ஆடி ஸ்பெஷல் கருப்பு கவுனி அரிசி பாயாசம்; சுவையான ஈஸி ரெசிபி இதோ

கருப்பு கவுனி அரிசி பாயாசம் செய்ய தேவையான பொருட்கள்:

செய்முறை:

கருப்பு கவுனி அரிசியை நன்றாக கழுவி குறைந்தது 6 மணி நேரம் ஊற வைக்க வேண்டும். பிறகு நாம் ஊற வைத்த அரிசியை ஒரு குக்கரில் இரண்டு கப் தண்ணீர் ஊற்றி நாலு விசில் வரும் வரை நன்றாக வேக வைத்து எடுத்துக் கொள்ளுங்கள். இப்போது தேவையான அளவு தேங்காயை அரைத்து தேங்காய் பாலை தனியாக எடுத்து வைக்க வேண்டும். இதனை அடுத்து பாயாசம் தயாரிக்க ஒரு பாத்திரத்தில் வேகவைத்த அரிசியை கொதிக்க வைத்து, அதில் தேங்காய் பாலை சேர்த்து கலக்கவும்.

ஐந்து நிமிடம் பிறகு இதில் நாட்டு சர்க்கரை அல்லது பனைவெல்லம் சேர்த்து கரைய விடுங்கள். இதற்குப் பிறகு மீண்டும் சிறிதளவு தேங்காய் பாலை ஊற்றி கிளற வேண்டும். கைவிடாமல் கிளறிக் கொண்டே இருக்க பாயாசம் கெட்டியாக மாறி வரும். இறுதியாக நாம் எடுத்து வைத்த தேங்காய் பால் மொத்தமும் இதில் சேர்த்து சிறிது நேரம் கொதிக்க விட்டு ஏலக்காய் தோலை தூவ வேண்டும்.

மேலும் படிக்க: ஆடி ஸ்பெஷல்: அம்மனுக்கு படைக்கும் சுவையான ஆடிப்பால்; செய்வது எப்படி?

இப்போது அடுப்பை அணைத்து விட்டு இதை இறக்கி வைத்து விடுங்கள். பிறகு ஒரு சிறிய கடாயில் நெய் ஊற்றி நெய் சூடு ஆனதும் முந்திரி திராட்சை சேர்த்து வறுத்து இதை பாயாசத்தில் சேர்க்க வேண்டும். அவ்வளவுதான் சுவையான ஆடி ஸ்பெஷல் கருப்பு கவுனி அரிசி பாயசம் தயார். இந்த சுவையான ஆடி ஸ்பெஷல் கருப்பு கவுனி பாயாசத்தை சூடாகவும் பரிமாறலாம் அல்லது சிறிது குளிர் வைத்து பரிமாறலாம், இரண்டுமே தனி சுவையில் இருக்கும்.

Image source: Freepik