குழந்தைகளுக்குப் பிடித்த சுவையான சீஸ் கேக் செய்முறை!

குழந்தைகளுக்கு சீஸ் என்றால் அளாதிப்பிரியாக இருக்கும். கேக்குகள் மற்றும் பிற ஸ்நாக்ஸ் வகைகளில் வைக்கப்படும் சீஸ்களுக்கு சண்டையிட்டு கொள்வார்கள். கேக் முழுவதும் சீஸாக இருந்தால் சொல்லவே தேவையில்லை. எப்போது கேக் செய்துக் கொடுப்பீர்கள் என அம்மாக்களை ஒரு வழி பண்ணிவிடுவார்கள். இதோ இன்றைக்கு அனைத்துக் குழந்தைகளுக்கும் மிகவும் பிடித்தமான சீஸ் கேக் எப்படி பேக் செய்யாமல் எபபடி வீட்டிலேயே எளிமையாக செய்யலாம் என்பது குறித்த ரெசிபி டிப்ஸ் உங்களுக்காக..

மேலும் படிக்க:செம டேஸ்டியான மில்க் கேக் ஸ்வீட் செய்முறை! 45 நிமிடங்களில் தயார்...

சுவையான சீஸ் கேக் ரெசிபி :

தேவையான பொருட்கள்:

• டைஜெஸ்டிவ் பிஸ்கெட் - 2 கப்
• உருக்கிய வெண்ணெய் - சிறிதளவு
• சர்க்கரை - கால் கப்
• க்ரீம் சீஸ் - 500 கிராம்
• சுகர் - கால் கப்
• வெண்ணிலா எசென்ஸ் - தேவைக்கு ஏற்ப
• எலுமிச்சை சாறு - சிறிதளவு
• தண்ணீர் - தேவையான அளவு
• பவுடர் செய்யப்பட்ட சர்க்கரை - 2 கப்

செய்முறை:

• குழந்தைகள் விரும்பும் ருசியான சீஸ் கேக் செய்வதற்கு முதலில், ஒரு பாத்திரத்தில் பட்டர்பேப்பர் வைத்துக் கொள்ளவும். பின்னர் ஒரு சிறிய பவுலில் பிஸ்கட்களை உடைத்து போட்டுக்கொள்ளவும். அதனுடன் உருக்கிய வெண்ணெய், சர்க்கரை போன்றவற்றை சேர்த்து நன்றாக கலந்துக் கொள்ள வேண்டும்.
• பின்னர் இந்த கலவையை பட்டர் பேப்பரில் வைத்து நன்கு செட் செய்துக் கொண்டு பிரிட்ஜில் அரை மணி நேரத்திற்கு அப்படியே வைக்கவும்.
• இதையடுத்து ஒரு பாத்திரத்தில் க்ரீம் சீஸை சேர்த்து நன்றாக பீட் செய்துக் கொள்ள வேண்டும். நன்கு நுரை வந்தவுடன் அதனுடன் எடுத்து வைத்துள்ள சர்க்கரை, வெண்ணிலா எசெசன்ஸ் போன்றவற்றை சேர்த்து ப்ளெண்டரில் நன்கு பீட் செய்துக் கொள்ளவும்.
• பின்னர் பீட் செய்து வைத்து க்ரீம் சீஸை , அரை மணி நேரம் கழித்து பிரிட்ஜில் இருந்து எடுத்து வைத்த பிஸ்கட் பேஸ்டுடன் சேர்த்து உங்களுக்கு பிடித்த கேக் வடிவங்களில் வடிவமைத்துக் கொள்ளவும்.

• இந்த க்ரீம் சீஸ் கலவையை ஃப்ரிட்ஜில் இருந்து எடுத்த பிஸ்கட் பேஸ் உடன் சேர்க்கவும். கேக் மாதிரி வடிவமைக்க வேண்டும். இதையடுத்து லேசான தீயில் ப்ளூபெர்ரி பழங்களை சூடாக்கி அதனுடன் சர்க்கரை போன்றவற்றை நன்றாக கலந்துக் கொள்ள வேண்டும். இந்த கலவையை செய்து வைத்துள்ள சீஸ் கேக் மீது தடவி சுமார் 5 மணி நேரத்திற்கு ப்ரீட்ஜில் வைத்து எடுத்தால் போதும். சுவையான மற்றும் ருசியான சீஸ் கேக் ரெடி. இனி நீங்களும் உங்களது வீடுகளில் சீஸ் கேக்குளை செய்து சாப்பிட மறந்துவிடாதீர்கள்.

Image source - Google