குளிர்காலம் வந்தாச்சு. மறக்காமல் கர்ப்பிணிகள் இந்த பாதுகாப்பு வழிமுறைகளைப் பின்பற்றுங்கள்

குளிர்காலத்தில் கர்ப்பிணிகள் பின்பற்ற வேண்டிய டிப்ஸ்கள்:

அதிக தண்ணீர் குடித்தல்:

பொதுவாகவே குளிர்காலம் தொடங்கிவிட்டாலே தாகம் எடுக்காது. இதனால் அடிக்கடி தண்ணீர் உட்கொள்ளலைக் குறைக்க ஆரம்பித்துவிடுவோம். மகப்பேறு மருத்துவர்களின் கூற்றுப்படி, எந்த பருவ காலங்களாக இருந்தாலும் கட்டாயம் தினமும் 2 அல்லது 3 லிட்டர் தண்ணீர் குடிக்க வேண்டும் என்பார்கள். ஆனால் குளிர்காலத்தில் இதை முறையாக நாம் பின்பற்றுவதில்லை. இது முற்றிலும் தவறு. அதிக தண்ணீர் குடிக்காமல் இருந்தால் நமது உடல் ஆரோக்கியம் கெட்டுவிடக்கூடும். குறிப்பாக குளிர்ந்த காற்றினால் உடல் வறட்சி ஏற்படுவதோடு நீரழிவு ஏற்படும் வாய்ப்பும் உள்ளது. எனவே முடிந்தவரை அதிகளவு தண்ணீர் குடிக்க வேண்டும் என்பதை நினைவில் வைத்துக்கொள்ளுங்கள்.

தடுப்பூசி போடுதல்:

குளிர்காலத்தில் கர்ப்பிணிகளுக்கு நோய் எதிர்ப்பு சக்தி சட்டென்று குறைந்துவிடக்கூடும். சளி, இருமல், காய்ச்சல் போன்ற பாதிப்புகள் உடனடியாக அவர்களைத் தாக்க நேரிடும். இந்நேரத்தில் எந்த மருந்து, மாத்திரைகளையும் உட்கொள்ள முடியாத நிலை இருக்கும். எனவே கர்ப்பமாக இருக்கும் பெண்கள் உடலின் நோய் எதிர்ப்பு அமைப்பு வலுவாக வைத்திருக்க கட்டாயம் காய்ச்சல் தடுப்பூசிகள் போட்டிருக்க வேண்டும். ஒருவேளை இதுக்குறித்த விழிப்புணர்வு எதுவும் இல்லையென்றால் அருகிலுள்ள ஆரம்ப சுகாதார நிலையத்தில் ஆலோசனைப் பெற்று அதன் படி செயல்பட வேண்டும்.

சரும பராமரிப்பில் கவனம்:

வெயில் காலங்களை விட குளிர்காலத்தில் சருமம் சட்டென்று வறண்டு போய்விடும். கர்ப்ப காலத்தில் உடலை நீரேற்றத்துடன் வைத்திருப்பதோடு சரும பராமரிப்பிலும் அக்கறையுடன் செயல்பட வேண்டும். குளிர்காலத்தில் முடிந்தவரை வாசனை திரவியங்கள் பயன்படுத்துவதையும், அதிக சூடான தண்ணீரில் குளிப்பதையும் தவிர்த்துவிட வேண்டும். அதீத குளிரை அனுபவிக்க நேர்ந்தால் கொஞ்சம் வெதுவெதுப்பான தண்ணீரில் குளிக்க வேண்டும்.

மேலும் படிக்க:குளிர்காலத்தில் தொண்டை சார்ந்த பிரச்சனைகள் வராமல் தடுக்க வழிகள்

கால்களுக்கு மசாஜ்:

கர்ப்ப காலத்தில் பொதுவாக கர்ப்பிணிகளுக்கு கால் வீக்கம் ஏற்படும். அதுவும் குளிர்காலத்தில் நிலவும் சில்லென்ற பருவநிலை கால் வலியை அதிகப்படுத்தும். இவற்றைத் தவிர்க்க வெதுவெதுப்பான நீரைக் கொண்டு கால்களுக்கு மசாஜ் செய்ய வேண்டும்.

மகிழ்ச்சியுடன் இருத்தல்:

கர்ப்பிணிகள் எந்தளவிற்கு மகிழ்ச்சியுடன் இருக்கிறீர்களோ? அந்தளவிற்கு உடல் ஆரோக்கியத்துடன் இருக்கம். குறிப்பாக 9 மாத காலத்திற்குள் குழந்தைகள் மற்றும் தாய்மார்களுக்கு இருதய பரிசோதனை மேற்கொள்வார்கள். இவற்றில் ஏதேனும் பாதிப்புகள் இருந்தால் குழந்தை பிறப்பில் பிரச்சனையை ஏற்படுத்தும். எனவே எதையும் மனதில் போட்டு குழப்பிக் கொள்ளாமல் மகிழ்ச்சியாக இருக்க முயற்சி செய்யுங்கள். கர்ப்பிணிகளுக்கு மட்டுமல்ல கருவில் இருக்கும் குழந்தைகளுக்கும் ஆரோக்கியத்தை அளிக்கும்.

Image credit - freepik