குளோப் ஜாமூன் செய்ய மாவு இல்லையா? பால் பவுடர் இருந்தால் போதும் ருசியாக செய்திடலாம்

தீபாவளி என்றாலே அனைவரது வீடுகளிலும் முறுக்கு, அதிரசம் போன்ற ஸ்நாக்ஸ் வகைகள் இருப்பது போல இனிப்பு பலகாரங்களின் வரிசையில் நிச்சயம் குளோப் ஜாமூன் இடம் பெற்றிருக்கும். குழந்தைகள் முதல் பெரியவர்கள் வரை விரும்பிச் சாப்பிடக்கூடிய இந்த ரெசிபியை தற்போதெல்லாம் அடிக்கடி செய்துக் கொடுக்க சொல்வார்கள். அனைத்து நேரங்களிலும் குளோப் ஜாமூன் செய்யக்கூடிய மாவு இருக்குமா? என்றால் நிச்சயம் இருக்காது. ஆனாலும் செய்தே ஆக வேண்டிய சூழல் ஏற்பட்டதா? கவலை வேண்டாம். நிச்சயம் குழந்தைகள் வைத்திருக்கும் வீடுகளில் பால் பவுடர் இருக்கும். இதை வைத்து ருசியான குளோப் ஜாமூன் செய்ய முடியும். அதற்கான ரெசிபி டிப்ஸ் உங்களுக்காக..

பால் பவுடர் குளோப் ஜாமூன்:

குழந்தைகள் விரும்பி சாப்பிடக்கூடிய குளோப் ஜாமூனை பால் பவுடரை எப்படி செய்யலாம்? இதற்கு தேவையான பொருட்கள் என்னென்ன? என்பது குறித்து முதலில் அறிந்துக் கொண்டு ரெசிபியை ரெடி பண்ணுங்க.

மேலும் படிங்க:  நாவிற்குக் சுவையூட்டும் பட்டன் சிக்கன் உருளைக்கிழங்கு ரெசிபி செய்முறை

தேவையான பொருட்கள்:

• பால் பவுடர் - 2 கப்
• மைதா மாவு - 1 கப்
• பேக்கிங் பவுடர் - சிறிதளவு
• சர்க்கரை - 4 கப்
• நெய் - தேவையான அளவு
• எண்ணெய் - தேவையான அளவு
• ஏலக்காய் பொடி - 2 டீஸ்பூன்

குளோப் ஜாமூன் செய்யும் முறை:

• பால் பவுடரை வைத்து குளோப் ஜாமூன் செய்வதற்கு முதலில் சர்க்கரை பாகு செய்து வைத்துக் கொள்ளவும். முதலில் அடி கனமான அகலமான பாத்திரம் ஒன்றில் சர்க்கரை சேர்த்து இரண்டு கப் தண்ணீர் ஊற்றி நன்கு கொதிக்க விடவும்.
• சர்க்கரை நன்கு கரைந்து பிசுபிசுப்பு தன்மை வந்தவுடன் சிறிதளவு ஏலக்காய் பொடியைத் தூவி சிறிது நேரம் அடுப்பில் வைத்து இறக்கி விடவும்.
• இதையடுத்து குளோப் ஜாமூன் மாவு செய்வதற்குத் தேவையான மாவை தயார் செய்துக் கொள்ளவும். ஒரு பாத்திரத்தில் பால் பவுடர், மைதா மாவு, பேக்கிங் பவுடர் போன்றவை கலந்துக் கொள்ளவும்.
• இதன் பிறகு இந்த மாவுடன் சிறிதளவு நெய் மற்றும் தண்ணீர் சேர்த்து நன்கு பிசைந்துக் கொள்ளவும். இதனுடன் சிறிதளவு தயிர் சேர்த்து பிசைந்துக் கொண்டால் மாவு உருண்டையில் விரிசல் ஏற்படாது.

மேலும் படிங்க: பல நோய்களைத் தீர்க்கும் ப்ரோலிக்கோப் சூப் செய்யும் முறை

• இதையடுத்து குளோப் ஜாமூனுக்காக திரட்டி வைத்துள்ள மாவை சிறு சிறு உருண்டைகளாக திரட்டிக் கொள்ளவும்.
• பின்னர் ஒரு கடாயில் எண்ணெய் ஊற்றி சூடாக்கிக் கொள்ளவும். பின்னர் மிதமான சூட்டில் உருட்டி வைத்துள்ள குளோப் ஜாமூன் உருண்டுகளை எண்ணெய் போட்டு பொன்னிறமாக பொரித்து எடுக்கவும்.
• பொரித்த உருண்டைகள் கொஞ்சம் சூடு ஆறியவுடன் முன்னதாக செய்து வைத்துள்ள சர்க்கரை பாகுடன் அரை மணி நேரத்திற்கு ஊற வைத்தால் போதும். சுவையான குளோப் ஜாமூன் ரெடி.