Breast cancer: பெண்களே அலட்சியமாக இருக்காதீங்க? இதெல்லாம் மார்பக புற்றுநோயின் அறிகுறிகள்!

பெண்களுக்கு ஏற்படக்கூடிய கொடிய நோய்களில் ஒன்று தான் மார்பக புற்றுநோய். மற்ற நோய்களைக் கூட சில அறிகுறிகளை வைத்து எளிதில் கண்டுபிடித்துவிட முடியும். ஆனால் மார்பக புற்றுநோய் அதுப்போன்றில்லை. நம் உடலுக்கு உள்ளேளே படிப்படியாக வளர்ந்து நிலை முற்றும் போது தான் சில அறிகுறிகளை நமக்கு வெளிப்படுத்துகிறது. இதனாலே இறப்பு விகிதம் அதிகமாக ஏற்படுகிறது என உலக சுகாதார நிறுவனம் கூறுகிறது. இந்த சூழலில் பெண்கள் என்ன செய்ய வேண்டும்? என்பது குறித்த தகவல்கள் இதோ உங்களுக்காக..

30 வயதிற்கு மேல் மார்பக புற்றுநோய்

• வளரிளம் பெண்களைவிட 30 வயதிற்கு மேற்பட்ட பெண்களுக்குத் தான் மார்பக புற்றுநோய் பாதிப்பு அதிகம் ஏற்படுகிறது. ஆரம்ப கட்ட நிலையில் கண்டறிய முடியாது என்றால், 30 வயது ஆகிவிட்டாலே மருத்துவ பரிசோதனை மேற்கொள்வது நல்லது.
• மோமோகிராம் எனப்படும் எக்ஸ்ரே மூலம் மார்பகங்களில் ஏதேனும் கட்டி உள்ளதா? என சோதித்துக்கொள்ளவேண்டும். ஒருவேளை கட்டிகள் ஏதேனும் இருக்கும்பட்சத்தில் ஆரம்பத்திலேயே எளிதாக அறுவை சிகிச்சை செய்துக் கொடுக்க முடியும்.
• மாதவிடாய் சுழற்சியின் போது அல்லது முன்னதாக மார்பகங்களில் அதிக வலி ஏற்படும். ஆனால் மாதவிடாய் சுழற்சிக்குப் பின்னதாக வலி இருந்துக் கொண்டே இருந்தாலும் மருத்துவ பரிசோதனை மேற்கொள்வது நல்லது.
• 40 வயதிற்கு மேல் உள்ள மோமோகிராபி என்ற மார்பக புற்றுநோய் குறித்த பரிசோதனையை மேற்கொள்ள வேண்டும்.

மேலும் படிக்க : குளிர்காலத்தில் கர்ப்பிணி பெண்கள் பின்பற்ற வேண்டிய வழிமுறைகள்!

மார்பக புற்றுநோயின் அறிகுறிகள்:

ஆரம்ப கட்டத்திலேயே மார்பக புற்றுநோய் பாதிப்பைக் கண்டறிய முடியாவிட்டாலும் சில அறிகுறிகள் உங்களுக்கு பாதிப்பின் தாக்கத்தை வெளிப்படுத்தும். மார்பு பகுதியில் ஏற்படும் மாற்றங்கள், முலைக்காம்பில் வீக்கம் மற்றும் வலி, மார்பகங்களில் திடீர் வீக்கம் மற்றும் வலி போன்றவையும் மார்பக புற்றுநோயின் அறிகுறிகளாக உள்ளது. எனவே உடல் நலத்தில் எப்போதும் அக்கறையுடன் இருக்க வேண்டும். 

பக்க விளைவுகள்: 

மார்பக புற்றுநோய் பாதிக்கப்பட்ட பெண்களுக்கு பொதுவாக உடல் சோர்வு, பசியின்மை, குமட்டல், அதீத வலி மற்றும் எடை போன்ற பல்வேறு பக்க விளைவுகள் ஏற்படக்கூடும். இதற்கு முறையான சிகிச்சை மற்றும் ஆரோக்கிய உணவுகளை உட்கொள்ள வேண்டும்.

தவிர்க்க வேண்டிய உணவுகள்:

மார்பக புற்றுநோய் பாதிப்பு இருக்கும் பட்சத்தில் அதிகப்படியான கொழுப்பு, எண்ணெய்கள் மற்றும் இனிப்புகள் அதிகம் உள்ள உணவுகளைக் கட்டாயம் தவிர்க்க வேண்டும். இது உடலுக்கு எவ்வித ஊட்டச்சத்துக்களையும் வழங்காது. மாறாக தேவையில்லாத உடல் நலப்பாதிப்புகளைளும் உங்களுக்கு ஏற்படுத்தக்கூடும் என்பதால் தவிர்ப்பது நல்லது.

மேலும் படிக்க: பெண்கள் பாதுகாப்பாக இருக்க கட்டாயம் பின்பற்ற வேண்டிய 5 வழிமுறைகள்!

பாதிப்பைத் தடுக்க செய்து வேண்டியது?

• மார்பக புற்றுநோய் பாதிப்பு என்பது தீர்க்க முடியாத பிரச்சனை ஒன்றும் இல்லை. இருந்தப்போதும் ஆரம்ப கட்டத்திலேயே கண்டறிவது உங்களுக்கு நல்லது. 30 வயதிற்கு மேல் குழந்தை பெற்றுக்கொள்ளும் பெண்களுக்கு மார்பக புற்றுநோய் பாதிப்பு ஏற்படுகிறது என மருத்துவர்கள் கூறுகின்றனர். எனவே 30 வயதிற்கு முன்னதாக குழந்தைகளைப் பெற்றெடுக்க வேண்டும்.
• வீடுகளிலேயே பெண்கள் சுய பரிசோதனை மேற்கொள்ள வேண்டும். மார்பகங்களில் ஏதேனும் வலி உள்ளதா? மார்பகத்தில் அளவில் மாற்றம்? மற்றும் மாதவிடாய் சுழற்சிக்கு பிறகும் வலி தொடர்ச்சியாக உள்ளதா? என்பதை வீட்டிலேயே ஒவ்வொரு மாதமும் பரிசோதித்துக் கொள்ள வேண்டும்.
• வயதான பெண்கள் அனைவரும் ஆண்டிற்கு ஒருமுறையாவது கட்டாயம் மோமோகிராம் பரிசோதனை செய்துக் கொள்ள வேண்டும்.
• மருத்துவ பரிசோதனையில் புற்றுநோய் பாதிப்பு உறுதியானாலும், மனம் தளராது வலிமையுடன் இருக்க வேண்டும். சிகிச்சைகளின் மூலம் பாதிப்பைக் குறைக்க முடியும் என்ற பாசிட்டிவ் எண்ணம் இருந்தால் போதும் எவ்வித பாதிப்பும் நமக்கு ஏற்படாது.