Bread Halwa Recipe in Tamil : சுவையான பிரட் அல்வா செய்வது எப்படி?

• பால் - 2 கப்

• பிரட் - 8 துண்டு

• நெய் - 2 டீஸ்பூன்

• முந்திரி - 10

• திராட்சை - 2 டேபிள் ஸ்பூன்

• எண்ணெய் – 2 டேபிள் ஸ்பூன்

• சர்க்கரை - 3/4 கப்

• ஏலக்காய் தூள் - 1/2 டீஸ்பூன்

இந்த பதிவும் உதவலாம்:சிறந்த காலை நேர டிபன்! வெண் பொங்கல் செய்வது எப்படி?

• முதலில் பிரட் துண்டுகளை மிக்ஸியில் அரைத்து நன்கு பொடியாக்கி கொள்ளவும்.

• இப்போது அடுப்பில் பாத்திரத்தை வைத்து அதில் பாலை ஊற்றி நன்கு கொதிக்க விடவும்.

• பால் சுண்டி கெட்டியான கோவா பதத்திற்கு வந்ததும் அதை தனியாக எடுத்து கொள்ளவும்.

• பின்பு, அடுப்பில் கடாயை வைத்து அதில் நெய் ஊற்றி முந்திரி, திராட்சை சேர்த்து வறுத்து எடுத்து கொள்ளவும்.

• இப்போது அதே கடாயில் சர்க்கரை சேர்த்து, அதில் 1 கப் தண்ணீர் ஊற்றி கரைய விடவும். கலவை கொதிக்க தொடங்கியதும் அதில் அரைத்து வைத்துள்ள பிரட் தூளை சேர்க்கவும்.

• இவற்றை நன்கு கலந்து விடவும். அப்போது தான் பிரட்டில் சர்க்கரை ஜீரா ஒன்றொடு ஒன்று சேரும்.

• பின்பு, அதில் காய்ச்சி வைத்துள்ள கெட்டியான பாலை சேர்த்து அல்வா பதத்திற்கு கிளறவும். அதில் எண்ணெய் சேர்த்து கடாயில் ஒட்டாமல் பக்குவமாய் கிளறவும்.

• இறுதியாக ஏலக்காய் தூள் மற்றும் வறுத்து வைத்துள்ள முந்திரி, திராட்சையை சேர்க்கவும்.

• வாசனைக்கு கடைசியாக சிறிதளவு நெய் ஊற்றி இறக்கினால் சூப்பரான பிரட் அல்வா தயார்.

நீங்களும், இந்த செய்முறையை பின்பற்றி அசத்தலான பிரட் அல்வா வீட்டிலேயே செய்து பாருங்கள். இந்த தகவல் உங்களுக்கு நிச்சயம் பயனுள்ளதாக இருந்திருக்குமென நம்புகிறோம். இந்த பதிவு பிறருக்கும் பயன்பெற இதனை பகிரலாமே. மேலும் லைக் செய்யவும். ஹெர்ஷிந்தகி தமிழ் பக்கத்தில் இணைவதன் மூலமாக தொடர்ந்து பயனுள்ள பதிவை காணலாம்.

Images Credit: freepik