விஷத்தன்மையைக் கூட முறிக்கும் சக்தி கொண்ட கருப்பு மிளகும் அதன் ஆரோக்கிய நன்மைகளும்

கருப்பு மிளகின் ஆரோக்கிய நன்மைகள்:

சைவ உணவுகள் முதல் அசைவ உணவுகள் வரை அனைத்திலும் இடம் பெற்றிருக்கும் முக்கிய மசாலா வகைகளில் ஒன்றாக உள்ளது கருப்பு மிளகு. சுவைக்காக மட்டுமில்லை, கருப்பு மிளகை உணவு முறையில் சேர்த்துக் கொள்ளும் போது பல்வேறு ஆரோக்கிய நன்மைகளைப் பெற முடியும். இதோ அவற்றில் சில உங்களுக்காக.

செரிமானத்தை சீராக்கும்:

சரியான நேரத்திற்கு சாப்பிடாதது, அளவுக்கு அதிகமாக நொறுக்குத் தீனிகள் சாப்பிடுவது போன்ற பல்வேறு காரணங்களால் நாம் சாப்பிடக்கூடிய உணவுகள் எளிதில் ஜீரணமாகாது. இது பல்வேறு உடல் நல பிரச்சனைகளுக்கு வழிவகுக்கும். எனவே எளிதில் ஜீரணமாக வேண்டும் என்றால், தினமும் அல்லது இரண்டு நாட்களுக்கு ஒருமுறையாவது சூடான நீரில் மிளகு கலந்து சாப்பிட வேண்டும். இதில் உள்ள அத்தியாவசிய ஊட்டச்சத்துக்கள் உடலுக்குத் தேவையான சத்துக்களை மட்டும் உறிஞ்சி சாப்பிடக்கூடிய உணவுகள் எளிதில் செரிமானமாக உதவுகிறது.

• கருப்பு மிளகை உணவில் சேர்த்துக் கொள்ளுவதால் உடலில் தேவையில்லாத பாக்டீரியா மற்றும் கிருமிகள் சேர்வதைத் தடுக்கிறது.
• மிளகில் உள்ள ஆன்டி ஆக்ஸிடன்ட்கள் மற்றும் நோய் எதிர்ப்புப் பண்புகள் உடலின் நோய் எதிர்ப்பு சக்தியை அதிகரிக்கிறது. இதனால் வைரஸ் மற்றும் பாக்டீரியா தொற்று பாதிப்புகள் ஏற்பட வாய்ப்பில்லை.
• கருப்பு மிளகைத் தொடர்ந்து உணவு முறையில் சேர்த்துக் கொள்ளும் போது உடலில் தேங்கியுள்ள தேவையில்லாத கொழுப்புகளைக் கரைக்க உதவுகிறது. இதனால் உடல் எடையைக் கட்டுக்குள் வைத்திருக்க முடியும்.

• மிளகு சாப்பிடுவதால் உடலின் இரத்த ஓட்டம் சீராக இருக்கும். உடலின் இரத்த ஓட்டம் சீராக இருப்பதால் இதயம் மற்றும் மூளையின் செயல்பாடு சிறப்பாக செயல்படும்.
• சளி மற்றும் இருமல் பிரச்சனைத் தீர்வு காண வேண்டும் என்றால் இஞ்சி, கருப்பு மிளகு கலந்த கசாயம் அல்லது ரசம் வைத்து சாப்பிடலாம்.
• மிளகில் உள்ள ஆன்டி ஆக்ஸிடன்ட்கள் தோல் சம்பந்தப்பட்ட பிரச்சனைகளுக்குத் தீர்வு காணவும் தலை முடி ஆரோக்கியத்திற்கும் ஏற்றதாக உள்ளது.

இதுபோன்ற பல்வேறு ஆரோக்கிய நன்மைகளைக் கொண்டுள்ளதால் கட்டாயம் மிளகை உணவு முறையில் சேர்த்துக் கொள்வது நல்லது.

Image credit - pexels