குழந்தையின்மையைப் போக்க வேண்டுமா? கருப்பையை சுத்தமாக வைத்துக் கொள்ள உதவும் வீட்டு வைத்தியங்கள்

மேலும் படிக்க:மாதவிடாயின் போது கர்ப்பபையில் உள்ள அழுக்கு, கழிவுகளை ஒரே நாளில் வெளியேற்ற இயற்கை சூரணம்

கருப்பை சுத்தமாக இல்லையென்றாலும் கரு சீக்கிரம் தங்காது. எனவே தான் பெண்களின் கருப்பை எப்போதும் வலுவுடனும், சுத்தமாகவும் இருக்க வேண்டும் என மருத்துவர்கள் அறிவுறுத்துவார்கள். இந்த நிலையில் கருப்பையை சுத்தம் செய்வதற்காக மருத்துவமனைக்குச் செல்வதற்கு முன்னதாக வீட்டிலேயே இயற்கை வைத்திய முறைகளைப் பின்பற்ற முயற்சி செய்யுங்கள். அவை என்னென்ன? என்பது குறித்த தகவல்களை இந்த கட்டுரையின் வாயிலாக அறிந்துக் கொள்ளுங்கள்.

கருப்பட்டி உருண்டை:

கர்ப்பப்பையை சுத்தம் செய்வதற்கு வீட்டில் எளிதில் கிடைக்கும் பெருங்காயம், கருப்பட்டி, பூண்டு போன்றவை எடுத்துக் கொள்ள வேண்டும். பின்னர் இவை அனைத்தையும் தனித்தனியாக இடித்துக் கொள்ளவும். ஒரு சிறிய பாத்திரத்தில் இவை மூன்றையும் ஒன்றாக சேர்த்து கலந்துக் கொண்டு சிறிய சிறிய உருண்டைகள் போட்டுக் கொள்ளவும்.

இவற்றை மாதவிடாய் சமயத்தில், காலையில் சாப்பிட்டு வந்தால் கருப்பை வலிமை அடையும். மேலும் கருச்சிதைவு மற்றும் கரு தங்காமல் இருப்பதற்கு முக்கிய காரணமாக இருக்கும் பிசிஓடி எனப்படும் சினைப்பை நீர்க்கட்டிகள் பாதிப்பைக் குறைக்கவும், கருப்பையில் உள்ள அழுக்குகளைப் போக்கவும் பேருதவியாக இருக்கும் என சித்த வைத்தியர்கள் கூறுகின்றனர்.

கருப்பை சுத்தப்படுத்துவதற்குப் பயன்படுத்தும் முன்னதாக தேங்காய் பூ சம்பா அரிசியை ஊற வைத்துக் கொள்ள வேண்டும். பின்னர் உடல் சூட்டைத் தணிக்கும் பனை வெல்லம், உடலுக்கு ஆற்றலை அளிக்கும் அக்ரூட் பருப்புகள் மற்றம் கருப்பையின் வலிமையை அதிகரிக்கும் ரோஜா பூ இதழ்களை எடுத்துக் கொள்ள வேண்டும்.

மேலும் படிக்க:இளம்பெண்கள் அத்திப்பழ சாறு குடித்தால் இத்தனை நன்மைகளா? வாரத்திற்கு 3 முறையாவது இப்படி செய்து குடியுங்கள்

பின்னர் ஒரு கிண்ணத்தில் ஊற வைத்த அரிசி எடுத்துக் கொண்டு, அதனுடன் பனை வெல்லத்தை பொடியாக்கி சேர்த்துக் கொள்ளவும். இதோடு அக்ரூட் பருப்புகளை சிறிது சிறிதாக உடைத்துச் சேர்த்துக் கொள்ள வேண்டும். இறுதியாக பன்னீர் ரோஜா இதழ்களையும் உடன் சேர்த்து நன்கு கலந்துக் கொண்டு சாப்பிட ஆரம்பிக்கலாம். வாரத்திற்கு ஒருமுறை அல்லது மாதவிடாய் சமயத்தில் தொடர்ச்சியாக சாப்பிடும் போது, கருப்பையில் எந்த அழுக்குகளும் தங்காது. தேவையில்லாதவற்றை வெளியேற்ற கருப்பை வலிமைப் பெற உதவியாக உள்ளது.