ஆந்திரா ஸ்பெஷல் பூத்தரேக்கலு; வீட்டில் செய்து பாருங்க ரெசிபி இதோ

• பச்சரிசி ஒரு டம்ளர்
• சர்க்கரை ஒரு கப் (தேவைப்பட்டால் நாட்டு சர்க்கரை அல்லது வெல்லம்)
• சிறிதளவு நெய்
• சிறிதளவு முந்திரி, பாதாம், பிஸ்தா பொடியாக நறுக்கியது
• தேவையான அளவு உப்பு
• ஏலக்காய் 2

முதலில் ஒரு டம்ளர் பச்சரிசியை அளந்து எடுத்து நன்றாக தண்ணீரில் கழுவி தண்ணீர் ஊற்றி சுமார் ஆறு மணி நேரம் முதல் 8 மணி நேரம் வரை பச்சரிசியை ஊற வைக்க வேண்டும். இதற்குப் பிறகு நன்றாக ஊறிய பச்சரிசியை ஒரு மிக்ஸி ஜாரில் சேர்த்து மாவு பதத்தில் அரைத்துக் கொள்ளுங்கள். இப்போது தேவையான அளவு உப்பு சேர்த்து இந்த மாவை நன்கு கலக்க வேண்டும். குறிப்பாக இந்த மாவில் நிறைய தண்ணீர் ஊற்றி தண்ணீர் பதத்தில் இருக்கும் படி பார்த்துக் கொள்ள வேண்டும். இதனை அடுத்து நாம் எடுத்து வைத்த ஒரு கப் சர்க்கரை அல்லது உங்களுக்கு தேவைப்பட்டால் நாட்டு சர்க்கரை அல்லது வெல்லம் பயன்படுத்தலாம். ஒரு மிக்ஸி ஜாரில் ஒரு கப் சர்க்கரை மற்றும் இரண்டு ஏலக்காய் சேர்த்து பொடியாக அரைத்துக் கொள்ள வேண்டும். இப்போது நாம் பொடியாக நறுக்கி வைத்த முந்திரி பாதாம் பிஸ்தா ஆகியவற்றை அதே மிக்ஸியில் போட்டு பவுடர் போல நன்றாக அறைக்க வேண்டும்.

Image source: freepik