மனம் மாறாத மதுரை கறி தோசை ரெசிபி

மதுரை கறி தோசை செய்யத் தேவையானவை

• மட்டன் கொத்து
• வெங்காயம்
• நல்லெண்ணெய்
• சீரகம்
• பச்சை மிளகாய்
• மஞ்சள் தூள்
• மிளகாய் தூள்
• தனியா தூள்
• உப்பு
• தண்ணீர்
• கொத்தமல்லி
• கறிவேப்பிலை
• முட்டை

குறிப்பு : சின்ன வெங்காயம் பயன்படுத்தினால் ருசி இன்னும் நன்றாக இருக்கும். 7-8 சின்ன வெங்காயம் பயன்படுத்துங்கள்.

மதுரை கறி தோசை செய்முறை

• கடாயில் மூன்று ஸ்பூன் நல்லெண்ணெய் ஊற்றி அதில் இரண்டு பெரிய வெங்காயத்தை பொடிதாக நறுக்கி வதக்கதவும்.
• நன்கு வதங்கிய பிறகு இரண்டு பச்சை மிளகாயை வெட்டி போடுங்கள். அடுத்ததாக ஒரு டீஸ்பூன் இஞ்சி பூண்டு பேஸ்ட் சேர்த்து கலந்து விடவும்.
• இப்போது தேவையான அளவு உப்பு, தலா ஒரு டீஸ்பூன் மிளகாய் தூள், தனியா தூள் மற்றும் கால் டீஸ்பூன் மஞ்சள் தூள், கொஞ்சமாக மிளகு தூள் போட்டு மசாலா தயாரிக்கவும்.
• அரை கிலோ மட்டன் கொத்துக்கறி போட்டு மசாலாவுடன் நன்கு கலந்துவிட்டு இரண்டு நிமிடங்கள் கழித்து தண்ணீர் ஊற்றி கடாயை மூடி மிதமான சூட்டில் கறியை பத்து நிமிடங்களுக்கு குறையாமல் வேக விடவும்.
• கறி நன்கு வெந்த பிறகு கொஞ்சமாக கறிவேப்பிலை, கொத்தமல்லி போட்டு கலந்துவிடுங்கள்.
• தோசைக் கல் சூடு செய்து ஊத்தப்பம் சைஸில் மாவு ஊற்றி சுற்றி எண்ணெய் தடவி ஒரு முட்டையை உடைத்து ஊத்தப்பம் மீது ஊற்றுங்கள்.
• சில விநாடிகளுக்கு பிறகு ஒரு கரண்டி கொத்துக் கறியை தோசையில் தடவி திருப்பி போடுங்கள்.
• நன்கு வெந்த பிறகு அடுப்பில் இருந்து எடுத்து சால்னாவோடு குடும்பத்தினருக்கு பரிமாறுங்கள்.

இதுபோன்ற சுவையான கட்டுரைகளுக்கு ஹெர் ஜிந்தகியுடன் தொடர்ந்து இணைந்திருங்கள்.