நடிகர் சூர்யா தவறவிட்டு பிளாக்பஸ்டரான டாப் 5 படங்கள்; என்ன இப்படி பண்ணிட்டீங்க

ஆசை நாயகன் சூர்யா

1995ல் வசந்த் இயக்கத்தில் அஜித், பிரகாஷ் ராஜ், சுவலட்சுமி நடிப்பில் வெளிவந்த ஆசை திரைப்படம் அஜித்தின் திரைப்பயணத்தில் திருப்புமுனையாக இருந்தது. ஆசை கதையை இயக்குநர் வசந்த் சூர்யாவிடமே முதலில் சொல்லி இருக்கிறார். அப்போது சூர்யாவுக்கு நடிக்க விருப்பமில்லாமல் அப்படத்தை தவறவிட்டார். அதன்பிறகு 1997ல் வசந்த் இயக்கத்தில் உருவான நேருக்கு நேர் படத்தில் ஹீரோவாக அறிமுகமானார்.

பையா பதிலாக அஞ்சான்

இயக்குநர் லிங்குசாமி பையா படத்தின் கதையை சூர்யாவிடமே சொல்லியிருக்கிறார். சூர்யா நடிக்க தயங்கவே கார்த்தியை வைத்து படப்பிடிப்பு தொடங்கப்பட்டது. 2010ல் அதிக வசூல் செய்த படமாகவும் பையா அமைந்தது. அதன் பிறகு இயக்குநர் லிங்குசாமியுடன் இணைந்து பணியாற்ற வேண்டும் என நடித்த படமே அஞ்சான். இது சூர்யாவுக்கு மிகப்பெரிய தோல்வி படமாகும்.

மகதீரா ? பாகுபலி ? தவறவிட்ட ராஜமெளலி

7ஆம் அறிவு படத்தில் சூர்யாவின் நடிப்பை பார்த்து ராஜமெளலி அவருடன் பணியாற்ற விரும்பியிருக்கிறார். ஆனால் அது ஏனோ நடக்கவில்லை. தமிழில் பாகுபலி படத்தின் ப்ரோமோஷன் நிகழ்ச்சியில் சூர்யா கலந்து பாராட்டி பேசியிருந்தார். கங்குவா பட நிகழ்ச்சியில் பங்கேற்ற ராஜமெளலி சூர்யாவுடன் பணியாற்றும் வாய்ப்பை தவறவிட்டதாக வருந்தினார். அப்படம் ராம் சரண் நடித்த மகதீரா ? அல்லது பிரபாஸின் பாகுபலி ? எது எனத் தெரியவில்லை.

துப்பாக்கி படத்தில் சூர்யா ?

ஏ.ஆர்.முருகதாஸ் இயக்கத்தில் சூர்யா நடித்த கஜினி படம் மாபெரும் வெற்றி பெற்றது. ஏழாம் அறிவு எதிர்பார்த்த அளவு ஓடவில்லை என்றாலும் வசூலை குவித்தது. துப்பாக்கி பட கதையுடன் ஏ.ஆர்.முருகதாஸ் சூர்யாவை அணுகிய போது சூர்யா ஏனோ மறுத்துள்ளார். அதுவே நாளடைவில் விஜய்யின் திரைப்பயணத்தில் நீண்ட நாட்களுக்கு பிறகு பிளாக்பஸ்டர் படமாக அமைந்தது.

இயற்கை

எஸ்.பி. ஜனநாதன் இயக்கத்தில் ஷ்யாம், அருண் விஜய், குட்டி ராதிகா நடித்து தேசிய விருது பெற்ற படம் இயற்கை. இப்படத்தில் சூர்யா நடிக்க மறுத்ததாக கூறப்படுகிறது.

இதே போல துருவ நட்சத்திரம், பராசக்தி, சார்பட்டா பரம்பரை போன்ற படங்களை சூர்யா தவறவிட்டதாகவும் கோலிவுட் வட்டாரத்தில் பேச்சு உண்டு.