட் துருவல் - 1 கப்
• கொத்தமல்லி இலை - அரை கப்
• மிளகாய்- 5
• மீன் மேக்கர்- 1 கப்
• வெங்காயம் - 2
• சீரகம் - 1 டீஸ்பூன்
• இஞ்சி - சிறிதளவு
• கறிவேப்பிலை - சிறிதளவு
• உப்பு- தேவைக்கு ஏற்ப
• தண்ணீர் - சிறிதளவு

மேலும் படிக்க:முந்திரி, பாதாம் போதும்.. வீட்டிலேயே சுவையான ஐஸ்கிரீம் ரெடி; ரெசிபி டிப்ஸ் உங்களுக்காக

சிறுதானிய காய்கறி தோசை செய்முறை:

• காலை உணவிற்கு சிறுதானிய காய்கறி தோசை செய்ய வேண்டும் என்றால் முதலில் ஒரு மிக்ஸி ஜாரில் மீன் மேக்கர், இஞ்சி, நறுக்கிய வெங்காயம் மற்றும் மிளகாயை சேர்த்து கொர கொரப்பாக அரைத்துக் கொள்ளவும்.
• இதை ஒரு பெரிய பாத்திரத்திற்கு மாற்றி அதனுடன் ஒரு கப் பீட்ரூட் துருவல், ஒரு கப் கேரட் துருவல், கொத்தமல்லி இலை, சீரகம், உப்பு சேர்த்து பிசைந்துக் கொள்ளவும்.
• இதனுடன் ராகி அல்லது தினை மாவை சேர்த்து கொஞ்சம் கொஞ்சமாக தண்ணீர் ஊற்றி தோசை மாவு பததத்திற்கு கலந்துக் கொள்ளவும். தற்போது சிறுதானிய காய்கறி தோசை செய்வதற்கான மாவு ரெடி.

• இதன் பின்னர் தோசைக்கல்லை சூடாக்கி சிறிய சிறிய தோசையாக ஊற்றி வேக வைத்து எடுத்தால் போதும். ஊட்டச்சத்துள்ள சிறுதானிய காய்கறி தோசை ரெடி.
• இதற்கு தேங்காய் சட்னி அல்லது தக்காளி தொக்கு வைத்து சாப்பிட்டால் போதும். சுவை வேற லெவலில் இருக்கும்.

காலை உணவின் அவசியம்:

காலை உணவை உட்கொள்ளும் போது நாள் முழுவதும் உடல் சுறுசுறுப்பாக இருக்கும். மேலும் ரத்தத்தின் அளவை சீராக்கி மூளையின் செயல்பாட்டை சீராக்குகிறது. உடல் எடையையும் கட்டுக்குள் வைத்திருக்க உதவுகிறது. அதிலும் சிறுதானியங்கள் கொண்டு செய்யப்படும் உணவுகளை உட்கொள்ளும் போது உடலுக்குத் தேவையான அனைத்து ஊட்டச்சத்துக்களையும் சுலபமாக பெற முடியும்.