ஆந்திரா ஸ்பெஷல் இறால் வெண்டைக்காய் குழம்பு; செம ருசி

இறால் வெண்டைக்காய் குழம்பு செய்யத் தேவையானவை

• இறால்
• வெண்டைக்காய்
• நல்லெண்ணெய்
• கரம் மசாலா
• கறிவேப்பிலை
• புளி
• தண்ணீர்
• கொத்தமல்லி
• பெரிய வெங்காயம்
• பச்சை மிளகாய்
• மிளகு தூள்
• மிளகாய் தூள்
• மஞ்சள் தூள்
• நல்லெண்ணெய்
• இஞ்சி பூண்டு பேஸ்ட்

மேலும் படிங்கஆந்திரா ஸ்டைலில் காரசாரமான முட்டை பூண்டு மசாலா! டேஸ்டே தனி...

இறால் வெண்டைக்காய் குழம்பு செய்முறை

• கடாயில் 50 மில்லி லிட்டர் நல்லெண்ணெய் ஊற்றி அது சூடான பிறகு இரண்டு பெரிய வெங்காயத்தை பொடிதாக நறுக்கி வதக்கவும்.
• வெங்காயம் நன்கு வதங்கி நிறம் மாறிய பிறகு இரண்டு ஸ்பூன் இஞ்சி பூண்டு பேஸ்ட், குழம்பிற்கு தேவையான அளவு உப்பு, அரை டீஸ்பூன் மஞ்சள் தூள் போட்டு கலந்துவிடுங்கள்.
• பச்சை வாடை போன பிறகு சுத்தப்படுத்திய அரை கிலோ இறாலை போட்டு மசாலாவுடன் மிக்ஸ் செய்யவும். இறால் மசாலா பொருட்களில் ஒரு நிமிடம் ஊறிய பிறகு ஒரு டம்ளர் தண்ணீர் ஊற்றி 5 நிமிடங்களுக்கு வேக விடுங்கள்.
• மிதமான சூட்டில் இறால் வேகட்டும். கூடுதல் நிமிடங்கள் கூட எடுக்கலாம். இதன் பிறகு நெல்லிக்காய் சைஸ் புளியை சுடுதண்ணீரில் 10 நிமிடங்களுக்கு ஊறவிட்டு அதை இந்த குழம்பில் ஊற்றவும்.
• சில நிமிடங்கள் கழித்து ஒரு ஸ்பூன் மிளகாய் தூள், ஆறு பச்சை மிளகாய், தலா ஒரு ஸ்பூன் கரம் மசாலா மற்றும் மிளகு தூள் சேர்க்கவும்.
• கொஞ்சம் கறிவேப்பிலையும் போட்டு கலந்துவிடுங்கள். இரண்டு நிமிடங்கள் கழித்து தண்ணீரில் கழுவிய கால் கிலோ வெண்டைக்காயை போடுங்கள்.
• மீண்டும் ஒரு டம்ளர் தண்ணீரில் ஊற்றி கடாயை மூடி 5 நிமிடங்களுக்கு கொதிக்க விடுங்கள். இறுதியாக குழம்பின் மீது கொத்தமல்லி தூவி விடவும்.
• சூப்பரான சுவையான ஆந்திரா ராயலு வெண்டக்காய புளுசு ரெடி... மன்னிக்கவும். ஆந்திரா ஸ்பெஷல் இறால் வெண்டைக்காய் குழம்பு தயார்.
• சாதத்தில் ஊற்றி ருசி பாருங்கள். டேஸ்ட் வேற லெவலில் இருக்கும்.

இதுபோன்ற கட்டுரைகளுக்கு ஹெர் ஜிந்தகியுடன் தொடர்ந்து இணைந்திருங்கள்.