கார்த்திகை தீபம் ஸ்பெஷல் அப்பம், மொறுமொறு பொரி உருண்டை ரெசிபி

கார்த்திகை அப்பம் செய்ய தேவையானவை

• ரவை
• வெல்லம்
• அரிசி மாவு
• தேங்காய் துருவல்
• தண்ணீர்
• நெய்
• ஏலக்காய் தூள்
• உப்பு

கார்த்திகை அப்பம் செய்முறை

• கடாயில் 150 கிராம் அளவிற்கு பவுடர் வெல்லம் எடுத்து அரை கப் தண்ணீர் ஊற்றி நன்கு கொதிக்க விடுங்கள். வெல்லம் கரைந்தவுடன் வடிகட்டி தனியாக வைத்துக் கொள்ளுங்கள்.
• பாத்திரத்தில் ஒரு கப் ரவை எடுத்து வெல்லத்தை ஊற்றவும். இரண்டையும் கலந்து விட்டு 10 நிமிடங்களுக்கு ஊறவிடுங்கள்.
• அடுத்ததாக மிக்ஸி ஜாரில் போட்டு அரைக்கவும். இதனிடையே அரை கப் துருவிய தேங்காய் சேருங்கள்.
• தோசை மாவு பதத்தில் கார்த்திகை அப்பம் மாவு இருக்க வேண்டும். அரைத்த பிறகு கால் கப் அரிசி மாவு, ஒரு சிட்டிகை உப்பு, அரை ஸ்பூன் ஏலக்காய் தூள், ஒரு ஸ்பூன் நெய், மூன்று ஸ்பூன் தண்ணீர் சேர்க்கவும்.
• 10 நிமிடங்களுக்கு பிறகு கடாயில் கடலெண்ணெய் ஊற்றி சூடுபடுத்தி மிதமான தீயில் ஒரு கரண்டி மாவு ஊற்றி இரண்டு பக்கம் நிறம் மாறும் வரை வறுத்தெடுக்கவும். கார்த்திகை அப்பம் ரெடி.

மேலும் படிங்கமுட்டை இல்லாத மயோனைஸ்; வீட்டில் இப்படி செஞ்சு பாருங்க

பொரி உருண்டை செய்ய தேவையானவை

• பொரி
• வெல்லம்
• தண்ணீர்
• பொட்டுக்கடலை

பொரி உருண்டை செய்முறை

• சிறு வயதில் இந்த பொரி உருண்டையை எல்லோரும் ருசித்து இருப்பீர்கள். இதை செய்வதற்கு 150 கிராம் பவுடர் வெல்லத்தில் அரை கப் தண்ணீர் ஊற்றி நன்கு கொதிக்க விடவும்.
• அதன்பிறகு வடிகட்டுங்கள். கடாயில் மீண்டும் வெல்லத்தை ஊற்றி சுண்டக் காய்ச்சவும். மிட்டாய் பதத்திற்கு வந்தவுடன் அரை ஸ்பூன் நெய் ஊற்றி மூன்று கப் பொரி மற்றும் விருப்பம் இருந்தால் பொட்டுக்கடலை சேர்க்கவும்.
• நன்கு கலந்துவிட்டு சூடு சற்று குறைந்தவுடன் உருண்டை பிடித்து 5 நிமிடம் கழித்து ருசித்து பாருங்கள். மொறுமொறுப்பான பொரி உருண்டையின் சுவையை உணர்வீர்கள்.

இதுபோன்ற கட்டுரைகளுக்கு ஹெர் ஜிந்தகியுடன் தொடர்ந்து இணைந்திருங்கள்.

Image credits : Youtube