Spinach Pakoda : எவ்வளவு செய்தாலும் பத்தாது, சுட சுடவே தீர்ந்து விடும் ஹெல்த்தியான கீரை பக்கோடா ரெசிபி!

குழந்தைகளுக்கு லீவு விட்டா போதும், அடிக்கடி ஸ்னாக்ஸ் கேட்டு கொண்டே இருப்பார்கள். கடையில் வாங்குவதற்கு பதிலாக ஆரோக்கியமான முறையில், வீட்டிலேயே செய்து கொடுக்கலாம். அதிலும் சோடா போன்ற பொருட்களை தவிர்த்துவிட்டு வயிற்றுக்கு உகந்த பொருட்களையும் சேர்த்து சமைக்கலாம்.

இன்றைய பதிவில் ஆரோக்கியமான ஒரு ஸ்னாக்ஸ் ரெசிபியை பார்க்க போகிறோம். பொதுவாக வெங்காயம், முட்டை கோஸ் போன்ற காய்கறிகளை கொண்டு பக்கோடா செய்வது வழக்கம். இதை ஆரோக்கியமானதாக மாற்ற பக்கோடாவிற்கான மாவில் கொஞ்சம் கீரைகளையும் சேர்த்துக்கொள்ளலாம். உங்களுக்கு விருப்பமான எந்த கீரையையும் பயன்படுத்தலாம். வீட்டில் சுத்தம் செய்த கீரைகள் இருந்தால் வெறும் 10 நிமிடத்தில் இந்த பக்கோடாவை செய்திடலாம். கீரை பக்கோடா செய்ய தேவையான பொருட்கள் மற்றும் அதன் செய்முறையை இப்போது பார்க்கலாம்.

இந்த பதிவும் உதவலாம்: பீனட் பட்டர் சாப்பிட்டு இருப்பீங்க, ஒரு முறை இப்படி வால்நட் பட்டர் செய்து பாருங்க!

தேவையான பொருட்கள்

• உப்பு - தேவையான அளவு

• பெரிய வெங்காயம் - 2

• கீரை நறுக்கியது - 2 கப்

• கடலை மாவு - 1 கப்

• அரிசி கப் - 2 டேபிள் ஸ்பூன்

• மிளகாய் தூள் - ½ டீஸ்பூன்

• மஞ்சள் தூள் - ¼ டீஸ்பூன்

• சோம்பு - 1 டீஸ்பூன்

• எண்ணெய் - தேவையான அளவு

• கறிவேப்பிலை - சிறிதளவு

செய்முறை

• முதலில் கீரையை சுத்தம் செய்து பொடியாக நறுக்கிக் கொள்ளவும்.

• பின்னர் கடாயில் பொறிப்பதற்கு தேவையான அளவு எண்ணெய் ஊற்றி சூடாக்கவும்.

• ஒரு அகண்ட பாத்திரத்தில் கடலை மாவு, அரிசி மாவு, மிளகாய்த்தூள், மஞ்சள் தூள், உப்பு, சோம்பு, நறுக்கிய வெங்காயம் மற்றும் கறிவேப்பிலை சேர்த்து நன்கு கலந்து வைக்கவும்.

• இப்போது சூடான எண்ணெயை ஒரு டேபிள் ஸ்பூன் அளவிற்கு பக்கோடா மாவில் சேர்த்து நன்கு கலக்கவும்.

• எண்ணெய் சூடாக இருக்கும் என்பதால் ஸ்பூன் பயன்படுத்தி கலந்த பின்பு, கைகளால் பிசைந்து கொள்ளலாம்.

• லேசாக தண்ணீர் தெளித்து பக்கோடா மாவு பதத்திற்கு பிசைந்து கொள்ளவும்.

• காய்கறிகள் தண்ணீர் விடும் என்பதால் அதிகம் தண்ணீர் சேர்க்க வேண்டிய அவசியம் இல்லை. மாவு கெட்டியாக இருக்க வேண்டும்.

• இப்போது மாவிலிருந்து ஒரு சிறிய பகுதியை எடுத்து சூடான எண்ணெயில் உதிர்த்து விடவும்.

• பக்கோடா நன்கு வெந்து இருபுறமும் பொன்னிறமான பிறகு எண்ணெயிலிருந்து வடித்து எடுக்கவும்.

• மாலை நேரத்தில் குழந்தைகள் ஸ்னாக்ஸ் கேட்கும் பொழுது இந்த கீரை பக்கோடாவை செய்து கொடுங்கள்.

இந்த பதிவும் உதவலாம்: முருங்கைக் கீரையை வைத்து இரண்டு புதுவிதமான ரெசிபிகள்!

இந்த தகவல் உங்களுக்கு நிச்சயம் பயனுள்ளதாக இருந்திருக்குமென நம்புகிறோம். இந்த பதிவு பிறருக்கும் பயன்பெற இதனை பகிரலாமே. மேலும் ஹெர்ஷிந்தகி தமிழ் பக்கத்தில் இணைவதன் மூலமாக தொடர்ந்து பயனுள்ள பதிவை காணலாம்.

image source:freepik