Weight Loss Soup : உடல் எடை வேகமாக குறைய இப்படி சூப் செய்து குடிங்க!

ஒரு சில உணவுகளுக்கு உடல் எடையை குறைக்கும் பண்புகள் இருக்கும். இந்த வகையில் எடை இழப்புக்கு உதவக்கூடிய ஒரு சூப் ரெசிபியை இன்றைய பதிவில் பார்க்கப் போகிறோம்.

உடம்பில் உள்ள தேவையற்ற கொழுப்புகளை குறைக்க இந்த சூப் உதவும். கேரட்டின் இனிப்பு சுவையும் தக்காளியின் புளிப்பு சுவையும் கலந்த இந்த அற்புத கலவை உடல் பருமனை எதிர்த்து போராட விடவும். இதில் உள்ள அழற்சி எதிர்ப்பு பண்புகளும், குறைந்த கலோரிகளும் உடம்பில் உள்ள தேவையற்ற கொழுப்பை குறைத்துவிடும்.

இந்த பதிவும் உதவலாம்: குறைந்த இரத்த அழுத்த பிரச்சனையா? இந்த ஸ்மூத்திகளை ட்ரை பண்ணுங்க!

உடல் எடையை குறைப்பதோடு மட்டுமின்றி வளர்ச்சிதை மாற்றத்தை மேம்படுத்தவும் எதிர்ப்பு சக்தியை அதிகரிக்கவும் நோய் தொற்றுகளில் இருந்து உடலை பாதுகாக்கவும் கேரட் தக்காளி சூப் உதவும். இது உங்களை நீண்ட நேரத்திற்கு நிறைவாக வைத்திருக்கும். இந்த சுவை மிகுந்த வெயிட் லாஸ் சூப் ரெசிபியை இப்போது பார்க்கலாம்.

தேவையான பொருட்கள்

• கேரட் - 1

• தக்காளி - 1

• வெங்காயம் - 1

• பூண்டு - 3 பல்

• கருப்பு மிளகு தூள் - தேவையான அளவு

• உப்பு - தேவையான அளவு

• கொத்தமல்லி இலை - சிறிதளவு

• ஆலிவ் எண்ணெய் - 1 டீஸ்பூன்

• தண்ணீர்

செய்முறை

• முதலில் காய்கறிகள் அனைத்தையும் கழுவி சுத்தம் செய்து நறுக்கி வைத்துக் கொள்ளவும்.

• இப்போது ஒரு பிரஷர் குக்கரில் நறுக்கிய கேரட், தக்காளி, வெங்காயம், பூண்டு மற்றும் உப்பு சேர்த்து வேகவிடவும்.

• 2 விசில் வந்த பிறகு அடுப்பை அணைக்கவும். குக்கருக்கு பதிலாக காய்கறிகளை நேரடியாகவும் வேக வைக்கலாம்.

• சூப்பின் சூடு குறைந்தபின் காய்கறிகளை ஒரு மிக்சர் ஜாரில் சேர்த்த நன்கு அரைத்துக் கொள்ளவும்.

• அடுத்ததாக ஒரு கடாயில் ஆலிவ் எண்ணெய் ஊற்றி அரைத்த காய்கறி விழுதை சேர்க்கவும்.

• உங்கள் விருப்பத்திற்கு ஏற்றவாறு தண்ணீர் உப்பு மற்றும் மிளகுத்தூள் சேர்த்துக் கொள்ளலாம்.

• கொத்தமல்லி இலைகள் தூவி பரிமாறவும்.

குறைந்த கலோரி உடைய இந்த சூப்பை குடித்து உங்கள் உடல் எடையை குறைக்கலாம். சிறந்த பலன்களை பெற வாரத்திற்கு 2-3 முறை இந்த சூப் செய்து குடிக்கலாம்.

இந்த பதிவும் உதவலாம்: ஈஸியா எடையை குறைக்கணுமா? இந்த மாதிரி இஞ்சி டீ போட்டு குடிங்க!

இந்த தகவல் உங்களுக்கு நிச்சயம் பயனுள்ளதாக இருந்திருக்குமென நம்புகிறோம். இந்த பதிவு பிறருக்கும் பயன்பெற இதனை பகிரலாமே. மேலும் ஹெர்ஷிந்தகி தமிழ் பக்கத்தில் இணைவதன் மூலமாக தொடர்ந்து பயனுள்ள பதிவை காணலாம்.

image source:freepik