முதல் முறையாக சமைக்கப் போறீங்களா? பயனுள்ள இந்த சமையல் குறிப்புகளை தெரிஞ்சிட்டு செய்யுங்கள்

இன்றைக்கு அனைவரும் அப்பாக்களின் இளவரசிகளாகத் தான் உள்ளார்கள். பிறந்த வீட்டில் இருக்கும் போது சமையல் என்பதே என்ன என்று தெரியாது. அதுவே திருமணமாகிச் சென்றுவிட்டால் ஏன் இன்னும் உனக்கு சமைக்கத் தெரியவில்லையா? என கேள்விகளைப் பிரதானமாக முன்வைப்பார்கள். இந்த பேச்சைக் கேட்க கூடாது என்பதற்காகவே ஒவ்வொரு வீட்டிலும் உள்ள அம்மாக்கள், தங்களுடைய மகள்களுக்கு சில சமையல் குறிப்புகளைச் சொல்லிக் கொடுப்பார்கள். இதோ இதுபோன்று முதன் முறையாக சமைக்கப் போகும் பெண்களில் நீங்களும் ஒருவராக இருந்தால் இந்த எளிய சமையல் குறிப்புகளைப் பின்பற்ற முயற்சி செய்யுங்கள்.

மேலும் படிக்க: சமையலை ரொம்ப ஈஸியாக்கணுமா? இந்த குக்கிங் டிப்ஸ்களைப் பாலோ பண்ணுங்க

பெண்களுக்குப் பயன்படும் எளிய சமையல் குறிப்புகள்:

• முதன் முறையாக சமைக்க ஆரம்பிக்கும் போது இனிப்புகளிலிருந்து ஆரம்பிக்கலாம் என்பார்கள். ஒருவேளை நீங்கள் கேசரி, பாயாசம், பொங்கல் போன்ற ஏதாவது இனிப்புகள் செய்கிறீர்கள் என்றால், செய்யக்கூடிய இனிப்பு வகைகளில் கொஞ்சம் சர்க்கரையைக் குறைத்துக் கொள்ளுங்கள். அதற்குப் பதிலாக கற்கண்டைப் பொடியாக்கி இனிப்பு வகைகளில் சேர்த்துக் கொள்ளும் போது சுவை கூடுதலாக இருக்கும்.
• அனைவரது வீடுகளில் பெரும்பாலும் காலை மற்றும் இரவு என இருவேளைகளில் கட்டாயம் இட்லி, தோசை போன்ற டிபன்கள் இருக்கும். இதற்காக அரைக்கும் தேங்காய் சட்னி சுவையாக இருக்க வேண்டும் என்றால் பாதியளவு தேங்காயும், மீதி பாதியளவு கொத்தமல்லி இலைகளையும் சேர்க்கவும். இது உணவிற்கு கூடுதல் சுவையைக் கொடுக்கும்.

மேலும் படிக்க: பேக்கரி ஸ்டைலில் சுவையான வாழைப்பழ கேக்; சிம்பிள் ரெசிபி டிப்ஸ் உங்களுக்காக

• தோசை மாவு புளித்துவிட்டால் கொஞ்சம் வெங்காயத்தை சேர்த்து ஊத்தப்பம் செய்யலாம். இல்லையென்றால் ஊற வைத்த அவல் ஒரு கைப்பிடி, மிளகு, தேங்காய் துருவல் போன்றவற்றை அரைத்து மாவுடன் கலந்துக் கொள்ளவும். பின்னர் ஊத்தப்பம் போன்று ஊற்றினாலும் சுவை இருக்கும். புளிப்பே இருக்காது.

• வீட்டில் சப்பாத்தி மாவு பிசையும் போது, மக்காளச்சோவு மாவைச் சேர்த்து பிசையும் போது சப்பாத்தி மிகவும் சாஃப்டாக இருக்கும்.
• சாம்பார் வைப்பதற்காக துவரம் பருப்பு வேக வைக்கும் போது, ஒரு டீஸ்பூன் வெந்தயத்தை சேர்த்து வேக வைக்கும் போது சாம்பார் இரவு வரை கெடாமல் இருக்கும்.

இதுபோன்ற டிப்ஸ்களைப் பயன்படுத்தி நீங்கள் முதல் முறையாக சமைக்க விருக்கும் உணவுகளை ருசியாக செய்துக் கொள்ளுங்கள். பெண்கள் மட்டுமல்ல ஆண்களும் இந்த ரெசிபிகளைப் பயன்படுத்தி மிகவும் ருசியாக சமைக்க முடியும்.

இந்த கட்டுரை உங்களுக்குப் பிடித்திருந்தால் லைக் செய்யுங்கள். இதுபோன்ற கட்டுரைகளுக்கு Herzindagi வுன் இணைந்திருங்கள்.

Image credit - Freepik