ஆந்திரா ஸ்பெஷல் சுரக்காய் தயிர் பச்சடி செய்முறை

சுரக்காய் தயிர் பச்சடி செய்ய தேவையானவை

• சுரக்காய்
• தயிர்
• இஞ்சி பூண்டு பேஸ்ட்
• காய்ந்த மிளகாய்
• கடுகு உளுந்து பருப்பு
• மஞ்சள் தூள்
• உப்பு
• கறிவேப்பிலை
• பெருங்காயம்
• நல்லெண்ணெய்
• சீரகம்

சுரக்காய் தயிர் பச்சடி செய்முறை

• முதலில் 300 கிராம் சுரக்காயை தோல் நீக்கி தண்ணீரில் நன்கு கழுவுங்கள். சுரக்காயின் தோல் கொஞ்சம் கசப்பானது. இதையடுத்து பேனில் கொஞ்சம் தண்ணீர் ஊற்றி மிதமான சூட்டில் சுரக்காயை வேக வைக்கவும். முத்தலான சுரக்காயை பயன்படுத்த வேண்டாம்.
• கடாயில் மூன்று ஸ்பூன் நல்லெண்ணெய் ஊற்றி சூடானதும் ஒரு ஸ்பூன் சீரகம் போட்டு வறுக்கவும். அடுத்ததாக வேக வைத்த சுரக்காயை போடுங்கள்.
• ஒரு சிட்டிகை மஞ்சள் தூள் சேர்க்கவும். கொஞ்சமாக உப்பு போட்டால் சுரக்காய் விரைவாக வதங்கிவிடும். இதை தனியாக வைத்துவிடவும்.
• அதே பேனில் இரண்டு ஸ்பூன் நல்லெண்ணெய் ஊற்றி இரண்டு வரமிளகாய், ஒரு டீஸ்பூன் கடுகு உளுத்தம் பருப்பு போட்டு வறுக்கவும்.
• இதன் பிறகு ஒரு டீஸ்பூன் இஞ்சி பூண்டு பேஸ்ட் சேருங்கள். பச்சை வாசனை போன பிறகு கொஞ்சம் பெருங்காயத் தூள் போட்டு அடுப்பை ஆஃப் செய்து விடவும்.
• இப்போது கால் லிட்டர் தயிரை எடுத்து அதில் தேவையான அளவு உப்பு போட்டு கலந்து விஸ்க் வைத்து அடிக்கவும்.
• இறுதியாக சுரக்காய், தாளித்த பொருட்களை தயிருடன் கலந்து விடுங்கள். அரைமணி நேரம் நன்கு ஊறட்டும்.
• ஆந்திரா மீல்ஸில் வைக்கப்படும் சுரக்காய் தயிர் பச்சடியை வீட்டிலும் ருசிக்கலாம்.

இதுபோன்ற கட்டுரைகளுக்கு ஹெர் ஜிந்தகியுடன் தொடர்ந்து இணைந்திருங்கள். எங்களை முகநூலில் பின்தொடர்வதற்கு Her Zindagi கிளிக் செய்யவும்.