Yash 19 : ஆக்‌ஷன் அதிரடி நிறைந்த “டாக்ஸிக்” ! டைட்டில் அறிவிப்பில் இதை கவனித்தீர்களா ?

பிரசாந்த் நீலுடன் இணைந்து கே.ஜி.எஃப் 1, 2 என மாபெரும் வெற்றி படங்களைக் கொடுத்த கன்னட நடிகர் யஷ் அடுத்து யாருடன் இணைந்து பணியாற்ற போகிறார் என்ற கேள்விக்கு தற்போது பதில் கிடைத்துள்ளது.

கே.ஜி.எஃப் 1 திரைப்படத்திற்கு கிடைத்த வரவேற்பை அப்படியே இரண்டாம் பாகத்திற்கு கடத்தி அதில் வெற்றியும் கண்டார் இயக்குநர் பிரஷாந்த் நீல். யஷ்-ஐ தவிர வேறு யாரும் ராக்கி பாய் கதாபாத்திரத்தில் நடித்திருந்தால் நிச்சயம் இவ்வளவு பொறுத்தமாக இருந்திருக்காது. தமிழ்நாட்டில் பீஸ்ட்டை விரட்டியடித்து நடிகர் விஜய்யின் மார்க்கெட்டையும் தவிடு பொடியாக்கியது கே.ஜி.எஃப் திரைப்படம்.

இதையடுத்து யஷ் தங்களது தயாரிப்பில் நடிக்க வேண்டும் பல நிறுவனங்கள் மல்லுக்கட்டின. ஆனால் யஷ் மிகவும் நிதானமாக இருந்தார். அவசர அவசரமாக எதையும் முடியும் செய்யாமல் அமைதி காத்தார். கே.ஜி.எஃப் இரண்டாம் பாகம் ஏப்ரல் 14ஆம் வெளியான நிலையில் கிட்டத்தட்ட ஒன்றரை வருடம் கதை தேர்வில் கவனம் செலுத்தி தற்போது புதிய படத்தை அறிவித்துள்ளார்.

மேலும் படிங்கTop 10 Movies of 2023 : ஐ.எம்.டி.பி டாப் 10 மூவிஸ் - ஓப்பன்ஹெய்மர் முதலிடம்!

கீது மோகன்தாஸ் இயக்கிவிருக்கும் இப்படத்திற்கு டாக்ஸிக் எனப் பெயர் சூட்டப்பட்டுள்ளது. இது யஷ்றிகு 19ஆவது படமாகும். இந்தப் படத்திலும் அதிரடி ஆக்‌ஷன் காட்சிகள் அதிகம் இடம்பெறும் எனக் கூறப்படுகிறது. டைட்டில் ரிவீல் காணொளிக்கு நடிகை ஸ்ருதி ஹாசன் குரல் கொடுத்திருக்கிறார்.

இதில் கவனிக்க வேண்டிய விஷயம் என்னவென்றால் படப்பிடிப்பை ஆரம்பிப்பதற்கு முன்பாகவே ரிலீஸ் தேதியை அறிவித்துள்ளனர். 2025ஆம் ஆண்டு ஏப்ரல் 10 தேதி டாக்ஸிக் திரைப்படம் வெளியாகும் என அறிவிக்கப்பட்டுள்ளது. காணொளியில் யஷ் தோற்றம் வித்தியாசமாக உள்ளது.

He’s a fix of #TOXIC you’ve never had 🔥

Composed by 🎶- #JeremyStark
Lyrics and Vocals by🎙️- @shrutihaasanhttps://t.co/SOlP8bFJU0@TheNameIsYash#GeetuMohandas@Toxic_themovie#TOXICTheMoviepic.twitter.com/xdeTNZfjPq

— KVN Productions (@KvnProductions) December 9, 2023

மேலும் படிங்கTop 10 Theatrical Movies : ஐ.எம்.டி.பி டாப் 10 படங்களில் ஜெயிலர், லியோ

கே.ஜி.எஃப் திரைப்படத்தைப் போல இப்படமும் மாபெரும் வெற்றி பெறுமா என்பதை அறிய 2025 வரை காத்திருக்க வேண்டும்.