பிரமாதமான ஆந்திரா சிக்கன் புலாவ் செய்முறை; மீண்டும் மீண்டும் ருசிக்க தோணும்

ராஜு காரி சிக்கன் புலாவ் செய்ய தேவையானவை

• சிக்கன்
• பெரிய வெங்காயம்
• முந்திரி
• பூண்டு
• இஞ்சி
• சாப்பாட்டு அரிசி
• நல்லெண்ணெய்
• மஞ்சள் தூள்
• மிளகாய் தூள்
• தனியா தூள்
• கரம் மசாலா
• வர மிளகாய்
• பச்சை மிளகாய்
• ஏலக்காய்
• இலவங்கபட்டை
• கறிவேப்பிலை
• சீரகம்

ராஜு காரி சிக்கன் புலாவ் செய்முறை

• சிக்கன் புலாவ் செய்வதற்கு முதலில் பேஸ்ட் தயாரித்துவிடலாம். ஒரு மீடியம் சைஸ் வெங்காயம், தலா பத்து முந்திரி மற்றும் பல் பூண்டு, 50 கிராம் இஞ்சி அனைத்தையும் மிக்ஸியில் போட்டு அரைத்து பேஸ்ட் தயாரிக்கவும்.
• இதையடுத்து ஒரு கிலோ சிக்கனை தண்ணீரில் கழுவி வைத்து கொள்ளவும்.
• கடாயில் நல்லெண்ணெய் ஊற்றி சிக்கனை வறுத்தெடுக்கவும். இப்போது மிக்ஸியில் அரைத்த பேஸ்ட் சேர்த்து கலந்து விடுங்கள்.
• அடுத்ததாக தேவையான அளவு உப்பு, கால் ஸ்பூன் மஞ்சள் தூள், இரண்டு ஸ்பூன் மிளகாய் தூள், இரண்டு ஸ்பூன் தனியா தூள், ஒரு ஸ்பூன் கரம் மசாலா போட்டு கலந்து விட்டு இரண்டு - மூன்று நிமிடங்களில் மசாலா சிக்கனில் இறங்கியதும் ஒரு டம்ளர் தண்ணீர் ஊற்றி சிக்கனை வேக விடுங்கள்.
• மிதமான தீயில் 20 நிமிடங்களுக்கு சிக்கன் வேகட்டும். வெந்த பிறகு சிக்கனை தனியாக வைக்கவும்.
• அதே கடாயில் 5 ஸ்பூன் நல்லெண்ணெய் ஊற்றி ஐந்து பெரிய வெங்காயத்தை பொடிதாக நறுக்கி வதக்கவும்.
• வெங்காயம் கொஞ்சம் வதங்கியவுடன் பத்து வர மிளகாய், 4 பச்சை மிளகாய், கொஞ்சம் கறிவேப்பிலை, ஒரு ஸ்பூன் சீரகம், 4 கிராம்பு, இரண்டு ஏலக்காய், ஒரு இலவங்கபட்டை போட்டு வதக்கவும்.
• வதங்கிய பிறகு 4 டம்ளர் சாப்பாட்டு அரிசியை போட்டு மிக்ஸ் செய்யவும். இதனுடன் இரண்டு ஸ்பூன் கரம் மசாலா, தேவையான அளவு உப்பு, இரண்டு ஸ்பூன் நெய் சேர்த்து இரண்டு நிமிடங்கள் கழித்து சிக்கன் போடவும்.
• ஒரு டம்ளர் அரிசிக்கு இரண்டு டம்ளர் தண்ணீர் என்ற கணக்கில் 8 டம்ளர் தண்ணீர் ஊற்றி கடாயை மூடிவிடுங்கள்.
• மிதமான தீயில் 15 நிமிடங்களில் பிரமாதமான ராஜு காரி சிக்கன் புலாவ் தயாராகிவிடும்.

இதுபோன்ற கட்டுரைகளுக்கு ஹெர் ஜிந்தகியுடன் தொடர்ந்து இணைந்திருங்கள்.