ABC ஜூஸில் வைட்டமின்கள், நார்ச்சத்து மற்றும் ஆன்டி ஆக்ஸிடன்ட்கள் நிறைந்துள்ளன. இவை செல்களை புத்துயிர் பெற செய்து, உடலிலிருந்து நச்சுகளை வெளியேற்ற உதவுகின்றன. இது உடல் எடையைக் குறைப்பதோடு மட்டுமின்று இரத்த அழுத்தத்தை கட்டுப்படுத்தவும், நோய் எதிர்ப்பு சக்தியை மேம்படுத்தவும் மிகவும் பயனுள்ளதாக இருக்கும். இது செரிமானம், எடை இழப்பு, கண் மற்றும் சரும ஆரோக்கியத்திற்கு நன்மை பயக்கிறது.
இந்த ஜூஸை காலையில் வெறும் வயிற்றில் குடிக்க பரிந்துரைக்கப்படுகிறது. இருப்பினும் இதற்கு பதிலாக இரண்டு முக்கிய உணவுகளுக்கு இடையே உள்ள நேரத்திலும் எடுத்துக் கொள்ளலாம். ABC ஜூஸ் செய்ய தேவையான பொருட்கள் மற்றும் அதன் செய்முறையை இப்போது பார்க்கலாம்.
இந்த பதிவும் உதவலாம்: சப்பாத்தி மீந்து விட்டதா? ஒரு முறை இந்த மாதிரி லட்டு செய்து பாருங்க!
தேவையான பொருட்கள்
- தோல் நீக்கிய ஆப்பிள் - 1
- பீட்ரூட் - ½
- நடுத்தர அளவிலான கேரட் - 1
- தண்ணீர் - 1 கப்
செய்முறை
- முதலில் கேரட் மற்றும் பீட்ரூட்டை தோல் சீவி பொடியாக நறுக்கி தயாராக வைக்கவும்.
- அடுத்ததாக ஆப்பிளின் தோலை நீக்கிவிட்டு சிறிய துண்டுகளாக நறுக்கிக் கொள்ளவும். ஆப்பிளை முதலிலேயே வெட்டி வைத்தால் அவை சீக்கிரம் கருத்து போய்விடும்.
- இப்போது ஒரு மிக்ஸர் ஜாரில் ஆப்பிள், பீட்ரூட் மற்றும் கேரட் சேர்த்து நன்கு அரைத்துக் கொள்ளவும்.
- தேவையான அளவு தண்ணீர் விட்டு நன்கு அரைக்கவும்.
- உடல் எடையை குறைக்க விரும்புபவர்கள் இந்த பானத்தை வடிகட்டாமல், சர்க்கரை சேர்க்காமல் அப்படியே குடிக்க வேண்டும்.
இந்த ஜூஸில் நார்ச்சத்து அதிகம் இருக்கும் என்பதால் ஒரு சிலருக்கு வாயு தொந்தரவு ஏற்படலாம். ஆகையால் உங்களுக்கு வாயு பிரச்சனைகள் இருந்தால் இந்த ஜூஸ் அரைக்கும் பொழுது சிறிதளவு இஞ்சி சேர்த்துக் கொள்ளலாம்.
இந்த பதிவும் உதவலாம்: உடல் எடை வேகமாக குறைய இப்படி சூப் செய்து குடிங்க!
இந்த தகவல் உங்களுக்கு நிச்சயம் பயனுள்ளதாக இருந்திருக்குமென நம்புகிறோம். இந்த பதிவு பிறருக்கும் பயன்பெற இதனை பகிரலாமே. மேலும் ஹெர்ஷிந்தகி தமிழ் பக்கத்தில் இணைவதன் மூலமாக தொடர்ந்து பயனுள்ள பதிவை காணலாம்.
image source:freepik
Take charge of your wellness journey—download the HerZindagi app for daily updates on fitness, beauty, and a healthy lifestyle!
Comments
எல்லா கருத்துகளும் (0)
Join the conversation