பொதுவாக பெண்களுக்கு உடல் எடை அதிகரிக்கும் பொழுது, அடிவயிற்று பகுதி, கை, தொடை, இடுப்பு போன்ற பகுதிகளில் கூடுதலாக கொழுப்பு சேர தொடங்கிவிடும். ஒரு சில பெண்களுக்கு பிரசவத்திற்கு பிறகு தொப்பை நிரந்தரமாகவே மாறிவிடுகிறது. பலரும் இதை குறைப்பதற்காக முயற்சி செய்கின்றனர், இருப்பினும் பெரும்பாலானவர்களால் உடற்பயிற்சி அல்லது உணவு திட்டத்தில் தொடர்ந்து ஈடுபட முடியாமல் போய்விடுகிறது.
உங்கள் வயிற்றுப் பகுதியில் உள்ள அதிகப்படியான கொழுப்பை இயற்கையான முறையில் குறைக்க வேண்டுமா? இதற்கு உதவக்கூடிய சில பழச்சாறுகளை இப்பதிவில் பார்க்கப் போகிறோம். இதனுடன் சரியான உணவு முறை மற்றும் வழக்கமான உடற்பயிற்சியை பின்பற்றினால் சிறந்த பலன்களை பெறலாம்.
இந்த பதிவும் உதவலாம்: எலும்புகளுக்கு வலு சேர்க்கும் பாரம்பரிய ராகி சிமிலி உருண்டைகள்
தர்பூசணி எலுமிச்சை சாறு
நீர்ச்சத்து நிறைந்த தர்பூசணியில் கால்சியம், பொட்டாசியம், வைட்டமின் C போன்ற ஊட்டச்சத்துக்கள் நிறைந்துள்ளன. அடிவயிற்றில் உள்ள அதிகப்படியான கொழுப்பை குறைக்க இந்த பானத்தை முயற்சி செய்யலாம்.
தேவையான பொருட்கள்
- எலுமிச்சை சாறு -1
- முந்திரி - 5
- தர்பூசணி 1- 2 துண்டுகள்
- இலவங்கப்பட்டை பொடி - ½ டீஸ்பூன்
செய்முறை
- மேலே குறிப்பிடப்பட்டுள்ள பொருட்கள் அனைத்தையும் ஒரு மிக்ஸர் ஜாரில் சேர்த்து நன்கு அரைத்துக் கொள்ளவும்.
- நீங்கள் விரும்பினால் இதல் சிறிதளவு தண்ணீர் சேர்த்துக் கொள்ளலாம். நீங்கள் விரும்பும் பதத்திற்கு அரைத்து, வடிகட்டாமல் குடிக்கவும்.
ஆப்பிள் சாறு
உங்கள் வயிற்றுப் பகுதியில் உள்ள கொழுப்பை குறைக்க, சுவை நிறைந்த ஆப்பிளை கொண்டு இந்த அற்புதமான பானத்தை செய்து குடிக்கலாம்.
தேவையான பொருட்கள்
- ஆப்பிள் - 1
- பாதாம் 5-7
- இலவங்கப்பட்டை - ½ டீஸ்பூன்
- கொழுப்பு நீக்கப்பட்ட பால் - 200 மில்லி
செய்முறை
- ஆப்பிளை தோல் நீக்கி சிறிய துண்டுகளாக நறுக்கிக் கொள்ளவும்.
- நறுக்கிய பாதாம் மற்றும் ஆப்பிளை மிக்ஸர் ஜாரில் சேர்த்து நன்கு அரைத்துக் கொள்ளவும்.
- இறுதியாக பால் மற்றும் இலவங்கப்பட்டை பொடி சேர்த்து மீண்டும் ஒருமுறை நன்கு அரைக்கவும்.
- இந்த பானத்தை குளிர வைத்து குடித்தால் கூடுதல் சுவையுடன் இருக்கும்.
இஞ்சி வெள்ளரி சாறு
வயிற்றில் உள்ள கொழுப்பை கரைக்கவும் செரிமான செயல்முறையை மேம்படுத்தவும் இஞ்சி வெள்ளரி சாறு குடிக்கலாம்.
தேவையான பொருட்கள்
- எலுமிச்சை - 1
- வெள்ளரி - 1
- இஞ்சி - 1 சிறிய துண்டு
- தண்ணீர் - 1 கப்
செய்முறை
- வெள்ளரிக்காய் மற்றும் இஞ்சியை தோல் சீவி நறுக்கிக் கொள்ளவும்.
- ஒரு மிக்ஸர் ஜாரில் அனைத்து பொருட்களையும் சேர்த்து அரைத்து, இறுதியாக எலுமிச்சை சாறு கலந்து குடிக்கலாம்.
அன்னாசி கேரட் சாறு
உடலை நீரேற்றமாக வைத்துக் கொள்ளவும், செரிமானத்தை மேம்படுத்தவும் மற்றும் மலச்சிக்கலில் இருந்து விடுபடவும் இந்த பழச்சாறை முயற்சி செய்யுங்கள்
தேவையான பொருட்கள்
- கேரட் - 1
- நறுக்கிய அன்னாசிப்பழம் - 1 கப்
- சியா விதை - 2 டீஸ்பூன்
- தண்ணீர் - 1 கப்
செய்முறை
- சியா விதைகளை சிறிது நேரம் ஊற வைத்துக் கொள்ளவும்.
- ஒரு மிக்ஸர் ஜாரில் நறுக்கிய கேரட் மற்றும் அன்னாசி பழத்தை சேர்த்து நன்கு அரைத்துக் கொள்ளவும்.
- இதனுடன் ஊற வைத்துள்ள சியா விதைகள் மற்றும் தேவையான அளவு தண்ணீர் சேர்த்து கலந்து குடிக்கலாம்
இந்த பதிவும் உதவலாம்: எண்ணெயில் பிரியாமல் சரியான பக்குவத்தில் அதிரசம் வரணுமா, இப்படி ஒரு முறை செஞ்சு பாருங்க!
இந்த தகவல் உங்களுக்கு நிச்சயம் பயனுள்ளதாக இருந்திருக்குமென நம்புகிறோம். இந்த பதிவு பிறருக்கும் பயன்பெற இதனை பகிரலாமே. மேலும் லைக் செய்யவும், பதிவு குறித்த உங்கள் கருத்தினை கமெண்ட் செய்யவும். ஹெர்ஷிந்தகி தமிழ் பக்கத்தில் இணைவதன் மூலமாக தொடர்ந்து பயனுள்ள பதிவை காணலாம்.
image source:freepik
Take charge of your wellness journey—download the HerZindagi app for daily updates on fitness, beauty, and a healthy lifestyle!
Comments
எல்லா கருத்துகளும் (0)
Join the conversation