urine leakage : சிறுநீர் கசிவு பிரச்சனைக்கு சிறந்த தீர்வு

பெண்களுக்கு பொதுவாக கர்ப்பக்காலத்தில் சிறுநீர் கசிவு பிரச்சனை ஏற்படுகிறது. வயதுக்கு ஏற்ப இந்த பிரச்னையும் அதிகரிக்கிறது. இன்றைய சூழ்நிலையில் பெண்களுக்கு மட்டுமில்லை பலருக்கும் இது பொதுவான பிரச்சனையாக மாறிவிட்டது. இதற்கு என்ன தீர்வு என்பதை இந்த பதிவில் பார்ப்போம்.

சிறுநீர் அடக்க முடியாமல் வெளியேறுவது சிறுநீர்ப்பை கட்டுப்பாட்டின் இழப்பு என்றும் அழைக்கப்படுகிறது. இரும்பல் அல்லது தும்புலின் போதும் இது நிகழலாம். இப்படி தொடர்ந்து நடந்தால் உடனடியாக மருத்துவரிடம் பரிசோதனை செய்து கொள்வது நல்லது. மகப்பேறு மருத்துவரும் லேப்ராஸ்கோபிக் அறுவை சிகிச்சை நிபுணருமான டாக்டர். கரிமா ஸ்ரீவஸ்தவா இன்ஸ்டாகிராமில் இந்த பிரச்சனை குறித்து பல விஷயங்களை ஷேர் செய்துள்ளார். இத்துடன் அதற்கான சரியான சிகிச்சை பற்றியும் கூறியுள்ளார். எனவே, இந்த பதிவில் சிறுநீர் கசிவு ஏற்படுவதற்கான காரணம் மற்றும் அதற்கான தீர்வு முறை பற்றி பார்ப்போம்.

காரணங்கள்

சிறுநீர் பாதை தொற்று, பிறப்புறுப்பு தொற்று அல்லது எரிச்சல் மற்றும் மலச்சிக்கல் உள்ளிட்ட பல்வேறு காரணங்களால் இது நிகழலாம். சில மருந்துகள் இதை சில நாட்களுக்கு சரிசெய்யலாம். ஆனால் நிரந்தர தீர்வுக்கு சிகிச்சை முறை கட்டாயம். சிறுநீர்ப்பையில் எற்படும் பிரச்சனையின் அறிகுறியே இதன் வெளிப்பாடு.

அதிகமான எடை

எடை அதிகரிப்பு சிறுநீர் கசிவு பிரச்சனைக்கு ஒரு முக்கிய காரணமாக இருக்கலாம் . உங்கள் வயிற்று பகுதியில் அதிக எடை சிறுநீர்ப்பையில் அழுத்தத்தை ஏற்படுத்துகிறது. இந்த அழுத்தம் உங்கள் இடுப்புத் தளத்தை பலவீனப்படுத்தலாம் அல்லது சேதப்படுத்தலாம். எனவே எடையை குறைப்பது இந்த பிரச்சனைக்கு சிறந்த தீர்வாக இருக்கும்.

இந்த பதிவும் உதவலாம்:உடல் எடையை வேகமாக குறைப்பது எப்படி?

உடற்பயிற்சி

இடுப்பு தொடர்பான உடற்பயிற்சிகள் கருப்பை, சிறுநீர்ப்பை மற்றும் பெரிய குடலின் அடிப்பகுதியில் உள்ள தசைகளை வலுப்படுத்த உதவும். இந்த பிரச்சனை உள்ளவர்கள் இந்தப் பயிற்சியின் மூலம் நிவாரணம் பெறலாம். நீங்களும் இந்தப் பிரச்சனையில் சிரமப்படுகிறீர்களானால், முதலில் உங்கள் மருத்துவரைத் தொடர்புகொண்டு அவர் பரிந்துரைக்கும் மருந்துகளைக் கொண்டு இந்த பிரச்சனையைத் தீர்க்க முயற்சிக்கவும்.

இந்த பதிவும் உதவலாம்: உடலுக்கு நல்லது இந்தியன் டாய்லட்டா? வெஸ்டர்ன் டாய்லட்டா?