வீட்டு பாத்ரூமை சுத்தம் செய்வது மிகவும் அவசியமான ஒன்று. தினசரி பயன்படுத்துவதாலும், உப்பு நீர் காரணமாக பாத்ரூம் சீக்கிரத்தில் கறை படிந்து அழுக்காக தெரியும். அதே போல் சோப்பு, ஷாம்பூ போன்ற பொருட்களை பயன்படுத்தி குளிப்பதால் பாத்ரூம் தரை வழவழப்பாக மாறிவிடும். இதை சுத்தம் செய்ய தவறினால் துர்நாற்றம் வீச தொடங்கும். அதே போல் சுகாதார கேடும் கூட. குறிப்பாக பாத்ரூமை சுத்தமாக வைத்துக் கொள்ளவில்லை என்றால் குழந்தைகள் அடிக்கடி நோய்வாய்படவும் வாய்ப்புண்டு.
எனவே, இந்த பதிவில் வீட்டு பாத்ரூமை எளிமையாக சுத்தம் செய்யும் முறைகள் பற்றி தெரிந்து கொள்ளுங்கள்.
டால்கம் பவுடரை பயன்படுத்துங்கள்
உங்கள் கழிப்பிடம் அதிக துர்நாற்றம் வீசினால் அதற்கு நீங்கள் இந்த வழியை பின்பற்றலாம். கழிப்பிடத்தில் சிறிதளவு டால்கம் பவுடரை போட்டு சிறிது நேரம் அப்படியே விடவும். பின்னர் அதை ஃப்ளஷ் செய்யவும். இந்த முறையை 3-4 நாட்களுக்கு செய்ய வேண்டும், இதனால் துர்நாற்றம் வீசுவது குறையும். கண்டிப்பாக டால்கம் பவுடரை மட்டுமே பயன்படுத்த வேண்டும் என்பதை நினைவில் கொள்ளுங்கள்.
இந்த பதிவும் உதவலாம்:மொசைக் தரை பளபளக்க வேண்டுமா? இதை செய்யுங்கள்
இதை பயன்படுத்தினால் பாத்ரூம் கறை எளிதில் மறையும்
பாத்ரூமில் இருக்கும் குழாய், வாஷ் பேசின் போன்றவற்றை சுத்தம் செய்ய வாரம் ஒருமுறை, பல் துலக்க பயன்படுத்தும் பேஸ்ட்டை ஸ்க்ரப் போல் பயன்படுத்த வேண்டும். அதற்கு பேஸ்டுடன் சிறிதளவு பேக்கிங் சோடாவையும் சேர்த்து சுத்தம் செய்யலாம்.
பாத்ரூம் கண்ணாடியை சுத்தம் செய்யும் முறை
பாத்ரூம் கண்ணாடியை சுத்தம் செய்ய தண்ணீர் மற்றும் செய்தித்தாள்களை மட்டுமே பயன்படுத்தினால் போதும். அதை மிக எளிதாக சுத்தம் செய்யலாம். அதற்கு, கண்ணாடி மீது தண்ணீர் தெளித்து, செய்தித்தாள் மூலம் நன்கு தேய்த்து சுத்தம் செய்யவும். இப்படி செய்தால் பாத்ரூம் கண்ணாடி பளீச்சென்று மாறிவிடும்.
பாத்ரூம் பக்கெட்டை சுத்தம் செய்யும் முறை
பாத்ரூமில் இருக்கும் பக்கெட்டை சுத்தம் செய்வது மிக மிக சுலபம். அதற்கு, துணி துவைக்க பயன்படுத்தும் சர்ப் தூளுடன் இனிப்பு சோடா மற்றும் சிறிதளவு வினிகர் சேர்த்து அதை கொண்டு பக்கெட்டை நன்கு தேய்க்க வேண்டும். இப்படி செய்தால் பக்கெட்டில் இருக்கும் நீர்க்கறைகள் முதல் பூஞ்சை வரை அனைத்தும் மிக எளிதாக சுத்தமாகிவிடும்.
இந்த பதிவும் உதவலாம்:அரிசி மாவில் பூச்சி வந்துவிட்டதா? இந்த 3 டிப்ஸ் மூலம் எளிதில் அகற்றலாம்
இந்த தகவல் உங்களுக்கு நிச்சயம் பயனுள்ளதாக இருந்திருக்குமென நம்புகிறோம். இந்த பதிவு பிறருக்கும் பயன்பெற இதனை பகிரலாமே. மேலும் லைக் செய்யவும். ஹெர்ஷிந்தகி தமிழ் பக்கத்தில் இணைவதன் மூலமாக தொடர்ந்து பயனுள்ள பதிவை காணலாம்.
Images Credit: freepik
Take charge of your wellness journey—download the HerZindagi app for daily updates on fitness, beauty, and a healthy lifestyle!
Comments
எல்லா கருத்துகளும் (0)
Join the conversation