குழந்தைகளை மட்டுமல்ல ஒரு சில பெரியவர்களையும் காய்கறிகளை சாப்பிடு வைப்பது சற்று சவாலாகவே இருக்கும். குறிப்பாக ப்ரோக்கோலி போன்ற ஒரு சில காய்கறிகளை குழந்தைகள் விரும்புவதில்லை. இந்நிலையில் ப்ரோக்கோலி குழந்தைகள் சாப்பிடும் வகையில் ஆரோக்கியமான ஒரு சிற்றுண்டியாக செய்து கொடுக்கலாம்.
கோடை விடுமுறை ஆரம்பமாகி உள்ள நிலையில், அடிக்கடி ஸ்நாக்ஸ் கேட்கும் குழந்தைகளை சமாளிப்பது சற்று கடினம் தான். ஆரோக்கியமற்ற ஸ்னாக்ஸ் வகைகளை தவிர்த்து, பழங்கள், சுண்டல் மற்றும் இது போன்ற காய்கறி கட்லெட்களை உங்கள் குழந்தைகளுக்கு செய்து கொடுக்கலாம். எண்ணெயில் பொரித்தெடுக்காமல் ஷாலோ ஃப்ரை செய்து கொடுக்க முயற்சி செய்யலாம்.
இந்த பதிவும் உதவலாம்: எலும்புகளுக்கு வலு சேர்க்கும் பாரம்பரிய ராகி சிமிலி உருண்டைகள்
தேவையான பொருட்கள்
- வேகவைத்த ப்ரோக்கோலி - 1 கப்
- வேகவைத்த உருளைக்கிழங்கு - 1
- இஞ்சி பூண்டு பேஸ்ட் - 1 டீஸ்பூன்
- சிவப்பு மிளகாய் தூள் - 1/2 டீஸ்பூன்
- உலர் மாங்காய் தூள் - 1/2 டீஸ்பூன்
- கரம் மசாலா தூள் - 1/4 டீஸ்பூன்
- உப்பு - தேவையான அளவு
- சோள மாவு - 1/2 கப்
- கடலை மாவு - 1/4 கப்
- பிரட் கிரம்ப்ஸ் - 1/2 கப்
செய்முறை
- முதலில் ப்ரோக்கோலி மற்றும் உருளைக்கிழங்கை வேக வைத்து, பின் நன்கு மசித்து கொள்ளவும்.
- இதனுடன் இஞ்சி பூண்டு விழுது, மிளகாய் தூள், கரம் மசாலா தூள், உலர் மாங்காய் தூள், உப்பு, சோள மாவு மற்றும் கடலை மாவு சேர்த்து நன்கு கலந்து கொள்ளவும்.
- இதிலிருந்து ஒரு சிறிய பகுதியை எடுத்து உருட்டி, கட்லெட் வடிவில் செய்து கொள்ளவும்.
- இதனை பிரட் கிரம்ஸில் புரட்டி எடுத்து 10-15 நிமிடங்கள் ஃப்ரிட்ஜில் வைக்கவும்.
- இப்போது ஒரு தோசை கல்லில் சிறிதளவு எண்ணெய் ஊற்றி தயாராக வைத்துள்ள கட்லெட் மாவை அடுக்கி, இருபுறமும் பொன்னிறமாகும் வரை வறுத்து எடுக்கவும்.
- குழந்தைகளுக்கு பரிமாறும் பொழுது இந்த கட்லெட்டின் நடுவே ஒரு சிறிய துண்டு சீஸ் வைத்தும் கட்லெட் செய்யலாம்.
- ப்ரோக்கோலி மற்றும் உருளைக்கிழங்கு சேர்த்து செய்த ஆரோக்கியமான இந்த கட்லெட்டை நீங்களும் முயற்சி செய்து பாருங்கள்.
இந்த பதிவும் உதவலாம்: அட்டகாசமான மசாலா வெள்ளரி லெமனேடு, செய்ய வெறும் 10 நிமிஷம் போதும்!
இந்த தகவல் உங்களுக்கு நிச்சயம் பயனுள்ளதாக இருந்திருக்குமென நம்புகிறோம். இந்த பதிவு பிறருக்கும் பயன்பெற இதனை பகிரலாமே. மேலும் லைக் செய்யவும், பதிவு குறித்த உங்கள் கருத்தினை கமெண்ட் செய்யவும். ஹெர்ஷிந்தகி தமிழ் பக்கத்தில் இணைவதன் மூலமாக தொடர்ந்து பயனுள்ள பதிவை காணலாம்.
image source:freepik
Take charge of your wellness journey—download the HerZindagi app for daily updates on fitness, beauty, and a healthy lifestyle!
Comments
எல்லா கருத்துகளும் (0)
Join the conversation